Исай 5:17 - Коми Библия 2023

¹⁷ Киссьӧм карас кольӧм йӧзыс йирсьысь ыжъяс моз кутасны корсьны сёян, локтысь йӧз моз найӧ кутасны корсьны кынӧмпӧт жугӧдӧм карас, мый озыр йӧз эновтісны.

Исай 5:17 Kruisverwysings

Неемий 9:37

Тайӧ му вывсьыс быдтасыс вичмӧ ӧксыяслы, кодъясӧс Тэ пуктін ыджыдавны миян вылын асланым мыжъяс вӧсна. Миян вылын да ыж-мӧсным вылын найӧ ыджыдалӧны, кыдзи кӧсйӧны. Ми ёна сьӧкыдалам.

Псалтыр 17:10

Сійӧ доровтіс енэжсӧ да лэччис, сувтіс кокнас сьӧд кымӧръяс вылӧ.

Псалтыр 17:14

Господь муркнитіс енэжас, Медвылыссаыс сетіс Ассьыс гӧлӧс шысӧ, кисьтіс шер да биа ӧгыръяс.

Псалтыр 73:7

Найӧ сотісны Тэнсьыд вежаинтӧ, пежалісны Тэнад нимлысь оланінсӧ.

Исай 1:7

Тіянлысь мунытӧ куштӧма, каръяснытӧ сотӧма биӧн. Йӧз муысь локтысьяс тіян син водзын куштӧны тіянлысь пуктас-быдтаснытӧ. Гӧгӧр эндӧма, йӧз муысь локтысьяс ставсӧ бырӧдӧмаӧсь.

Исай 10:16

Та вӧсна Ыджыдыс, Господь Саваоф, жебмӧдас ӧксылысь вынйӧра йӧзсӧ да бипурын моз сотас сылысь нималӧмсӧ.

Исай 17:2

Ароэр каръясӧс лоӧ эновтӧма, найӧ вичмасны ыж-мӧслы, ыж-мӧс кутасны шойччыны сэні, и некод оз повзьӧд найӧс.

Исай 32:14

ӧд ӧксылысь керкасӧ лоӧ эновтӧма, ыджыд шыа карсӧ лоӧ кольӧма. Керӧс вылын сулалысь изкар пыр кежлӧ лоӧ вӧлявывса осёлъяслы сайӧдчанінӧн, тайӧ керӧс вылын кутасны йирсьыны ыж-мӧс.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Исай 65:10

Менам войтырлы, коді корсьысьӧ Менӧ, Шарон ласта лоӧ ыжъяслы йирсянінӧн, Акор ковтыс – мӧсъяслы шойччанінӧн.

Исай 7:25

Йӧн да ёг турун понда тэ он нин пет сійӧ видз-муыс вылӧ, кодӧс гӧрлісны-кӧдзлісны. Сэні пондасны йирсьыны ӧшъяс, сійӧс пондасны талявны ыжъяс».

Еремей 5:28

тшӧгнысла найӧ лӧсталӧны, пӧтлытӧг вӧчӧны лёксӧ, найӧ оз веськыда мыждыны, батьтӧм-мамтӧмъясӧс оз дорйыны, гӧльяслы оз отсавны ёрд вылын.

Бӧрданкыв 5:2

Миян муным вуджис мукӧдлы, керкаясным – локтысь йӧзлы.

Осий 4:16

Израиль лои асныра мӧс кодь. Кутас-ӧ Господь ыжъясӧс моз ӧні видзны найӧс паськыд видз вылын?

Осий 8:7

Найӧ кӧдзӧны тӧвныр, вундӧны бушков. Няньыс налӧн оз шептась, пызьыс налӧн оз ло. А шептасяс кӧ, няньсӧ мукӧдъяс сёясны.

Микей 2:12

Яковлысь рӧдсӧ Ме чукӧрта, Израильлысь коляс войтырсӧ Ме ӧтвывта. Ыжъясӧс моз Ме чукӧрта найӧс, ыж чукӧрӧс моз вайӧда йирсянінӧ. Унасьыс-уна йӧз чукӧрмӧм вӧсна ыджыд шы кылас.

Софоний 2:14

Сэні кутасны узьны-шойччыны пемӧс чукӧръяс да вӧлявывса зверъяс, ёж да пеликан кутасны узьны усьӧм сюръяяс дорын, стен розьясысь кутас кывны налӧн гӧлӧс шыныс. Ӧдзӧс тагӧсъяссӧ лоӧ жугӧдӧма, сус пу эжӧдсӧ стенъяссьыс лоӧ кульӧма.

Софоний 2:6

Саридздорса му лоӧ йирсянінӧн, ыжъяслы йӧртӧдӧн.

Лука 21:24

Ӧтияс куласны шыпурт помысь, мӧдъясӧс мырдӧн нуӧдасны йӧз муӧ. Ерусалим карсӧ индӧм кадӧдз пондасны талявны ентӧдтӧмъяс».

Индӧд 28:33

Тӧдтӧм войтыр кутас сёйны тэнсьыд мувыв быдтас-вотӧстӧ, сёяс ставсӧ, мый чукӧртін. Став олӧм чӧжныд ті лоанныд дзескӧдӧм да нартитӧм улынӧсь.

Индӧд 32:15

[Яков сёйис,] Ешурун тшӧгис да лои асныра, тшӧгис, кызіс да госсяліс. Сійӧ эновтіс Енсӧ, ассьыс Вӧчысьсӧ, мустӧмтіс ассьыс вына Мездысьсӧ.