Исай 41:16 - Коми Библия 2023

¹⁶ Тэ кутан шердйыны найӧс, а тӧлыс нӧбӧдас, тӧвнырыс разӧдас найӧс. Тэ кутан нимкодясьны Господьӧн, кутан ошйысьны Израильлӧн вежа Енмӧн.

Исай 41:16 Kruisverwysings

Псалтыр 1:4

Но лёк вӧчысьяслӧн оз ло тадзи. Найӧ лоӧны [му вылысь] тӧвнырӧн нӧбӧдан кыд кодьӧсь.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Исай 17:13

Войтыръяс горзӧны, быттьӧ пыдӧстӧм ваяс бузгӧны. Но Господь чирыштас найӧс, и найӧ ылӧдз пышъясны. Найӧ тӧвзясны керӧсъяс вывті тӧвнырӧн нӧбӧдан кыд моз, ыджыд тӧвнырӧн нӧбӧдан бус моз.

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Исай 28:5

Сійӧ лунӧ Господь Саваоф лоӧ мича юркытшӧн, ошйысяна мичмӧданторйӧн Аслас коляс войтырлы.

Исай 29:19

Коньӧръяс кутасны ёнджыка на нимкодясьны Господьӧн, гӧльяс кутасны кыпыда ошкыны Израильлысь вежа Енмӧс

Исай 29:5

Тэнад уна лыда вӧрӧгыд лоӧ бусӧн, тэнӧ дзескӧдысьяс – разалӧм кыд кодьӧн. Зэв ӧдйӧ, виччысьтӧг

Исай 35:10

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Исай 40:24

Найӧс сӧмын на пуктӧма-кӧдзӧма, найӧ муртса на вужъясьӧмаӧсь му пытшкас, но кор Господь пӧльыштас на вылӧ, найӧ косьмасны, и тӧвнырыс нӧбӧдас найӧс идзасӧс моз.

Исай 51:3

Господь бурӧдас Сион, бурӧдас пазӧдӧм карсӧ, сылысь овтӧминсӧ вӧчас рай кодьӧн, сылысь кушинсӧ вӧчас Господьлӧн сад йӧрӧн. Сэні пондасны нимкодясьны да гажӧдчыны, кыпыда ошкыны да сьывны.

Исай 60:19

Луннас шондіыс оз нин понды тэныд югдӧдны, тӧлысьыс оз понды дзирдавны, но Ачыс Господь лоӧ тэныд бырлытӧм югыдӧн, тэнад Енмыд лоӧ тэнад дзирдлунӧн.

Исай 65:18

Но ті понданныд пыр гажӧдчыны-нимкодясьны сыысь, мый Ме кута вӧчны. Со, Ме вӧча Ерусалим гажӧдчанінӧн, сэні олысьясӧс – нимкодясьысь войтырӧн.

Еремей 15:7

Тӧлӧдчан зырйӧн Ме шердъя Ассьым войтырӧс, шыблала найӧс каръяссьыныс. Ме виала налысь ныв-пинысӧ, бырӧда Ассьым войтырӧс, ӧд найӧ эз бергӧдчыны асланыс туй вылысь.

Еремей 51:2

Ме мӧдӧда Вавилонӧ йӧз муысь локтысьясӧс, найӧ тӧвйыв разӧдасны вавилонсаясӧс да куштасны налысь мусӧ, бырӧдан лунӧ кытшаласны сійӧс быд боксянь.

Еремей 51:20

– Вавилон, тэ – Менам мӧлӧтӧй, Менам тышкасянторйӧй, тэӧн Ме пасьвартлі войтыръясӧс, тэӧн пазӧдлі муяс.

Еремей 51:33

Господь Саваоф, Израильлӧн Ен, тадзи висьталӧ: – Вавилон ныв гумла кодь, кодӧс талялӧмӧн дасьтӧны вундан кад кежлӧ. Нӧшта неуна, и воас Вавилонӧс вундан кадыс.

Даниил 2:35

Ӧти здукӧн кӧртыс, сёйыс, ыргӧныс, эзысьыс и зарниыс торпыригӧдз жугалісны да лоисны гожся гумла вылын кыд кодьӧсь. Тӧлыс нӧбӧдіс найӧс, и весиг бус чир эз коль наысь. А изйысь, мый жугӧдіс тайӧ вӧчӧмторсӧ, лои ыджыд керӧс, и сійӧ тыртіс ставнас мусӧ.

Осий 11:9

Ме ог лэдз ыпъявны Аслам скӧрлунӧйлы, Ме ог нин бырӧд Ефремӧс, ӧд Ме – Ен, абу морт. Ме, Вежаыс, тэ пӧвстын, скӧрлунӧн тэ дінӧ ог лок.

Йоиль 2:23

Гажӧдчӧй, Сионын олысьяс, нимкодясьӧй Господь Енныд вӧсна! Сійӧ сетас тіянлы тырмымӧн зэр, воддза мозыс ыстас тіянлы арся да тувсовъя зэр.

Микей 5:8

Войтыръяс пӧвстын Яков рӧдлӧн колясыс лоӧ вӧрса зверъяс пӧвстын олысь лев кодь, ыж чукӧр вылӧ уськӧдчысь том лев кодь. Сійӧ уськӧдчӧ, талялӧ-косявлӧ, и сыысь мездысьны некод оз вермы.

Аввакум 3:18

и сэки ме кута нимкодясьны Господьӧн, Енмӧн, коді мездӧ менӧ.

Матвей 3:12

Сы киын тӧлӧдчан зырйыс. Сійӧ весалас гумласӧ: шобдісӧ йӧртӧдӧ чукӧртас, а кыдсӧ куслытӧм биын сотас».

Римӧ 5:11

Но тайӧ абу на ставыс. Ми нимкодясям нӧшта Енмӧн, ӧд Исус Кристос Господьным пыр миян эм Енкӧд бурасьӧм.

Филипӧ 3:3

Збыль вундыштчӧмаясыс – тайӧ ми, ӧд ми кесъялам Енлы Сылӧн Лов нуӧдӧм улын. Ми ошйысям Исус Кристосӧн, огӧ ас выланым лача кутӧй,