Исай 31:2 - Коми Библия 2023

² Но Господьлӧн мывкыдлуныс ыджыд. Сійӧ мӧдӧдас сьӧкыдлун, Ассьыс кывсӧ оз веж. Сійӧ сувтас лёк вӧчысьяслы паныд да налы паныд, кодъяс отсалӧны мыж вӧчысьяслы.

Исай 31:2 Kruisverwysings

Иов 12:13

Енлӧн эм мывкыдлуныс да выныс, эм тӧдӧмлуныс да вежӧрыс.

Иов 12:16

Сылӧн эм выныс да вежӧрыс, Сылӧн кипод улын – ылӧдлысь и ылӧгас шедысь.

Иов 5:13

сюсьӧ пуксьысьясӧс Сійӧ тывйыштӧ асланыс наянлунӧ, ылӧдчысьяслӧн туйдӧдӧмыс бырӧ.

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Исай 14:20

Мукӧдсӧ дзебасны, а тэнӧ оз, ӧд тэ куштін ассьыд мутӧ, бырӧдін ассьыд войтыртӧ. Татшӧм лёк мортсянь чужысьлысь нимсӧ оз казьтывлыны.

Исай 21:17

Кедарса тышкасьысьяслӧн, ньӧввужйысь лыйсьысьяслӧн лыдыс кольӧ зэв этша». Тадзи висьталӧ Господь, Израильлӧн Ен.

Исай 22:14

Господь Саваоф висьталіс меным: – Тайӧ мыжнытӧ Ме ог вешты, кулан лунӧдзныд ті лоанныд мыжаӧсь. Тадзи висьталӧ Ыджыдыс, Господь Саваоф.

Исай 28:21

Господь чеччас Перацим керӧс вылын моз, Сійӧ петкӧдлас Ассьыс скӧрлунсӧ Гаваон ковтысын моз, медым вӧчны Ассьыс уджсӧ, аддзывлытӧмторсӧ, да помӧдз вайӧдны Ассьыс вӧчӧмсӧ, вӧвлытӧмторсӧ.

Исай 28:29

Ставыс тайӧ – Господь Саваофсянь. Сылӧн велӧдӧмыс шензьӧдана, Сылӧн мывкыдлуныс пыдӧстӧм!

Исай 30:3

Но фараонлысь дорйӧм корӧмысь лоӧ тіянлы яндзим, Египетысь дзебсянін корсьӧмысь лоӧ юръяндзим.

Исай 30:7

Египетсянь отсӧгыс весьшӧрӧ, сійӧ нинӧм дон оз сулав. Та вӧсна Ме нимті Египетӧс лӧня пукалысь Рахавӧн.

Исай 31:3

Египетсаяс – йӧз, абу Ен, налӧн вӧвъясыс – вир-яй, абу лов. Господь лэптас Ассьыс кисӧ, и отсӧг сетысьяс крукасясны, а кодлы отсалісны, найӧ тшӧтш усясны – ставныс ӧтвылысь куласны.

Исай 32:6

Ӧд мывкыдтӧм мортлӧн сёрниыс мывкыдтӧм, сійӧ мӧвпалӧ лёк вӧчӧм йылысь, сылӧн оласногыс шогмытӧм, сійӧ омӧльтӧ Господьӧс, няньтӧг кольӧ тшыг мортӧс, горш косьмысьлы оз сет ва.

Исай 45:7

Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.

Исай 9:17

Господь оз нимкодясь налӧн том йӧз вӧсна, налӧн батьтӧм-мамтӧм челядь дінӧ да дӧваяс дінӧ Сійӧ оз бурав, ӧд найӧ ставныс ылӧдчысьяс да лёк вӧчысьяс, налӧн вомысь петӧ сӧмын пеж сёрни. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Еремей 10:12

Аслас вынӧн Господь вӧчис мусӧ, Аслас мывкыдлунӧн муюгыдыслы пуктіс подувсӧ, Аслас вежӧрлунӧн шевкнитіс енэжсӧ.

Еремей 10:7

Тэ – войтыръяслӧн Ӧксы, ставныс полӧны Тэысь, сӧмын Тэысь колӧ вежавидзнысӧ. Войтыръяслӧн мывкыдаяс пӧвстын Тэ кодьыс абу!

Еремей 36:32

Еремей босьтіс мӧд гижӧд тубрас да сетіс сійӧс Барук гижалысьлы, Нирийлӧн пилы. Еремейлӧн висьталӧм серти Барук гижис сэтчӧ ставсӧ, мый вӧлі гижӧма воддза гижӧд тубрасас, кодӧс биын сотіс иудаса Ехояким ӧксы. Нӧшта вӧлі содтӧма гижӧдас уна пророкалан кыв.

Езекиль 29:6

Сэки Египетын став олысьыс тӧдмалас, мый Ме – Господь. Египет, тэ вӧлін Израиль войтырлы вӧсньыдик бедь кодь мыджӧдӧн.

Амос 3:6

Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?

Софоний 3:8

Сідзкӧ, виччысьӧй Менӧ, – висьталӧ Господь, – виччысьӧй сійӧ лунсӧ, кор Ме сувта мыждыны. Ӧд Ме шуи, мый чукӧрта войтыръясӧс, медым кисьтны на вылӧ Ассьым лӧглунӧс, ыпъялысь скӧрлунӧс. Менам скӧрлуна биӧн лоӧ сотӧма став мусӧ.

Закар 1:6

Но Менам кывъясӧй инісны. Сійӧ, мый йылысь Ме ӧлӧдӧмӧн висьтавлі Меным кесъялысь пророкъяс пыр, суис батьяснытӧ. Сэки найӧ бергӧдчывлісны мыжсьыныс шуалӧмӧн: ”Господь Саваоф кыдзи шуис, сідзи и вӧчис. Сійӧ вӧчис миянкӧд асланым бӧрйӧм туйным да лёк вӧчӧмным серти”».

Лыд 10:35

Кор Йитӧд кудсӧ босьтлісны нуны, Мӧисей горӧдліс: «Господьӧй, кыпӧдчы! Тэныд паныд сувтысьяс мед разаласны, Тэнӧ мустӧмтысьяс мед пышъясны Тэнад син водзысь!»

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Матвей 24:35

Енэжыс да муыс бырас, а Менам кывъясӧй оз бырны.

Нав Исус 23:15

Кыдзи збыльмис тіянлы Господь Енныдлӧн быд бурсиӧмыс, сідзи Сійӧ збыльмӧдас став ёрӧмсӧ, кытчӧдз оз бырӧд тіянӧс тайӧ бур му вывсьыс, мый сетіс тіянлы.

Иуда 1:25

Ыджыд мывкыда ӧти Ен мездіс миянӧс Исус Кристос Господьным пыр. Сылы ошкӧм-нимӧдӧмыс, Сылӧн выныс-ыджыдалӧмыс олӧм пуксьытӧдзыс, ӧні да нэмъяс чӧж. Аминь.

Ӧксыяслӧн 1 небӧг 2:3

Энӧ ышнясьӧй асланыд сёрниясӧн, тіян вомысь мед оз петны тшап кывъяс. Ӧд Господь эм Ен, Сійӧ ставсӧ тӧдӧ, Сійӧ веситӧ уджъяснымӧс.