Исай 42:24 - Коми Библия 2023

²⁴ Коді лэдзис куштыны Яковӧс, коді сетіс мырддялысьяслы Израильӧс? Эз-ӧ Господь, кодлы паныд ми мыжсӧ вӧчим? Найӧ эз кӧсйыны ветлыны Сылӧн туйясӧд, эз овны Сылӧн Индӧдыс серти.

Исай 42:24 Kruisverwysings

2 Каднебӧг 15:6

Войтыръяс тышкасисны ӧта-мӧдныскӧд, ӧти карын олысьяс тышкасисны мӧд карын олысьяскӧд. Енмыс мӧдӧдліс налы уна сьӧкыдлун, та вӧсна найӧ шызьывлісны.

2 Каднебӧг 36:17

Господь мӧдӧдіс калдеяса ӧксыӧс, медым сійӧ уськӧдчис Иуда войтыр вылӧ да виис шыпуртӧн вежа крамын налысь зонъяссӧ. Господь эз жалит [Седекейӧс,] зонъясӧс, нывъясӧс, пӧрысь да олӧма йӧзӧс, Сійӧ ставнысӧ сетіс калдеяса ӧксы киӧ.

Исай 30:15

Господь Ыджыдыс, Израильлӧн вежа Ен, тадзи висьталӧ: – Ті кӧ бӧр бергӧдчинныд да олінныд лӧня, ті эськӧ мездминныд. Ӧд тіян вынныд лӧньлунын да Ме вылӧ лача кутӧмын. Но ті энӧ кӧсйӧй тадзи вӧчны.

Исай 42:23

Коді тіян пӧвстысь кутас кывзыны тайӧс? Водзӧвылӧ коді кутас сюся кывзыны?

Исай 45:7

Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.

Исай 47:6

Аслам войтыр вылӧ Ме скӧрми, Ассьым бӧрйӧм йӧзӧс Ме янӧді да сеті тэнад кипод улӧ. Тэ эн вӧв бур сьӧлӧма на дінӧ, весиг пӧрысь йӧзӧс тэ ёна нартитін.

Исай 48:18

Тэ кӧ олін Менам тшӧктӧмъясӧй серти, сэки эськӧ тэнад лӧньлуныд ю моз визувтіс, веськыдлуныд саридзвыв гыяс кодь вӧлі,

Исай 57:17

Менам войтырлӧн горшасян мыжысь Ме ёна скӧралі на вылӧ да дойдалі найӧс, чужӧмӧс бергӧді наысь да лӧгалі на вылӧ, но найӧ эновтісны Менӧ, вӧчисны, мый кӧсйисны.

Исай 63:10

Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

Еремей 44:10

Ӧнӧдз ті энӧ раммӧдчӧй. Ті онӧ полӧй да онӧ олӧй Менам Индӧд да тшӧктӧмъяс серти, мый Ме сеті тіянлы да тіян батьяслы.

Еремей 5:15

Кывзы, Израиль войтыр! Ме вайӧда тэныд паныд ылі муысь войтырӧс, – висьталӧ Господь. – Тайӧ войтырыс вына, сійӧ вӧлі важысянь нин, сылысь кывсӧ тэ он тӧд, сёрнисӧ он гӧгӧрво.

Бӧрданкыв 1:14

Господь Аслас киӧн кыис менам мыжъясысь сийӧс, ӧшӧдіс сійӧс меным сьыліӧ, тадзи уськӧдіс менӧ эбӧсысь. Господь сетіс менӧ вӧрӧг киӧ, сы водзын ме ог вермы сулавны.

Бӧрданкыв 1:18

Господь веськыд, но ме кыпӧдчи Сылы паныд. Кывзӧй, войтыръяс, видзӧдлӧй менам дой вылӧ: менсьым ныв-зонмӧс нуӧдісны пленӧ.

Даниил 1:2

Навукодоносор киӧ Господь сетіс иудаса Ехояким ӧксыӧс да Енлӧн крамысь дозмук-кӧлуй. Навукодоносор нуис тайӧ дозмук-кӧлуйсӧ Сеннар муӧ, аслас енлӧн крамӧ, да пуктіс найӧс крамса озырлун видзанінӧ.

Амос 3:6

Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?

Матвей 22:7

Ӧксы кывлас та йылысь да ёна скӧрмас. Сійӧ мӧдӧдас ассьыс тышкайӧзсӧ вины морт виысьясӧс, а карсӧ тшӧктас сотны.

Индӧд 28:49

Ылісянь, му помсянь Господь вайӧдас войтырӧс, кодлысь кывсӧ ті онӧ гӧгӧрвоӧй. Кутшъяс моз найӧ уськӧдчасны тіян вылӧ.

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Ёрдысьяс 10:7

Господь скӧрмис Израиль войтыр вылӧ да сетіс найӧс филистим да аммон войтыръяс киӧ.

Ёрдысьяс 2:14

Господь ёна скӧрмис Израиль войтыр вылӧ, сетіс найӧс мырддялысьяс киӧ да на гӧгӧр олысь вӧрӧг киӧ. Израиль войтыр эз нин вермы водзсасьны налы паныд.

Ёрдысьяс 3:8

Господь скӧрмис Израиль войтыр вылӧ. Сійӧ сетіс найӧс Месопотамияысь Кушан-Ришатаим ӧксы киӧ. Израиль пиян кесъялісны Кушан-Ришатаимлы кӧкъямыс во чӧж.