Исай 41:26 - Коми Библия 2023

²⁶ Коді та йылысь водзвыв висьталіс, медым ми тӧдім? Коді та йылысь водзвыв юӧртіс, медым ми вермим шуны, мый тайӧ збыль? Но тіян пӧвстысь некод эз висьтав та йылысь, некод эз юӧрт, тіянлысь кывъяснытӧ ми эгӧ кывлӧй.

Исай 41:26 Kruisverwysings

Исай 41:22

Юӧртӧй, мый водзӧ лоӧ, висьталӧй, мый водзынджык вӧлі, сэки ми пондам мӧвпавны да гӧгӧрвоам, мыйӧ тайӧ вайӧдас. Юӧртӧй, мый водзӧ лоӧ,

Исай 41:4

Коді вӧчис тайӧс, коді збыльмӧдіс? Сійӧ, коді му пуксьӧмсяньыс сетӧ олӧм. Ме, Господь, Ме – Медводдзаыс, и бӧръя олысьяслы Ме – Сійӧ жӧ.

Исай 43:9

Став войтыръясыс мед чукӧртчасны ӧтлаӧ. Коді на пӧвстысь водзвыв юӧртіс, мый ӧні лоӧ, коді водзвыв висьталіс сійӧ, мый вӧлі нин? Мед найӧ вайӧдасны аддзылысьясӧс висьтавны, мый налӧн водзвыв юӧртӧмыс веськыд, медым кывзысьяс шуасны: «Тайӧ збыль!»

Исай 44:7

Эм-ӧ кодкӧ Ме кодьыс? Мед сійӧ юӧртас, ставсӧ сьӧрсьӧн-бӧрсьӧн висьталас сійӧ кадсяньыс, кор Ме вӧчи важся войтырӧс. Мед висьталас локтанаыс йылысь, юӧртас, мый водзӧ лоӧ.

Исай 45:21

Сёрнитчӧй ас костаныд, висьталӧй-вочавидзӧй. Коді важысянь юӧртіс та йылысь, водзысянь висьтавліс тайӧс? Эг-ӧ Ме, Господь? Меысь кындзи мӧд Енмыс абу! Ме веськыда вӧчысь Ен, Мездысь, Меысь кындзи мӧдыс абу!

Исай 46:9

Казьтыштӧй, мый вӧлі водзынджык, му пуксьӧмсяньыс. Ме – Енмыс, и мӧдыс абу, Ме – Енмыс, и Ме кодь мӧдыс абу.