Исай 45:23 - Коми Библия 2023

²³ Менам вомысь петӧны збыль кывъяс, вежсьывлытӧм кывъяс, Ме Ачым кыв сетӧмӧн шуа, мый быд морт пидзӧсчанясяс Ме водзӧ да кыв сетӧмӧн кӧсйысяс кесъявны Меным.

Исай 45:23 Kruisverwysings

Олӧм 31:53

Миян костын ёрдысьыс Ӧвраамлӧн да Нахорлӧн Ен, налӧн батьлӧн Ен». Яков кыв сетіс Ен водзын, кодысь поліс сылӧн Исаак батьыс.

Неемий 10:29

ӧтувтчисны асланыс веськӧдлысьяскӧд да кыв сетӧмӧн кӧсйысисны кутчысьны Енлӧн Индӧдӧ, мый Мӧисей, Енлӧн кесйӧг, сетіс налы. Кӧсйысисны овны Господь Ыджыдлӧн став индӧд-тшӧктӧмыс серти.

Псалтыр 132:2

Тайӧ – дона вый кодь, сійӧ визувтӧ юр вывсянь тош кузяыс, визувтӧ Ааронлӧн тошкӧдыс сылӧн паськӧм дорышӧдзыс.

Псалтыр 63:11

Веськыда олысь мед нимкодясяс Господьӧн да Сы вылӧ лача кутас. Веськыд сьӧлӧмаяс мед гажӧдчасны! Ошкӧм.

Псалтыр 98:2

Господь ыджыдалӧ Сионын, Сійӧ войтыръяс вылын ыджыдыс.

Исай 21:17

Кедарса тышкасьысьяслӧн, ньӧввужйысь лыйсьысьяслӧн лыдыс кольӧ зэв этша». Тадзи висьталӧ Господь, Израильлӧн Ен.

Исай 45:19

Ме эг гусьӧн висьтав, эг пемыдінын сёрнит, Яковсянь чужысьяслы Ме эг тшӧктывлы корсьны Менӧ кушинысь. Ме – Господь, Ме сёрнита веськыда, висьтала-юӧрта збыльсӧ.

Исай 48:1

– Кывзӧй тайӧс, Яковсянь чужысьяс! Ті шусянныд Израиль нимӧн, ті петінныд Иуда чужанкотырысь, ті кыв сетӧмӧн кӧсйысянныд Господь нимӧн, шуанныд, мый кесъяланныд Израильлӧн Енлы, но вӧчанныд тайӧс онӧ збыльысь да онӧ веськыда.

Исай 49:18

Лэпты синтӧ да гӧгӧр видзӧдлы: тэнад пияныд ставныс чукӧртчӧны, локтӧны тэ дінӧ. Ме кыв сетӧмӧн кӧсйыся Аслам олӧмӧн, – висьталӧ Господь, – кыдзи гӧтырпулӧн мичмӧдчанторйыс зарни-эзысь, тадзи пияныд лоӧны тэнад мичмӧдчанторйӧн.

Исай 55:11

Тадзи жӧ Менам кывйӧй, мый петӧ Менам вомысь, оз бергӧдчы Ме дінӧ кушӧн, а вӧчӧ Менам кӧсйӧм серти, вӧчӧ ставсӧ, мый могысь Ме мӧдӧді сійӧс.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

Исай 61:11

Кыдзи муыс быдтӧ пуктас-быдтассӧ, кыдзи йӧрын быдмӧны кӧдзӧмторъяс, тадзи Господь Ыджыдыс быдтас веськыдлун, тадзи быдмас-содас Сійӧс ошкӧмыс войтыръяс водзын.

Исай 62:8

Господь сетіс кыв, кӧсйысис Аслас веськыд кинас, Аслас вына кинас Сійӧ кӧсйысис: – Тэнсьыд няньтӧ Ме ог нин сет вӧрӧгыдлы, йӧз муысь локтысьяс оз кутны юны тэнсьыд винатӧ, мый тэ мудзтӧдзыд вӧчин.

Исай 65:16

Коді бурсиас асьсӧ тайӧ муас, сійӧ бурсиас асьсӧ збыль Ен нимӧн. Коді кыв сетас тайӧ муас, сійӧ кыв сетас збыль Ен водзын. Важ шогъяссӧ лоӧ вунӧдӧма, водзӧ найӧ оз нин лоны Менам син водзын.

Еремей 22:5

А ті кӧ онӧ кывзӧй тайӧ кывъяссӧ, Ме Ачым кыв сетӧмӧн шуа, мый тайӧ керкасӧ лоӧ кисьтӧма, – висьталӧ Господь».

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Еремей 49:13

Ме Ачым кыв сетӧмӧн шуа, – висьталӧ Господь, – мый Восора кар лоӧ повзьӧдчанторйӧн да овтӧминӧн, сійӧс кутасны ёрны да лёкӧдны. Сыгӧгӧрса сиктъясыс пыр кежлӧ лоӧны овтӧминӧн».

Амос 6:8

Яков рӧдлӧн вылӧ кыпӧдчӧмыс Меным зывӧк, сылысь изкарсӧ Ме мустӧмта, – висьталӧ Господь Ен Саваоф. – Та вӧсна Ме, Господь Ыджыдыс, кыв сета, мый карсӧ ставнас вӧрӧглы коля.

Закар 14:9

Господь лоӧ став му пасьталаыс ӧксыӧн. Сійӧ лунӧ Господь лоӧ ставныслы Енмӧн, и сӧмын Сы дінӧ пондасны шыасьны.

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Римӧ 11:4

Мый сылы Енмыс воча шуӧ? «Ме коли Аслым сизим сюрс мортӧс, кодъяс эз пидзӧсчанясьны Ваал водзӧ».

Индӧд 6:13

Полӧй Господьысь, асланыд Енмысь, Сылы [ӧтнаслы] кесъялӧй, [Сы дінӧ кутчысьӧй да] Сылӧн нимӧн кӧсйысьӧй.

Филипӧ 2:10

медым енэжас, му вылас да му пыдӧсас быд олысь пидзӧсчанясис Исус ним водзын,