Исай 31:6 - Коми Библия 2023

⁶ Израиль войтыр, бергӧдчӧй Сы дінӧ, код дінысь ті ёна ылыстчинныд!

Исай 31:6 Kruisverwysings

2 Каднебӧг 36:14

Попъяслӧн да войтырлӧн юралысьясыс тшӧтш эновтісны Господьӧс. Мукӧд войтыр моз найӧ вӧчисны пежсӧ да пежалісны Господьлысь крамсӧ, мый Сійӧ вежӧдіс Ерусалимын.

Иов 22:23

Бергӧдчан кӧ Ставсӧвермысь дінӧ, вештан кӧ лёксӧ аслад керка дінысь, сэки Сійӧ бара кыпӧдас тэнӧ.

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Исай 29:15

Курыд шог налы, кодъяс ассьыныс мӧвпъяссӧ кӧсйӧны пыдӧ дзебны Господьысь. Пемыдас найӧ вӧчӧны ассьыныс уджъяссӧ, шуалӧны: «Коді аддзас миянӧс? Коді тӧдмалас миянӧс?»

Исай 44:22

Руӧс моз Ме разӧда тэнсьыд лёк вӧчӧмъястӧ, кымӧрӧс моз вешта тэнсьыд мыжъястӧ. Бергӧдчы Ме дінӧ, Ме мезда тэнӧ!

Исай 48:8

Тэ эн кывлы, эн тӧдлы та йылысь, тэнад пельыд важысянь тупкыса. Ме тӧді, мый тэ ылӧдчысь, мам кынӧмсяньыд нин тэнӧ шуӧны паныд кыпӧдчысьӧн.

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Еремей 3:10

Но весиг та бӧрын Иуда, Израильлӧн ылӧдчысь чойыс, эз сьӧлӧмсяньыс бергӧдчы Ме дінӧ, а сӧмын ылӧдчис», – висьталӧ Господь.

Еремей 3:12

Мун войвывлань да юӧрт тайӧ кывъяссӧ: – Бергӧдчы, Израиль, Менӧ эновтысь, – висьталӧ Господь. – Ме ог кисьт Ассьым скӧрлунӧс тіян вылӧ, ӧд Ме бур сьӧлӧма, – висьталӧ Господь, – Ме ог скӧрав дугдывтӧг.

Еремей 3:14

«Бергӧдчӧй Ме дінӧ, кывзысьтӧм войтырӧй, – висьталӧ Господь, – ӧд Ме – тіян Верӧсныд. Весиг кӧ карын коляс ӧти морт, чужанкотырын – кык морт, Ме босьта найӧс да вайӧда Сионӧ.

Еремей 3:22

– Бергӧдчӧй Ме дінӧ, кывзысьтӧм челядьӧй, Ме бурдӧда тіянӧс Менӧ эновтӧмысь. – Со, ми локтам Тэ дінӧ, ӧд Тэ – Господь, миян Енным.

Еремей 5:23

Тайӧ войтырыс асныра, найӧ кыпӧдчисны Меным паныд, бергӧдчисны да мунісны Ме дінысь.

Езекиль 18:31

Дугдӧй мыж вӧчны, олӧй выль сьӧлӧмӧн да выль лолӧн. Мыйла тіянлы кувнысӧ, Израиль войтыр?

Езекиль 18:32

Ме ог кӧсйы, медым кодкӧ куліс, – висьталӧ Господь Ыджыдыс. – Бергӧдчӧй мыжъяссьыныд, и овны кутанныд».

Осий 9:9

Израиль дзикӧдз вӧйис пежас, кыдзи коркӧ Гиваын олысьяс. Енмыс казьтыштас налысь лёк вӧчӧмсӧ, мыждас найӧс мыжъяссьыныс.

Закар 1:3

Висьтав войтырыслы Господь Саваофлысь шуӧмсӧ. Бергӧдчӧй Ме дінӧ, и Ме бергӧдча тіян дінӧ, – висьталӧ Господь Саваоф. –

Ап. уджъяс 26:20

Медводз Дамаскын да Ерусалимын, сэсся став Иудея му пасьтала, сэсся нин ентӧдтӧмъяслы висьтавлі, мед бергӧдчасны мыжъяссьыныс Енлань да олӧмнас петкӧдласны тайӧс.

Ап. уджъяс 3:19

Бергӧдчӧй мыжъяссьыныд Енлань, медым Сійӧ вештас тіянлысь мыжъяснытӧ.