Исай 33:1 - Коми Библия 2023

¹ Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Исай 33:1 Kruisverwysings

Шусьӧгъяс 22:23

Ӧд Господь сувтас сы дор, сійӧс дзескӧдӧм понда бырӧдас тэнӧ.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 14:25

Аслам му вылын Ме пасьварта Ассур тышкайӧзӧс, Аслам керӧсъяс вылын Ме таляла найӧс. Менам войтырӧй мынас Ассурлӧн сийӧс улысь, налӧн пельпом вылысь усяс сьӧкыд нопйыс.

Исай 17:14

Рытнас лоӧ ыджыд полӧм, а асъядорыс сійӧ оз нин ло. Татшӧмтор виччысьӧ миянлысь эмбур мырддялысьясӧс, татшӧм лоӧ миянлысь гусялысьяслӧн пайыс.

Исай 21:2

сувтіс менам син водзӧ Енсянь повзьӧдана петкӧдчылӧм: ылӧдчысь ылӧдлӧ, бырӧдысь бырӧдӧ. Элам, уськӧдчы на вылӧ! Мидия, кытшав найӧс! Ӧні став ойзӧмыслы Ме пукта пом.

Исай 24:16

Му помсяньыс ми кылам сьыланкыв, веськыда вӧчысь Енлы ошкӧм. А ме шуа: «Шог меным, шог меным, курыд шог меным! Ылӧдчысьяс ылӧдлӧны, ылӧдчысьяс наяна ылӧдлӧны».

Исай 31:8

Ассур войтыр шыпуртысь кулас, но оз мортлӧн шыпуртысь. Шыпурт бырӧдас найӧс, но оз мортлӧн шыпуртыс. Найӧ пышъясны шыпуртысь, но налысь зонъяссӧ уджӧдасны вот мынтӧм могысь.

Исай 48:8

Тэ эн кывлы, эн тӧдлы та йылысь, тэнад пельыд важысянь тупкыса. Ме тӧді, мый тэ ылӧдчысь, мам кынӧмсяньыд нин тэнӧ шуӧны паныд кыпӧдчысьӧн.

Езекиль 39:10

Видз-муяс вылысь да вӧрысь налы оз ковмы ваявны пес, ӧд вӧрӧглӧн тышкасянторъясыс лоӧны налы пес пыдди. Израиль войтыр куштас найӧс, кодъяс сійӧс куштісны, мырддяс мырддялысьяслысь эмбурсӧ, – висьталӧ Господь Ыджыдыс.

Софоний 3:19

Сійӧ кадас Ме мыжда ставнысӧ, кодъяс дзескӧдісны тэнӧ, Сион. Ме мезда чотысьясӧс, чукӧрта вӧтлӧмаясӧс. Быд муын, кӧні вӧлі найӧс янӧдӧма, Ме нимӧда найӧс, быдлаын найӧс кутасны ошкыны.

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Восьтӧм 13:10

Коді мӧдӧс дзескыдінӧ пуксьӧдас, ачыс сэтчӧ веськалас. Коді шыпуртӧн виас, сійӧс асьсӧ шыпуртӧн виасны. Татшӧм кадас вежа войтырлы колӧ зумыдлун да эскӧм.

Восьтӧм 16:6

Йӧзыс кисьтісны вежа войтырлысь да пророкъяслысь вирсӧ, та вӧсна Тэ юктӧдан найӧс вирӧн, мынтысян налы уджъясныс серти.

Восьтӧм 17:17

Ӧд Енмыс пуктіс налӧн сьӧлӧмӧ, мед вӧчны Сылӧн кӧсйӧм серти. Ӧти кывйӧ воӧмӧн найӧ сетісны зверыслы ассьыныс ӧксыалӧмсӧ, кытчӧдз оз инны Енлӧн кывъясыс.

Ёрдысьяс 1:7

Везекса ӧксы шуис: «Сизимдас ӧксылысь ки-коксьыс певсӧ ме керыштлі, и найӧ менам пызан улысь торпыригсӧ чукӧртлісны. Ӧні Енмыс менсьым водзӧс перйис». Сійӧс вайӧдісны Ерусалимӧ, сэні сійӧ куліс.

Ёрдысьяс 9:23

Ен мӧдӧдіс пеж лолӧс, и Сикем карса олысьяс кыпӧдчисны Авимелеклы паныд.