Исай 50:7 - Коми Библия 2023

⁷ Господь Ыджыдыс отсалӧ меным, та вӧсна ме ог яндысь, менам чужӧмӧй из кодь. Ме тӧда, меным оз ло яндзим,

Исай 50:7 Kruisverwysings

Псалтыр 110:1

Аллилуйя! Господьӧй, став сьӧлӧмсянь ошка Тэнӧ веськыда олысьяс пӧвстын, Тэнад войтырлӧн чукӧртчӧмын.

Псалтыр 54:6

Менӧ дзӧрӧдӧ полӧмӧйла, менӧ шымыртіс ыджыд полӧм.

Исай 29:22

Та вӧсна Яковсянь чужысьяс йылысь Господь, Ӧвраамӧс Мездысь, тадзи висьталӧ: – Яковлы оз нин ло яндзим, сылӧн чужӧмыс оз нин гӧрдӧд.

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Исай 45:17

Но Господь мездас Израильӧс, сійӧс лоӧ мездӧма пыр кежлӧ! Тіянӧс оз ло янӧдӧма, тіянлы некор оз ло юръяндзим.

Исай 49:23

Ӧксыяс пондасны тӧждысьны тэнад челядь вӧсна, ӧксыяслӧн гӧтыръясныс пондасны вердны тэнсьыд ныв-питӧ. Найӧ пондасны муӧдз копрасьны тэныд, тэнад кокысь буссӧ нювны. Сэки тэ тӧдмалан, мый Ме – Господь, и Ме вылӧ лача кутысь оз янав.

Исай 49:8

Господь тадзи висьталӧ: – Ме кылі тэнӧ бур кадӧ, отсалі тэныд мездман лунӧ. Ме видзи тэнӧ, пукті тэнӧ тайӧ войтырыслы йитӧд пыдди, медым тэ выльысь сӧвмӧдін тайӧ мусӧ, медым тэ юклін кушмӧм муяссӧ,

Исай 50:9

Господь Ыджыдыс отсалӧ меным. Коді мыждас менӧ? Найӧ ставныс паськӧм моз важмасны, найӧс воз сёяс.

Исай 54:4

Эн пов, водзӧ тэнӧ некод оз кут янӧдны, эн майшась, тэныд оз ло юръяндзим. Тэ вунӧдан томдырся яналӧмтӧ, он нин кут казьтывны дӧва кадся увтыртӧмтӧ.

Еремей 1:18

Талун Ме вӧчи тэнӧ изкарӧн, кӧрт сюръяӧн да ыргӧн стенмӧн да сувтӧді тайӧ муыслы паныд, иудаса ӧксыяслы да юралысьяслы паныд, попъяслы да войтырлы паныд.

Микей 1:2

– Кывзӧй, войтыръяс! Кывзы, му! Кывзӧй, сэні олысьяс! Господь Ыджыдыс ставсӧ аддзӧ – Сійӧ локтас Аслас вежа крамысь да мыжалас тіянӧс.

Лука 9:51

Кор матыстчис Исусӧс енэжӧ босьтан луныс, Сійӧ шуис мунны Ерусалимӧ.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Римӧ 1:16

Ме ог яндысь висьтавлыны Кристослысь Бур Юӧрсӧ, ӧд сійӧ Енлӧн выныс, мездӧ быд эскысьӧс: медводз иудейясӧс, сэсся грекъясӧс.

Еврейяслы 13:6

Та вӧсна ми повтӧг шуам: – Господь – менам отсӧгыс, меным нинӧмысь повнысӧ. Мый вӧчас меным морт?

1 Петыр 4:1

Кристос вир-яйнас нуис сьӧкыдсӧ миян вӧсна. Сідзкӧ, ті тшӧтш лоӧй дасьӧсь нуны сьӧкыдсӧ, медым коляс кадсӧ тайӧ му вылас олінныд Ен кӧсйӧм серти, энӧ нин асланыд лёк кӧсйӧм серти. Ӧд вир-яйнас сьӧкыдалысь ылыстчӧ мыж вӧчӧмысь.

1 Петыр 4:16

Но сьӧкыдалӧ кӧ кодкӧ Кристослы эскӧмысь, мед оз яндысь. Мӧдарӧ, мед ошкӧ Енсӧ таысь.