Исай 51:3 - Коми Библия 2023

³ Господь бурӧдас Сион, бурӧдас пазӧдӧм карсӧ, сылысь овтӧминсӧ вӧчас рай кодьӧн, сылысь кушинсӧ вӧчас Господьлӧн сад йӧрӧн. Сэні пондасны нимкодясьны да гажӧдчыны, кыпыда ошкыны да сьывны.

Исай 51:3 Kruisverwysings

Олӧм 13:10

Лот аддзис, мый Йӧрдан ковтыс Цоар карӧдз вӧлі Господьлӧн сад йӧр кодь да уна ваа Египет му кодь. Тайӧ вӧлі Господьӧн Содом да Гомора каръяс бырӧдтӧдз на.

Псалтыр 85:8

Господьӧй, енъяс пӧвстын Тэ кодь мӧдыс абу, абуӧсь Тэ моз вӧчӧм уджъясыс.

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Исай 35:6

Чотысь пондас кӧр моз чеччавны, сёрнитны вермытӧм морт пондас сьывны. Кушинын воссясны ва петанінъяс, кос му вывті визувтасны шоръяс.

Исай 41:16

Тэ кутан шердйыны найӧс, а тӧлыс нӧбӧдас, тӧвнырыс разӧдас найӧс. Тэ кутан нимкодясьны Господьӧн, кутан ошйысьны Израильлӧн вежа Енмӧн.

Исай 43:19

Со, Ме вӧча выльӧс, ӧні сійӧ тыдовтчас – онӧ ӧмӧй тайӧс казялӧй? Ме лӧсьӧда овтӧминын туй, кушинын юяс.

Исай 44:26

Ме збыльмӧда сійӧ, мый юӧртіс Менам кесйӧгӧй, вӧча сійӧ, мый висьталісны Меӧн мӧдӧдӧмаяс. Ме висьтала, мый Ерусалимӧс бара лоӧ овмӧдӧма, Иуда каръясӧс выльысь лоӧ лэптӧма. Ме выльысь кыпӧда бырӧдӧм каръяс.

Исай 49:13

Нимкодясь, енэжыс, гажӧдчы, муыс, гораа нимкодясьӧй, керӧсъяс! Ӧд Господь бурӧдіс Ассьыс войтырсӧ, Сійӧ бурсьӧлӧмтчӧ Аслас коньӧръяс дінӧ.

Исай 49:19

Тэнсьыд муястӧ куштӧма, сэні эз коль олысьыс, тэнсьыд мутӧ дзикӧдз пазӧдӧма. Но тэныд дзескыд лоӧ уна лыда олысьяс вӧсна, тэнӧ куштысьяс дзикӧдз ылыстчасны тэ дінысь.

Исай 49:8

Господь тадзи висьталӧ: – Ме кылі тэнӧ бур кадӧ, отсалі тэныд мездман лунӧ. Ме видзи тэнӧ, пукті тэнӧ тайӧ войтырыслы йитӧд пыдди, медым тэ выльысь сӧвмӧдін тайӧ мусӧ, медым тэ юклін кушмӧм муяссӧ,

Исай 51:12

– Ме, Ме – тэнӧ Бурӧдысьыс! Мыйла тэ полан мортысь, кодлӧн олӧмыс дженьыд, кодлӧн олан лунъясыс турунлӧн кодь?

Исай 52:9

Кыпыда гажӧдчы, пазӧдӧм Ерусалим кар! Сьылӧй ставныд ӧтвылысь, ӧд Господь бурӧдіс Ассьыс войтырсӧ, мездіс Ерусалим.

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Исай 65:18

Но ті понданныд пыр гажӧдчыны-нимкодясьны сыысь, мый Ме кута вӧчны. Со, Ме вӧча Ерусалим гажӧдчанінӧн, сэні олысьясӧс – нимкодясьысь войтырӧн.

Еремей 31:25

Мудзӧмаясӧс Ме юктӧда, вынтӧмъясӧс Ме пӧткӧда».

Езекиль 28:13

Тэ олін Эдэмын, Енлӧн сад йӧрын. Тэнӧ мичмӧдісны дона изъяс: рубин, топаз, алмаз, хризолит, оникс, яшма, сапфир, карбункул да изумруд. Паськӧмтӧ вӧлі мичмӧдӧма зарниӧн. Ставыс тайӧ вӧлі дась нин сійӧ лунӧ, кор тэнӧ вӧлі вӧчӧма.

Езекиль 36:11

Ме вайӧда уна йӧзӧс да уна ыж-мӧскӧс, и найӧ кутасны чужтысьны-рӧдмыны. Ме вӧча тіянӧс воддза кодь уна лыда войтырӧн, и воддза дорысь унджык на бурсӧ кута вӧчны тіянлы. Сэки ті тӧдмаланныд, мый Ме – Господь.

Езекиль 36:35

Сэки шуасны, тайӧ овтӧм муыс пӧ Эдэм сад кодь лоӧма, тайӧ кушмӧм-киссьӧм каръяссӧ пӧ зумыдмӧдӧма да овмӧдӧма.

Йоиль 2:3

Сы водзвылын мунӧ бырӧдана би, бӧрсяньыс – ыпъялысь би. Водзвылас муыс Эдэм сад кодь, бӧрвылас – кушмӧм овтӧмин. Некод оз вермы мездмынысӧ.

1 Петыр 1:8

Кристосӧс ті энӧ аддзылӧй, но Сійӧ муса тіянлы. Ті онӧ на аддзӧй Сійӧс, но эсканныд Сылы. Тіян сьӧлӧмныд тырӧма ыджыдсьыс-ыджыд нимкодьлунӧн, та йылысь он вермы весиг висьтавнысӧ.