Исай 43:12 - Коми Библия 2023

¹² Ме водзвыв висьталі да мезді, юӧрті тіянлы, мый лоас. Тіян пӧвстын эз вӧв мукӧд енмыс. Ті тӧданныд, – висьталӧ Господь, – мый Ме – Енмыс,

Исай 43:12 Kruisverwysings

Исай 37:20

Ӧні, Господьӧй, миян Енмӧй, мезды миянӧс Сеннахирим киысь. Мувывса став войтыръяс мед тӧдмаласны, мый Тэ, Господьӧй, ӧти Ен».

Исай 37:7

Ме ыста ассурса ӧксы пытшкӧ сэтшӧм лов, мый юӧр кылӧм бӧрти сійӧ бӧр бергӧдчас аслас муӧ. Сэні Ме вӧча сідзи, мый сійӧ кулас шыпурт помысь”».

Исай 43:10

Ті ӧд тӧданныд, мый Ме – Енмыс, – висьталӧ Господь. – Тэ, Израиль, Менам кесйӧгӧй, Ме бӧрйи тэнӧ, медым ті тӧдінныд Менӧ да эскинныд Меным, медым ті гӧгӧрвоинныд, коді Ме. Меӧдз эз вӧв енмыс, и Ме бӧрти оз ло.

Исай 44:8

Энӧ полӧй да энӧ майшасьӧй! Ме ӧд важысянь нин тіянлы висьталі, водзысянь юӧрті, мый лоӧ. Ті ӧд тӧданныд, мый Ме – Енмыс. Эм-ӧ Ме кындзи мӧд Енмыс? Мӧд зумыд изйыс абу, мӧдӧс Ме ог тӧд.

Исай 45:19

Ме эг гусьӧн висьтав, эг пемыдінын сёрнит, Яковсянь чужысьяслы Ме эг тшӧктывлы корсьны Менӧ кушинысь. Ме – Господь, Ме сёрнита веськыда, висьтала-юӧрта збыльсӧ.

Исай 55:4

Давид пыр Ме петкӧдлі войтыръяслы Ассьым вынӧс, пукті сійӧс налы юралысьӧ да веськӧдлысьӧ.

Индӧд 32:12

Господь ӧтнасӧн новлӧдліс найӧс, мӧд енмыс Сыкӧд эз вӧв.

Индӧд 32:16

Мукӧд енъяслы юрбитӧмнас Израиль войтыр скӧрмӧдіс Сійӧс, зывӧкторъяснас дӧзмӧдіс Сійӧс.

Индӧд 32:39

Видзӧдӧй, тайӧ – Ме, Ме – Енмыс, Меысь кындзи мӧд Енмыс абу. Ме виа и олӧм сета, Ме дойдала и бурдӧда. Менам киысь некод оз мезды.