Исай 42:5 - Коми Библия 2023

⁵ Господь Ен вӧчис енэжсӧ да шевкнитіс сійӧс, вӧчис му да ставсӧ, мый сэні быдмӧ. Мувывса войтырлы Сійӧ сетӧ олӧм, мувывса йӧзлы – ловшы. Сійӧ тадзи висьталӧ:

Исай 42:5 Kruisverwysings

Олӧм 1:1

Медводз Ен вӧчис енэж да му.

Олӧм 2:7

Господь Ен вӧчис муысь мортӧс, пӧльыштіс сылы ныр-вомас олӧмыслысь ловсӧ, и морт лоис ловъя олысьӧн.

Иов 12:10

кодлӧн киын став ловъя олысьлӧн олӧмыс, тшӧтш мортлӧн лолыс.

Иов 27:3

кытчӧдз менам ловшыӧй шедӧ на, кытчӧдз Енлӧн лолалӧмыс ме пытшкын,

Иов 33:4

Енлӧн Лов вӧчис менӧ, Ставсӧвермысь пӧльыштіс ме пытшкӧ олӧмсӧ.

Иов 34:14

Сійӧ кӧ Ассьыс сьӧлӧмсӧ бергӧдас Асланьыс, Ассьыс ловсӧ да ловшысӧ бӧр босьтас,

Псалтыр 136:6

Ерусалим, ме кӧ вунӧда тэнӧ, ме кӧ ог кут нимкодясьны тэӧн, менам кывйӧй мед косьмас.

Псалтыр 33:6

Сы вылӧ видзӧдысьяслӧн чужӧмныс югдӧ, найӧ некор оз янавны.

Псалтыр 96:5

Господьлӧн чужӧмбан водзын сись моз сылӧны керӧсъяс, ӧд Сійӧ став му пасьтала Ыджыдыс.

Исай 37:16

«Господь Саваоф, Израильлӧн Ен! Тэ пукалан херувимъяс вылын. Тэ – ӧти Ен, Тэ ыджыдалан став му пасьталаыс. Тэ вӧчин енэжсӧ и мусӧ.

Исай 40:12

Коді мурталіс васӧ аслас соддзӧн, коді мурталіс енэжсӧ кинас, коді веситіс мувывса буссӧ, вескиӧн тӧдмаліс керӧсъяслысь сьӧктасӧ?

Исай 40:22

Господь пукалӧ му кытш весьтын, а му вылас олысьясыс Сылы чирк кодьӧсь. Сійӧ шевкнитіс енэжсӧ вонйӧс моз, паськӧдіс сійӧс дӧрачомйӧс моз, медым сэні овны.

Исай 40:26

Лэптӧй синнытӧ вывлань да видзӧдлӧй: коді ставсӧ тайӧс вӧчис? Сійӧ, коді вӧчис енэжвывса югзьӧданторъяс, тӧдӧ налысь лыдсӧ, ставнысӧ шуӧ нимнас. Найӧ ставныс ӧтитӧг мыччысьӧны – татшӧм ыджыд Сылӧн выныс да вынйӧрыс!

Исай 40:28

Тэ ӧмӧй он тӧд, тэ ӧмӧй эн кывлы, мый Господь – помтӧг олысь Ен, Сійӧ вӧчис став муюгыдсӧ, Сійӧ оз мудз, оз жебмы. Сылысь мывкыдлунсӧ он туяв.

Исай 44:24

Господь, коді ньӧбис тэнӧ, вӧчис тэнӧ мамыдлӧн кынӧмас, тадзи висьталӧ: – Ме – Господь, Ме вӧчи ставсӧ, ӧтнамӧн шевкниті енэжсӧ, Аслам вына киӧн Ме вольсалі мусӧ.

Исай 45:12

Ме вӧчи мусӧ, вӧчи му вылас йӧзӧс. Менам киӧй шевкнитіс енэжсӧ, Ме веськӧдла енэжвыв вынъясӧн.

Исай 45:18

Господь эм Ен, Сійӧ вӧчис енэжсӧ, вӧчис-артмӧдіс мусӧ, вӧчис сійӧс зумыдӧн, эз вӧч мусӧ кушӧн, но артмӧдіс мусӧ, медым сэні вӧлі олӧм. Господь тадзи висьталӧ: – Ме – Господь, и мӧд Енмыс абу.

Исай 48:13

Менам киӧй вӧчис мусӧ, Менам веськыд киӧй шевкнитіс енэжсӧ. Ме чукӧста найӧс, и найӧ ӧтвылысь сувтасны Ме водзӧ.

Исай 57:16

Ме ог кут помтӧг мыждыны, ог кут пыр скӧравны, ӧд тадзи кӧ кута вӧчны, сэки Ме водзын дзикӧдз нюкыртчас мортлӧн лолыс, нюкыртчас Меӧн вӧчӧм ловъя олысь.

Еремей 10:12

Аслас вынӧн Господь вӧчис мусӧ, Аслас мывкыдлунӧн муюгыдыслы пуктіс подувсӧ, Аслас вежӧрлунӧн шевкнитіс енэжсӧ.

Еремей 27:5

мый Аслам ыджыд вынӧн да нюжӧдӧм киӧн Ме вӧчи мусӧ, йӧзӧс да мувывса пемӧсъясӧс и сета найӧс кодлы кӧсъя.

Еремей 32:17

– Господьӧй Ыджыдӧй! Аслад ыджыд вынӧн да нюжӧдӧм киӧн Тэ вӧчин енэжсӧ и мусӧ, Тэныд нинӧм абу вермытӧмыс!

Еремей 38:16

Седекей ӧксы гусьӧн кыв сетіс Еремейлы: «Ловъя Господь водзын, коді сетіс миянлы олӧм, ме кыв сета, мый ог лэдз тэнӧ вины, ог сет тэнӧ налы, кодъяс кӧсйӧны босьтны тэнсьыд олӧмтӧ».

Езекиль 18:4

Став йӧзыс Менам киын. Батьыслӧн и пиыслӧн олӧмыс – Менам киын. Коді мыжсӧ вӧчис, сійӧ и кулас.

Даниил 5:23

Тэ кыпӧдчин енэжвывса Господьлы паныд. Тэныд вайисны Господьлӧн крамысь босьтӧм дозмукъяс, и тэ да тэнад чина йӧзыд, гӧтыръясыд да кесйӧг-гӧтыръясыд юинныд сэтысь вина. Тэ ошкин эзысьысь да зарниысь, ыргӧнысь да кӧртысь, пуысь да изйысь вӧчӧм енъясӧс, кодъяс оз аддзыны, оз кывны да оз гӧгӧрвоны. А Енсӧ, кодлӧн киын тэнад олӧмыд да тэнад туйясыд, тэ эн ошкы.

Амос 9:6

Енэжас Сійӧ сувтӧдіс Аслыс оланін, му весьтын вынсьӧдіс Ассьыс вевттьӧдсӧ. Сійӧ чукӧстӧ васӧ саридзысь да киськалӧ мусӧ. Сылӧн нимыс – Господь!

Закар 12:1

Водзвыв висьталӧм. Израиль йылысь Господьлӧн кыв. Господь, коді шевкнитіс енэжсӧ, пуктіс мулы подувсӧ да артмӧдіс морт пытшкын ловсӧ, висьталӧ:

Ап. уджъяс 17:24

Муюгыдсӧ да ставсӧ вӧчысь Ен, енэжыслӧн да муыслӧн Господь, оз киӧн вӧчӧм крамъясын ов.

Ап. уджъяс 17:25

Мортсянь отсӧгыс Сылы оз ков, Сылӧн ставыс эм. Сійӧ Ачыс сетӧ быдӧнлы олӧм, ловшы да став коланасӧ.

Еврейяслы 1:2

Тайӧ бӧръя кадас Сійӧ шыасьліс миян дінӧ Пиыс пыр. Енмыс сетіс Сылы ставсӧ, Сы пыр вӧчис ентыкӧласӧ.