Исай 51:2 - Коми Библия 2023

² Видзӧдлӧй Ӧвраам батьныд вылӧ да тіянӧс чужтысь Сарра вылӧ. Кор Ме чукӧсті Ӧвраамӧс, сійӧ вӧлі ныв-питӧм на, но Ме бурсии сійӧс, рӧдмӧді сысянь уна чужысьӧс.

Исай 51:2 Kruisverwysings

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Олӧм 24:1

Ӧвраам пӧрысьмис, вӧлі ыджыд арлыда нин. Господь быд ногыс бурсиис сійӧс.

Олӧм 24:35

Господь ёна бурсиис менсьым ыджыдӧс да сетіс сылы уна озырлун: ыжъясӧс да мӧсъясӧс, эзысь да зарни, кесйӧг айуловӧс да аньясӧс, верблюдъясӧс да осёлъясӧс.

Исай 29:22

Та вӧсна Яковсянь чужысьяс йылысь Господь, Ӧвраамӧс Мездысь, тадзи висьталӧ: – Яковлы оз нин ло яндзим, сылӧн чужӧмыс оз нин гӧрдӧд.

Исай 41:8

Израиль, тэ – Менам кесйӧгӧй, Яков, тэ – Менам Ӧвраам ёртсянь чужысь, Ме бӧрйи тэнӧ.

Исай 43:27

Тэнад батьыд мыж вӧчис, тэнад веськӧдлысьясыд Меным паныд кыпӧдчисны.

Исай 48:1

– Кывзӧй тайӧс, Яковсянь чужысьяс! Ті шусянныд Израиль нимӧн, ті петінныд Иуда чужанкотырысь, ті кыв сетӧмӧн кӧсйысянныд Господь нимӧн, шуанныд, мый кесъяланныд Израильлӧн Енлы, но вӧчанныд тайӧс онӧ збыльысь да онӧ веськыда.

Исай 60:22

На пӧвстысь медічӧтсяньыс чужас сюрс олысь, медся жебсяньыс чужас вына войтыр. Ме, Господь, тэрмася вӧчны тайӧс ас кадӧ.

Исай 63:16

Господьӧй, Тэ – миян Батьным. Ӧвраам оз тӧд миян йылысь, Израиль оз тӧд миянӧс, но Тэ – миян Батьным! Важысянь тэнад нимыд – Миян Мездысь.

Езекиль 33:24

«Морт пиӧй, Израиль муын пазӧдӧм каръясӧ кольӧм йӧзыс шуӧны, Ӧвраамлы пӧ вӧлі вичмӧдӧма нин тайӧ мусӧ, кор сылӧн пиыс эз на вӧв. Ми пӧ унаӧсь, и миянлы сетӧма тайӧ мусӧ.

Индӧд 1:10

Господь, тіян Енныд, содтіс тіянӧс, и ті лоинныд енэжвыв кодзувъяс мында.

Индӧд 26:5

И тэ аслад Господь Ен водзын шу: ”Батьӧй вӧлі арамса ветлысь-мунысь. Сійӧ локтіс Египетӧ да овмӧдчис сэтчӧ этшаник йӧзкӧд. Сысянь чужис уна лыда, ыджыд да ён войтыр.

Нав Исус 24:3

но Ме петкӧді Ӧвраам батьнытӧ сэтысь, новлӧдлі сійӧс став Ханаан муӧд. Ме сеті сысянь чужны уна войтырлы. Сеті сылы Исаакӧс,