Исай 49:21 - Коми Библия 2023

²¹ Тэ чуйман: «Коді меным чужтіс найӧс? Менам эз вӧвны челядьӧй, ме вӧлі нӧбасьны вермытӧмӧн, ме вӧлі пленын, чужан муысь ылын. Коді нӧ быдтіс найӧс? Ме вӧлі ӧтка – кытысь нӧ лоины найӧ?»

Исай 49:21 Kruisverwysings

Исай 1:8

Сион ныв ӧткӧн сулалӧ виноград йӧрса чом моз, град йӧрса лэбув моз, кытшалӧм кар моз.

Исай 27:10

Кушмас-тыртӧммас зумыд кар, оланінъяссӧ йӧзыс колясны-эновтасны, кар пыдди лоӧ овтӧмин. Сэні пондасны куйлыны да йирсьыны куканьяс, найӧ кушӧдз йирасны пуяслысь коръяссӧ.

Исай 29:23

Сійӧ аддзас ас дінсьыс став челядьсӧ – Менам киӧн вӧчӧмторъясӧс. Найӧ вежавидзӧмӧн пондасны пыдди пуктыны Менсьым нимӧс, пыдди пуктыны Яковлысь вежа Енсӧ, пондасны вежавидзны Израильлӧн Енмысь.

Исай 5:13

Та вӧсна менсьым войтырӧс тӧдлытӧг нуӧдасны пленӧ. Налӧн нималана йӧзыс кутасны тшыгъявны, озыръяс нюкыртчасны горш косьмӧмнысла.

Исай 52:2

Пыркӧд ас вывсьыд буссӧ, чеччы, пленӧ босьтӧм Ерусалим! Шыбит сьылі вывсьыд чептӧ, пленӧ босьтӧм Сион ныв!

Исай 60:15

Тэнӧ вӧлі эновтӧма, тэнӧ ёна мустӧмтісны, некод эз волы тэ дінӧ. Но Ме нимӧда тэнӧ нэмъяс чӧж, вӧча тэнӧ нимкодьлунӧн водзӧ чужысьяслы.

Исай 60:8

Кодъяс тайӧ лэбысьясыс? Найӧ лэбӧны кымӧръяс моз, лэбӧны гулюяс моз асланыс позйӧ.

Исай 62:4

Тэнӧ оз нин шуны Эновтӧмаӧн, тэнсьыд мутӧ оз шуны Кушинӧн, но тэнӧ нимтасны Господьлӧн олан гажӧн, тэнсьыд мутӧ шуасны Гӧтырӧн, ӧд тэ муса Господьлы, и тэнад муыд оз коль верӧстӧг.

Исай 64:10

Тэнад вежа каръясын некод оз ов, Сион лои овтӧминӧн, Ерусалим – кушинӧн.

Лука 21:24

Ӧтияс куласны шыпурт помысь, мӧдъясӧс мырдӧн нуӧдасны йӧз муӧ. Ерусалим карсӧ индӧм кадӧдз пондасны талявны ентӧдтӧмъяс».

Римӧ 11:24

Тэнӧ ӧд керыштӧма вӧлі вӧрса пуысь да йитӧма быдтӧм пуыс дінӧ. А быдтӧм пу вожлы ёна кокньыдджык бӧр йитчыны мам пуыс дінӧ.

Галатӧ 3:29

Ті кӧ Кристослӧн, сідзкӧ, ті – Ӧвраамсянь чужысьяс да кӧсйысьӧмасӧ босьтысьяс.