Исай 49:26 - Коми Библия 2023

²⁶ Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Исай 49:26 Kruisverwysings

Олӧм 49:24

но ньӧввужйыс сылӧн эз личавлы, ки сӧнъясыс колины крепыдӧсь, ӧд сылы отсаліс Яковлӧн вына Ен, сійӧс Видзысьыс, Израильлӧн зумыд Изйыс.

Псалтыр 9:16

Войтыръяс усисны гуӧ, кодӧс асьныс кодйисны. Налӧн кокныс шедіс налькйӧ, кодӧс асьныс пуктісны.

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Исай 1:24

Вӧрӧгъясӧс Ме верма, паныд сувтысьяслысь Ме водзӧс перъя, – висьталӧ Ыджыдыс, Господь Саваоф, Израильлӧн вына Ен.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Исай 14:4

тэ кутан сьывны вавилонса ӧксы йылысь сералана сьыланкыв: – Со, оз нин ло нартитысьыс, воис пом сылӧн лёкалӧмлы!

Исай 16:4

Сибӧд ас дінад моавсаясӧс, менсьым вӧтлӧм войтырӧс, дзеб найӧс мырддялысьясысь. – Дзескӧдысьяс оз нин лоны, мырддялӧмлы воас пом, керка куштысьясӧс лоӧ бырӧдӧма му вывсьыс.

Исай 19:20

Тайӧ изйыс лоӧ египетсаяслы пасӧн, сійӧ кутас висьтавны Господь Саваоф йылысь. Кор найӧс кутасны дзескӧдны, найӧ шыасясны Господь дінӧ, и Сійӧ мӧдӧдас налы мездысьӧс. Сійӧ доръяс да мездас найӧс.

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Исай 33:22

Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс!

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Исай 43:3

Ме – Господь, тэнад Енмыд, Израильлӧн вежа Ен, тэнӧ Мездысь. Ме ньӧби тэнӧ, сеті тэ пыдди Египет, Эфиопия да Сева муяс.

Исай 45:6

медым асыввывсянь рытыввылӧдз ставныс тӧдмаласны, мый Ме кындзи мӧд Енмыс абу, Ме – Господь, и мӧдыс абу!

Исай 48:17

Господь, тэнӧ Мездысь, Израильлӧн вежа Ен, тадзи висьталӧ: – Ме – Господь, тэнад Енмыд, Ме велӧда тэнӧ бурас, нуӧда тэнӧ сійӧ туйӧдыс, кыті тэныд колӧ муннысӧ.

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Исай 51:13

А Господьӧс тэ вунӧдан. Сійӧ вӧчис тэнӧ, шевкнитіс енэжсӧ, зумыда сувтӧдіс мусӧ. Мыйла тэ пыр полан дзескӧдысьлӧн скӧралӧмысь, полан сыысь, коді дась тэнӧ бырӧдны? Но кӧні нӧ тэнӧ дзескӧдысьлӧн скӧралӧмыс?

Исай 51:23

Ме сета сійӧс нартитысьяслы, кодъяс тшӧктісны тэныд нюжӧдчыны му вылас, медым мунны тэ вывті, кодъяс вӧчисны тэнсьыд мышкутӧ кокув муӧн, ветлысь-мунысьяслы туйӧн.

Исай 54:14

Веськыдлуныс ёнмӧдас тэнӧ, тэнӧ оз кутны дзескӧдны, тэ он кут повны таысь, тэныд оз вӧчны лёксӧ – сійӧ оз матыстчы тэ дінӧ.

Исай 60:16

Мукӧд войтыръяс кутасны йӧлӧн пӧткӧдны тэнӧ, налӧн ӧксыясыс – вердны тэнӧ. Сэки тэ тӧдмалан, мый Ме, Господь, – тэнӧ Мездысьыс, Яковлӧн вына Енмыс – тэнӧ Видзысьыс.

Исай 9:20

Найӧ куралӧны веськыдвылысь, но кольӧны тшыгйӧн, сёйӧны шуйгавылысь, но оз пӧтны. Быдӧн йирӧ ассьыс матыссасӧ:

Исай 9:4

Найӧс личкысь сийӧссӧ Тэ жуглан, найӧс нӧйтысь бедьсӧ чегъялан, найӧс дзескӧдысьлысь орссӧ орйӧдлан, кыдзи вӧчин мадиан войтырӧс пасьвартан лунӧ.

Езекиль 34:16

Вошӧм ыжӧс Ме корся, ылалӧмаӧс бӧр вайӧда, доймалӧмаӧс кӧртавла, висьысьӧс ёнмӧда, а тшӧгӧмаӧс да ёнӧс бырӧда. Ме кута видзны ыж чукӧрӧс веськыдлуныс серти.

Езекиль 39:7

Аслам Израиль войтыр пӧвстын Ме восьта Ассьым вежа нимӧс и водзӧ ог лэдз янӧдны сійӧс. Сэки войтыръяс тӧдмаласны, мый Ме – Господь, Израильлӧн вежа Ен.

Восьтӧм 14:20

Кор виноград вотӧссӧ вӧлі талялӧма кар ортсыса пычкан гуын, сэтысь вирыс петіс ортсӧ да визувтіс сюрс квайтсё стадий ылнаӧдз. Вирыслӧн джудждаыс вӧлі вӧв домӧдз.

Восьтӧм 16:6

Йӧзыс кисьтісны вежа войтырлысь да пророкъяслысь вирсӧ, та вӧсна Тэ юктӧдан найӧс вирӧн, мынтысян налы уджъясныс серти.

Восьтӧм 17:6

Ме аддзи, мый аньыс вӧлі коддзӧма вежа войтырлӧн да Исус йылысь висьталысьяслӧн вир юӧмысь. Сійӧс аддзӧм бӧрын ме ёна шензи.

Ёрдысьяс 7:22

Куимсё израильса тышкамортлӧн буксігкості Господь вӧчис сідзи, мый мадиансаяс виалісны ӧта-мӧднысӧ. А коляс тышкайӧзыс пышйисны Церера карлань Бет-Шитта карӧдз да Авел-Мехола кар дорӧдз, Табат карсянь матӧ.