Исай 40:2 - Коми Библия 2023

² Меліа висьталӧй Ерусалимлы, юӧртӧй сылы, мый сылӧн сьӧкыдалан кадлы воис пом, мый сылысь мыжъяссӧ прӧститӧма. Господь мынтысис сылы кык пӧвстӧн став сылӧн мыжъясысь.

Исай 40:2 Kruisverwysings

Олӧм 34:3

Сикемӧс кутіс кыскыны Яковлӧн Дина нылыс дінӧ. Дина лои муса Сикемлы, и сійӧ зілис бурасьны Динакӧд.

2 Каднебӧг 30:22

Езекей висьталіс бур кывъяс левитъяслы, кодъяс бурногӧн лӧсьӧдісны Господьлы кесъялӧм. Сизим лун чӧж войтырыс сёйис-гажӧдчис, вайис бурасян висьяс да ошкис Господьӧс, асланыс батьяслысь Енсӧ.

Псалтыр 32:1

Веськыда олысьяс, нимкодясьӧй Господьӧн! Веськыд сьӧлӧмаяслы лӧсялӧ ошкыны Господьӧс.

Псалтыр 85:3

Господьӧй, ло бур сьӧлӧма ме дінӧ, быд лун ме шыася Тэ дінӧ.

Петӧм 22:3

Но тайӧ кӧ вӧлі шонді петӧм бӧрын, морт виысь лоӧ мыжа. Гусясьысь мед вештысьӧ, а вештысьнысӧ кӧ оз вермы, сэки сійӧс асьсӧ мед вузаласны кесйӧг туйӧ. Тадзи сійӧ вештысяс гусясьӧмсьыс.

Еклесиаст 3:4

эм кад бӧрдны и серавны, шогсьыны и йӧктыны,

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Исай 14:3

Господь мездас тэнӧ сьӧкыдалӧмысь, полӧмысь да сьӧкыд нартитана уджысь. Сійӧ лунӧ

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

Исай 33:24

Сионын олысьяс пӧвстысь некод оз шу, ме пӧ вися, сэні олысь войтырлысь мыжъяссӧ лоӧ прӧститӧма.

Исай 35:4

Полысь сьӧлӧмаяслы шуӧй: «Лоӧй зумыдӧсь, энӧ полӧй! Тіян Енныд локтас да водзӧсӧн мынтысяс, Енмыс водзӧс перъяс тіян вӧсна. Сійӧ локтас да мездас тіянӧс».

Исай 43:25

Ас ради Ме Ачым чышкышта тэнсьыд лёк вӧчӧмъястӧ, тэнсьыд мыжъястӧ ог нин казьтывлы.

Исай 44:22

Руӧс моз Ме разӧда тэнсьыд лёк вӧчӧмъястӧ, кымӧрӧс моз вешта тэнсьыд мыжъястӧ. Бергӧдчы Ме дінӧ, Ме мезда тэнӧ!

Исай 49:25

Но Господь тадзи висьталӧ: – Ӧні вына тышкамортлысь лоӧ мырддьӧма пленӧ босьтӧмаясӧс, дзескӧдысьлысь лоӧ босьтӧма мырддьӧмасӧ. Ме Ачым кута вермасьны тэныд паныд сувтысьяскӧд, Ме мезда тэнсьыд челядьтӧ.

Исай 51:17

Садьмы, садьмӧдчы, чеччы, Ерусалим! Господьлӧн киысь тэ босьтін Сылысь скӧрлуна дозсӧ, юин сэтысь, юин кушӧдзыс да кутін довъявны.

Исай 53:5

Но Сійӧс вӧлі бытшкӧма миян мыжъяс вӧсна, дойдалӧма миян лёк вӧчӧмъяс вӧсна. Сійӧ нуис мыждӧмсӧ, медым миян вӧлі лӧньлун. Сылӧн дойясӧн ми бурдім.

Исай 53:6

Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Исай 54:15

Уськӧдчас кӧ кодкӧ тэ вылӧ, тайӧ абу Месянь. Коді уськӧдчас тэ вылӧ, сійӧ ачыс усяс.

Исай 54:17

Но ни ӧти тышкасянтор, мый вӧчӧма тэныд паныд, оз вермы тэнӧ. Быдӧнӧс, коді мыжалӧ тэнӧ, тэ ачыд мыждан. Тадзи лоӧ Господьлӧн кесйӧгъяскӧд. Ме вӧча найӧс веськыдӧн, – висьталӧ Господь.

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Исай 6:7

Биа ӧгырнас сійӧ инмӧдчыліс менам вомдорӧ да шуис: «Тэнсьыд мыжтӧ вештӧма, тэнсьыд лёк вӧчӧмъястӧ прӧститӧма, ӧд тайӧ биа ӧгырыс инмӧдчыліс тэнад вомдорӧ».

Исай 61:7

Тіянӧс янӧдӧмысь мынтысясны тіянлы кык пӧвстӧн, увтыртӧм бӧрти ті понданныд нимкодясьны асланыд шудысь, ӧд асланыд муӧ бергӧдчӧм бӧрын тіянлы вичмас кык пӧв унджык му, тіян нимкодясьӧмлы оз ло помыс.

Исай 66:13

Ныв-писӧ бурӧдысь мам моз Ме бурӧда тіянӧс, бурӧда тіянӧс Ерусалимын.

Еремей 16:18

Налӧн мыжъясысь да лёк вӧчӧмъясысь Ме кык пӧвстӧн налысь водзӧс перъя, перъя сыысь, мый найӧ пежалісны Менсьым муӧс зывӧк идолъяснаныс, тыртісны пежторъяснаныс».

Еремей 17:18

Менӧ дзескӧдысьяс мед яналасны, а менӧ эн лэдз янӧдны! Найӧ мед поласны-тіраласны, а менӧ эн лэдз повзьӧдны! Мӧдӧд налы сьӧкыд кад, дзикӧдз пасьварт-бырӧд найӧс!

Еремей 29:11

Ме тӧда, мый Ме кӧсъя вӧчны тіянлы, – висьталӧ Господь. – Ме кӧсъя вӧчны тіянлы бурсӧ, а ог лёксӧ. Ме сета тіянлы лача да бур олӧм.

Еремей 51:10

Господь петкӧдліс миянлысь веськыдлуннымӧс. Мунамӧй, юӧртамӧй Сионын, мый вӧчис Господь, миян Енным.

Бӧрданкыв 4:22

Сион нылӧй, тэнӧ мыждӧмлы воис пом, Господь оз нин вӧтлы тэнӧ аслад муысь. А тэнӧ, эдом войтыр, Сійӧ мыждас, став тэнсьыд мыжъястӧ эрдӧдас.

Езекиль 16:42

Ме кисьта тэ вылӧ Ассьым ярлунӧс, и сӧмын та бӧрын Ме лӧня вежӧгтӧмысь да ог нин кут скӧравны.

Даниил 11:35

Мывкыд веськӧдлысьясысь кодсюрӧ куласны, медым на пиысь ловйӧн кольӧмаясӧс тӧдмавны да весавны-сӧстӧммӧдны бӧръя кад кежлӧ, ӧд урчитӧм кадыс эз на во.

Даниил 12:4

Но тэ, Даниил, эн восьт тайӧ кывъяссӧ, а тупкы тайӧ небӧгсӧ печатьӧн, кытчӧдз оз во бӧръя кадыс. Сэки унаӧн лыддясны сійӧс, и налӧн тӧдӧмлуныс содас».

Даниил 12:9

Но сійӧ шуис меным: «Мун, Даниил. Тайӧ кывъяссӧ оз позь восьтны, найӧс лоӧ тупкӧма печатьӧн бӧръя кадӧдзыс.

Даниил 9:12

Тэ збыльмӧдін Ассьыд кывтӧ, мый Тэ шуин миян йылысь да миян юралысь-веськӧдлысьяс йылысь. Тэ ыстін миян вылӧ ыджыд шог, татшӧм шогыс эз на вӧвлы му вылас, мый суис Ерусалим карӧс.

Даниил 9:2

Сылӧн медводдза веськӧдлан воӧ ме, Даниил, гӧгӧрвои Гижӧдысь, мый Ерусалим кар лоӧ овтӧминӧн сизимдас во чӧж. Та йылысь Господь водзвыв висьтавліс Еремей пророклы.

Осий 2:14

– Ме ышӧда сійӧс Ме бӧрся мунны, нуӧда сійӧс овтӧминӧ, понда сёрнитны сыкӧд меліа.

Осий 2:16

Сійӧ лунӧ, – висьталӧ Господь, – Израиль шыасяс Ме дінӧ: «Верӧсӧй», и водзӧ оз нин шу Меным: «Ваалӧй».

Аввакум 2:3

Тайӧ аддзылӧмыс локтана кад йылысь, кадлӧн пом йылысь, тайӧ абу ылӧг. Тайӧ кадыс кӧ дыр на оз во, виччысь, ӧд тайӧ аддзылӧмыс инас, оз вежсьы.

Софоний 3:15

Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Закар 1:13

Господь лӧньӧдіс мекӧд сёрнитысь анделӧс бур кывъясӧн.

Закар 1:15

Но Ме чорыда скӧрала сійӧ войтыръяс вылӧ, кодъяс олӧны ышнясьӧмӧн. Кор Ме эг ёна скӧрав Аслам войтыр вылӧ, сэки войтыръяс уна лёксӧ вӧчисны Менам войтырлы.

Закар 9:12

Бӧр локтӧй асланыд изкарӧ, пленӧ босьтӧмаяс, помӧдзыс лача кутысьяс. Талун Ме юӧрта, мый кык пӧвстӧн тэныд ставсӧ бӧр бергӧда.

Ап. уджъяс 1:7

Сійӧ вочавидзис: «Абу тіян мог тӧдны кадъяс йылысь, Бать индӧ кадъяссӧ.

Галатӧ 4:4

А кор воис урчитӧм кадыс, Енмыс мӧдӧдіс Ассьыс Писӧ, кодӧс ань чужтіс. Ен Пи оліс Индӧд улын,

Восьтӧм 18:6

Мынтысьӧй сылы сійӧн жӧ, мыйӧн ачыс мынтысис тіянлы. Кык пӧвстӧн мынтысьӧй сылӧн уджъяссьыс. Чашаас, кытысь сійӧ юкталіс тіянӧс, дасьтӧй сылы винасӧ кык пӧв курыдджыкӧс на.