Исай 42:14 - Коми Библия 2023

¹⁴ – Ме дыр чӧв олі, кутчыси, весиг кыв эг шу, но ӧні понда горзыны кага вайысь ань моз, понда апавны сынӧдсӧ.

Исай 42:14 Kruisverwysings

Иов 32:18

Ме тырӧма сёрниӧн, ловлы дзескыд пытшкӧсам.

Иов 32:20

Висьтала кӧ, меным кокньӧдас, сідзкӧ, восьта вомӧс да вочавидза.

Псалтыр 50:2

Давидлӧн Вирсавиякӧд узьӧм бӧрас сы дінӧ воліс Нафан пророк.

Псалтыр 50:21

Сэки Тэ сибӧдан сотан да мукӧд висьяс, мый колӧ вайны веськыдлун серти. Тэнад висьпуктанін вылын ваясны вись пыдди ӧшъясӧс. Ошкӧм.

Исай 30:18

Но Господь виччысьӧ, медым буравны тіян дінӧ, Сійӧ кыпӧдчӧ, медым бурсьӧлӧмтчыны тіян дінӧ. Ӧд Господь – веськыда мыждысь Ен. Шудаӧсь Сы вылӧ лача кутысьяс!

Исай 57:11

Кодысь тэ полан, кодысь повзин сэтшӧмасӧ, мый эновтін Менӧ? Тэ вунӧдін Менӧ, он казьтывлы Ме йылысь. Ме дыр чӧв олі, гашкӧ, та понда тэ дугдін Меысь повнысӧ?

Исай 64:12

Господьӧй, Тэ ӧмӧй водзӧ на кутан видзӧдны та вылӧ? Кутан ӧмӧй чӧв овны да нем жалиттӧг миянӧс мыждыны?

Исай 65:6

Ме тӧда налысь уджъяссӧ, та йылысь гижӧма: Ме ог кут чӧв овны, Ме мынтыся тіянлы, мынтыся тіянлы тырвыйӧ

Еремей 15:6

Тэ эновтін Менӧ, – висьталӧ Господь, – тэ кежин Меысь. Та вӧсна Ме лэпта тэ вылӧ Ассьым киӧс да бырӧда тэнӧ, Ме мудзи тэ дінӧ буравны.

Еремей 4:31

Ме кыла гӧлӧс шы, сійӧ чужтысь аньлӧн гӧлӧс шы кодь, медводдза кагасӧ сьӧкыда чужтысьлӧн горзӧм шы кодь. Тайӧ – Сион нывлӧн гӧлӧс шыыс. Кисӧ нюжӧдӧмӧн сійӧ сьӧкыда ойзӧ: «Курыд шог меным! Виавны локтысьяс водзын ме вынтӧм».

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Лука 18:7

А Енмыс ӧмӧй оз дорйы Ассьыс бӧрйӧмаяссӧ, кодъяс лун и вой корӧны отсӧгсӧ Сылысь? Сёрмас ӧмӧй Сійӧ сетны отсӧгсӧ?

2 Петыр 3:15

Господьлысь терпитӧмсӧ лыддьӧй аслыныд мездмӧмӧн. Та йылысь гижліс тіянлы Ен вежӧра дона Павел вокным.