Исай 43:19 - Коми Библия 2023

¹⁹ Со, Ме вӧча выльӧс, ӧні сійӧ тыдовтчас – онӧ ӧмӧй тайӧс казялӧй? Ме лӧсьӧда овтӧминын туй, кушинын юяс.

Исай 43:19 Kruisverwysings

Псалтыр 105:41

Сійӧ сетіс найӧс войтыръяслӧн киӧ, мустӧмтысьяс ыджыдалісны на вылын.

Псалтыр 126:4

Том пияныд – вына морт киын ньӧвъяс кодьӧсь.

Петӧм 17:6

Хорив изкырта вылын Ме сувта тэ водзӧ. Тэ вачкан изкыртаӧ, и сэтысь ыльӧбтас ва. Тайӧ васӧ мед юас войтырыд». Мӧисей вӧчис тадзи израильса юрнуӧдысьяслӧн син водзын.

Исай 30:25

Сійӧ лунӧ, кор вӧрӧгӧс лоӧ пасьвартӧма, кор усясны башняяс, быд джуджыд керӧс вывсянь визувтасны шоръяс.

Исай 32:2

Быдӧн на пиысь лоӧ тӧвнырысь вевттьӧдӧн, бушколысь сайӧдӧн, кос муын ва петанінӧн, пӧжан муын джуджыд керӧслӧн вуджӧрӧн.

Исай 33:21

Сэні Господь лоӧ миянлы визув ваӧн да паськыд юӧн. Сэті оз кут кывтны вӧрӧглӧн пыж, оз кут кывтны ыджыд корабль.

Исай 35:1

Мед нимкодясясны овтӧмин да кос му, мед нимкодясяс кушин, сійӧ пондас дзоридзавны лилия моз.

Исай 41:18

Ме вӧча тадзи: изъя керӧсъяссянь визувтасны юяс, ковтысъясын воссясны ва петанінъяс. Кушин Ме вӧча тыӧн, кос му – ва петанінӧн.

Исай 41:19

Кушинӧ Ме пукта сус пу, акация, мирт да олив пу, кос муӧ – кипарис, платан да пожӧм,

Исай 42:9

Сійӧ, мый Ме висьталі, збыльмис, а ӧні Ме юӧрта локтанаыс йылысь, висьтала тіянлы, мый эз на ло.

Исай 48:5

Та вӧсна Ме водзвыв висьтавлі тэныд ставсӧ, Ме водзвыв юӧртлі тэныд, мый лоӧ, медым бӧрыннас эн шу: «Менам идолӧй вӧчис тайӧс, бӧлбанӧй тшӧктіс тадзи лонысӧ».

Исай 48:6

Ӧні мӧвпав сы йылысь, мый водзынджык кывлін. Ті ӧмӧй онӧ эскӧй таӧ? Ӧнісянь Ме висьтала тэныд выльтор, висьтала гусятор, мый йылысь тэ эн на тӧдлы.

Исай 49:10

Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.

Исай 51:3

Господь бурӧдас Сион, бурӧдас пазӧдӧм карсӧ, сылысь овтӧминсӧ вӧчас рай кодьӧн, сылысь кушинсӧ вӧчас Господьлӧн сад йӧрӧн. Сэні пондасны нимкодясьны да гажӧдчыны, кыпыда ошкыны да сьывны.

Еремей 23:7

«Воасны лунъяс, – висьталӧ Господь, – кор оз нин кутны кыв сетны ловъя Господь водзын, коді вайӧдіс Израиль войтырӧс Египетысь,

Еремей 31:22

Дыр-ӧ на тэ кутан шӧйтны, нылӧй, тэ, коді кежин Меысь? Господь выльтор вӧчас му вылын: гӧтырыс кутас видзны-дорйыны верӧссӧ.

Еремей 31:9

Найӧ петасны бӧрдӧмӧн, а Ме вайӧда найӧс бурӧдӧмӧн, нуӧда найӧс визув ва дінӧ шыльыд туйӧд, кӧні найӧ оз крукасьны, ӧд Ме – Израиль войтырлӧн бать, Ефрем – Менам медводдза чужысьӧй.

Лыд 20:11

Мӧисей кыпӧдіс кисӧ да кыкысь вачкис бедьнас изкыртаӧ, и сэтысь ыльӧбтіс ва. Войтырыс да налӧн ыж-мӧсныс пӧттӧдзныс юисны.

2 Коринфӧ 5:17

Сідзкӧ, коді Кристос пытшкын, сійӧ – выль олысь. Важыс кольӧма, ӧні ставыс выль.

Индӧд 8:15

Нуӧдіс тіянӧс ыджыд да повзьӧдана овтӧминӧд, яда змейяс да скорпионъяс пӧвстӧд, косінті да ватӧминті, петкӧдіс тіянлы изкыртаысь ва.

Восьтӧм 21:5

Юралан пуклӧсын Пукалысь шуис: «Видзӧд, Ме ставсӧ вӧча выльӧс!» Сэсся содтіс: «Гиж тайӧс, ӧд тайӧ кывъясыс веськыдӧсь да збыльӧсь».