Исай 5:8 - Коми Библия 2023

⁸ Курыд шог налы, кодъяс ньӧбалӧны керка бӧрся керка, му бӧрся му, быттьӧ му вылас сӧмын найӧ олӧны, мукӧдыслы весиг оланін оз коль.

Исай 5:8 Kruisverwysings

Иов 15:28

Сійӧ овмӧдчас куштӧм каръясӧ, киссянвыйӧ эновтӧм керкаясӧ.

Иов 20:21

Сылӧн пӧтлытӧмлуныс ньылыштіс ставсӧ, та вӧсна сылӧн шудыс киссяс.

Шусьӧгъяс 15:27

Горшасьысь аслас керкаӧ шог вайӧ, а коді козинъяс вылӧ абу горш, сійӧ дыр олӧ.

Езекиль 11:15

«Морт пиӧй, Ерусалимын олысьяс сёрнитӧны тэнад матыссаяс, вокъяс да рӧдвуж йылысь, став Израиль войтыр йылысь. Найӧ шуӧны, тайӧ мусӧ пӧ сетӧма миянлы, а найӧ мед олӧны ылын Господьсянь.

Езекиль 33:24

«Морт пиӧй, Израиль муын пазӧдӧм каръясӧ кольӧм йӧзыс шуӧны, Ӧвраамлы пӧ вӧлі вичмӧдӧма нин тайӧ мусӧ, кор сылӧн пиыс эз на вӧв. Ми пӧ унаӧсь, и миянлы сетӧма тайӧ мусӧ.

Амос 1:13

Господь тадзи висьталӧ: – Аммон войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд виисны йӧзсӧ Галаадын, весиг кынӧма аньяслысь рушкунысӧ вожӧдісны, медым паськӧдны ассьыныс оланінсӧ.

Микей 2:1

Курыд шог налы, кодъяс дасьтысьӧны лёксӧ вӧчны, весиг вольпасяс куйлігӧн мӧвпалӧны та йылысь. Асывводзнас найӧ збыльмӧдӧны мӧвпъяснысӧ, лёксӧ вӧчны налӧн киныс вына.

Микей 2:2

Ковмас кӧ налы му – мырддясны, ковмас кӧ керка – босьтасны. Найӧ дзескӧдӧны мортӧс да сылысь гортсаяссӧ, куштӧны керка-овмӧссӧ.

Аввакум 2:6

Но ставныс найӧ лэптасны сійӧс серамвыв, лӧсьӧдласны сы йылысь омӧльтана сьыланкывъяс: – Курыд шог сылы, коді горшсӧ паськӧдӧ йӧз эмбур вылӧ, коді озырмӧдчӧ водзӧс сетӧмӧн. Тадзи оз дыр ло!

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.