Исай 33:11 - Коми Библия 2023

¹¹ Ті нӧбасянныд кос турунӧн, чужтанныд идзас. Тіян ловшыныд би моз сотас асьнытӧ.

Исай 33:11 Kruisverwysings

Иов 15:35

Ӧд сійӧ нӧбасис лёкнас да чужтіс шог, сійӧ новлӧдліс ас пытшкас ылӧг.

Псалтыр 2:1

Мыйла шызьӧны войтыръяс, мыйла мӧвпалӧны ковтӧмсӧ?

Псалтыр 7:14

Енмыс сылы паныд дасьтӧ вианторъяс, лӧсьӧдӧ биа ньӧвъяс.

Псалтыр 7:15

Ентӧг олысь нӧбасьӧ лёк мӧвпъясӧн, новлӧдлӧ ас пытшкас лёксӧ да чужтӧ ылӧгсӧ.

Исай 1:31

Вына морт лоӧ идзас кодь, сылӧн уджъясыс – бикинь кодь. Найӧ ӧтвылысь ыпнитасны, и некод оз вермы кусӧдны.

Исай 17:13

Войтыръяс горзӧны, быттьӧ пыдӧстӧм ваяс бузгӧны. Но Господь чирыштас найӧс, и найӧ ылӧдз пышъясны. Найӧ тӧвзясны керӧсъяс вывті тӧвнырӧн нӧбӧдан кыд моз, ыджыд тӧвнырӧн нӧбӧдан бус моз.

Исай 26:18

Нӧбасьысь ань моз ми сьӧкыдалім, но чужтім сӧмын тӧвру. Ми эгӧ вайӧй мездмӧмсӧ муыслы, эгӧ пасьвартӧй муюгыдас олысьясӧс.

Исай 5:24

Но кыдзи би сотӧ идзас да ыпъялӧмӧн сотчӧ турун, тадзи налӧн вужйыс сісьмас, налӧн дзоридзыс бус моз разалас, ӧд найӧ ӧтдортісны Господь Саваофлысь Индӧдсӧ, нинӧмӧ пуктісны Израильлӧн вежа Енлысь кывъяссӧ.

Исай 59:4

Некод оз мыжды веськыда, ёрд водзын некод оз висьтав збыльсӧ. Ставныс лача кутӧны абутӧмыс вылӧ, висьталӧны ылӧгсӧ. Найӧ новлӧдлӧны ас пытшканыс лёксӧ, чужтӧны лёк вӧчӧм.

Исай 9:17

Господь оз нимкодясь налӧн том йӧз вӧсна, налӧн батьтӧм-мамтӧм челядь дінӧ да дӧваяс дінӧ Сійӧ оз бурав, ӧд найӧ ставныс ылӧдчысьяс да лёк вӧчысьяс, налӧн вомысь петӧ сӧмын пеж сёрни. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Ап. уджъяс 5:4

Эз ӧмӧй ас киад вӧв овмӧсыд да босьтӧм сьӧмыд? Мыйла тэ сьӧлӧмад лэдзин мӧвп тадзи вӧчны? Тэ эн мортӧс пӧръяв, тэ пӧръялін Енмӧс».

Яков 1:15

Лёк кӧсйӧмыс содӧ-быдмӧ да чужтӧ мыж, а вӧчӧм мыжыс чужтӧ кулӧм.