Исай 39:1 - Коми Библия 2023

¹ Сійӧ кадас вавилонса Меродах-Валадан ӧксы, Валаданлӧн пиыс, тӧдмаліс Езекейлӧн висьмылӧм да бурдӧм йылысь. Та вӧсна сійӧ мӧдӧдіс Езекейлы гижӧд да козинъяс.

Исай 39:1 Kruisverwysings

Ӧксыяслӧн 2 небӧг 10:2

Давид шуис: «Ме бурсьӧлӧмтча Ханун дінӧ, ӧд сылӧн Нахаш батьыс вӧлі бур сьӧлӧма ме дінӧ». Давид мӧдӧдіс кесйӧгъяссӧ, медым Ханункӧд тшӧтш юкны шогсӧ сылӧн батьыс вӧсна. Кор Давидлӧн кесйӧгъяс локтісны аммон войтырлӧн муӧ,

Ӧксыяслӧн 2 небӧг 8:10

Сэки сійӧ мӧдӧдіс ассьыс Иорам писӧ Давид ӧксы дінӧ, мед чолӧмавны да аттьӧавны сійӧс Ададезерӧс вермӧмысь. Ӧд Ададезер дугдывтӧг тышкасис Тойикӧд. Аскӧдыс Иорам вайис эзысь, зарни да ыргӧн дозъяс.

2 Каднебӧг 32:23

Унаӧн вайисны Ерусалимӧ Господьлы вайӧмторъяс да иудаса Езекей ӧксылы дона козинъяс. Тайӧ кадсяньыс Езекей пондіс нимавны став войтыръяс пӧвстын.

2 Каднебӧг 32:25

Но таысь Езекей эз ошкы Господьӧс, а вылӧ кыпӧдіс асьсӧ. Та вӧсна Енмыс скӧрмис сы вылӧ, тшӧтш Иуда да Ерусалим вылӧ.

2 Каднебӧг 32:31

Но кор вавилонса юралысьяс мӧдӧдісны сы дінӧ ассьыс йӧзсӧ, медым тӧдмавны Иуда муын петкӧдлӧм индысьпас йылысь, сэки Енмыс колис сійӧс ӧтнассӧ, медым тӧдмавны сійӧс да аддзыны, мый сылӧн сьӧлӧмас.

Исай 13:1

Вавилон йылысь водзвыв висьталӧм. Енмыс петкӧдліс тайӧс Амослӧн Исай пилы.

Исай 13:19

Вавилон – мувывса каръясысь медмичаыс, Калдея войтырлӧн ошйысянторйыс. Содомӧс да Гомораӧс моз Енмыс бырӧдас сійӧс.

Исай 14:4

тэ кутан сьывны вавилонса ӧксы йылысь сералана сьыланкыв: – Со, оз нин ло нартитысьыс, воис пом сылӧн лёкалӧмлы!

Исай 23:13

Со, Калдея му, но сэтчӧс войтырыс абу нин, налысь мусӧ Ассур сетіс овтӧминса зверъяслы. Ассур лэптіс Калдея муӧ аслыс башняяс, жугліс калдеяса изкаръяс, ставсӧ дзикӧдз пазӧдіс.