Исай 42:7 - Коми Библия 2023

⁷ медым синтӧмъяслысь восьтны синсӧ, дорӧмаясӧс петкӧдны дзескыдінысь, пемыдын пукалысьясӧс – пемыдінысь.

Исай 42:7 Kruisverwysings

Псалтыр 97:7

Мед шызяс саридзыс да ставыс, мый сэні эм, мед шызяс муыс да став сэні олысьыс.

Исай 29:18

Сійӧ лунӧ пельтӧм кылас небӧгысь кывъяссӧ, синтӧмлӧн сап пемыднас тупкӧм синмыс кутас аддзыны.

Исай 35:5

Сэки синтӧмъяс пондасны аддзыны, пельтӧмъяс – кывны.

Исай 42:16

Ме нуӧда синтӧмъясӧс сійӧ туйӧдыс, кыті найӧ эз на ветлыны, нуӧда найӧс тӧдтӧм туйӧд. Пемыдсӧ на водзвылын Ме вӧча югыдӧн, чукля туйяссӧ – веськыдӧн. Тадзи Ме вӧча налы, ог эновт найӧс.

Исай 42:22

Но тайӧ войтырсӧ куштӧма, налысь ставсӧ мырддьӧма. Найӧс ставнысӧ кӧрталӧма да шыбитӧма пемыд гуӧ, йӧртӧма дзескыдінӧ. Найӧ лоины тышын шедӧдӧмторйӧн, некод оз мезды найӧс, некод оз тшӧкты бӧр вайӧдны найӧс.

Исай 49:9

медым тэ шуин дзескыдінӧ йӧршитӧмаяслы: «Петӧй!», пемыдінын пукалысьяслы: «Петкӧдчӧй!» Туй бокысь найӧ аддзасны сёян, куш мылькъяс лоӧны налы йирсянінӧн.

Исай 61:1

Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,

Исай 9:2

Пемыдын олысь войтыр яр биа югыд аддзас, сап пемыдын олысьяслы югыд кыа петас.

Микей 7:9

Ме мыжа Господь водзын, та вӧсна меным колӧ нуны Сылысь скӧрлунсӧ, кытчӧдз Сійӧ оз видлав менсьым мыжӧс да оз бурсьӧлӧмтчы ме дінӧ. Сэки Сійӧ петкӧдас менӧ югыдас, и ме аддза Сылысь веськыдлунсӧ.

Матвей 11:5

– Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Лука 24:45

Сэки Исус восьтіс налысь вежӧрсӧ гӧгӧрвоны Гижӧдъяс.

Иоан 9:39

Исус шуис: «Ме локті муюгыдас мыждыны, медым синтӧмъяс аддзисны да аддзысьяс синтӧммисны».

Иоан 9:7

Сэсся шуис: «Мун да мыссьы Силоам вайӧртӧдын». Силоам нимыс, вуджӧдны кӧ, лоӧ ”мӧдӧдӧма”. Синтӧм морт муніс, мыссис да кутіс аддзыны.

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

2 Тимофейлы 2:26

Сэки найӧ мынасны омӧльыслӧн налькйысь, ӧд омӧльыс кыйӧма найӧс, медым веськӧдлыны наӧн.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Восьтӧм 3:18

Ме туйдӧда тэнӧ. Ньӧб Менсьым биын весалӧм зарни да озырмы. Ньӧб Менсьым еджыд паськӧм, медым вермин вевттьысьны, медым эз тыдав тэнӧ янӧдан пасьтӧм вир-яйыд. Ньӧб Менсьым мавтантор да мавт сыӧн синтӧ, медым аддзин.