Исай 31:1 - Коми Библия 2023

¹ Курыд шог налы, кодъяс мунӧны Египетӧ отсӧгла! Найӧ лача кутӧны вӧвъяс вылӧ, тарантасъяслӧн уна лыдыс вылӧ да верзьӧмаяслӧн выныс вылӧ, а Израильлӧн вежа Ен вылӧ оз видзӧдны, Господь дінӧ отсӧгла оз шыасьны.

Исай 31:1 Kruisverwysings

Олӧм 47:17

И найӧ вайисны ыж-мӧснысӧ Ӧсиплы. Вӧвъяс, ыжъяс, мӧсъяс да осёлъяс тшӧт весьтӧ Ӧсип сеталіс налы нянь. Во чӧж вердіс найӧс.

2 Каднебӧг 16:7

Сэки иудаса Аса ӧксы дінӧ локтіс Ханани нима пророк да шуис сылы: «Тэ шыасин отсӧгла арамейяслӧн ӧксы дінӧ, а эн аслад Господь Ен дінӧ. Та вӧсна арамса ӧксылӧн тышкайӧзыс оз лоны тэнад кипод улынӧсь.

2 Каднебӧг 16:9

Господьлӧн синмыс аддзӧ ставнас мусӧ. Сійӧ вынсьӧдӧ найӧс, кодъяслӧн сьӧлӧмныс йитчӧма Сыкӧд. Тэ вӧчин мывкыдтӧма, та вӧсна ӧнісянь тэнад муын лоӧны тышъяс».

Иов 39:11

Сылӧн ыджыд выныс вылӧ ӧмӧй пондан лачатӧ кутны, сы вылӧ ӧмӧй уджъястӧ ӧшӧдан?

Псалтыр 20:7

бурсиин сійӧс нэмъяс кежлӧ. Тэ сетан сылы нимкодясьны Аслад чужӧмбан водзын.

Исай 10:17

Сійӧ Ачыс, Израильлӧн Югыдыс, лоӧ биӧн, Израильлӧн вежа Енмыс лоӧ ыпъялысь биӧн, Сійӧ сотас йӧнсӧ да ёг турунсӧ, ӧти лунӧн бырӧдас Ассурӧс.

Исай 2:7

Тэнад войтырлӧн муыс озыр эзысьӧн да зарниӧн, озырлуныс помтӧм-дортӧм. Налӧн эм уна вӧв, тарантасъяслӧн лыдыс лыдтӧм-тшӧттӧм.

Исай 20:5

Сэки повзясны да яналасны найӧ, кодъяс лача кутісны Эфиопия вылӧ да ошйысисны Египетӧн.

Исай 22:11

Кык стен костӧ ті вӧчинныд ва видзанін, медым чукӧртны сэтчӧ важ йӧртӧдысь васӧ. Но ті энӧ кыпӧдӧй синнытӧ Сы вылӧ, коді вӧчӧ тайӧс, энӧ видзӧдӧй Сы вылӧ, коді водзысяньыс вӧлі мӧвпыштӧма та йылысь.

Исай 30:16

Ті шуинныд: «Ми котӧртам вӧвъяс вылын», та вӧсна тіянлы и ковмас пышйыны. Ті шуинныд: «Ми рӧдтам тэрыб вӧвъяс вылын», та вӧсна тіянӧс вӧтӧдысьясныд лоӧны тэрыбӧсь.

Исай 36:6

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.

Исай 36:9

Тэ он вермы вӧтлыны аслад муысь весиг ӧти веськӧдлысьӧс, менам ыджыдлы медічӧт кесъялысьӧс. Но тэ лача кутан Египет вылӧ, сылӧн тарантасъяс да вӧвъяс вылӧ!

Исай 43:15

Ме, Господь, тіян вежа Енныд, Израильӧс Вӧчысь, тіян Ӧксыныд!

Исай 5:12

Налӧн гажӧдчанінын ворсӧны гуслиӧн да арфаӧн, тимпанӧн да пӧлянӧн. Сэні шорӧн киссьӧ вина! Но Господьлысь уджъяссӧ найӧ оз аддзыны, Сылысь вӧчӧмторъяссӧ оз казявны.

Исай 57:9

Асьтӧ чӧскыд дука выйӧн ёна мавтӧмӧн тэ ветлывлін Молок идол дінӧ. Тэ ылӧдз мӧдӧдлін ассьыд йӧзтӧ, мӧдӧдлін весиг пыдӧстӧминӧдз.

Исай 64:7

Некод оз шыась Тэнад нимӧ, некод оз кутчысь Тэ дінӧ. Та вӧсна Тэ бергӧдін миянысь Ассьыд чужӧмтӧ, эновтін миянӧс кувны асланым мыжъясын.

Исай 9:12

Асыввывсянь локтісны арамейяс, рытыввывсянь – филистимсаяс, найӧ жалиттӧг бырӧдісны Израиль войтырӧс. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 9:13

Господь нӧйтіс войтырсӧ, но найӧ эз бергӧдчыны Сы дінӧ, эз шыасьны Господь Саваоф дінӧ.

Еремей 17:5

Господь тадзи висьталӧ: – Ёрӧма сійӧ мортсӧ, коді лача кутӧ морт вылӧ, коді мыджсьӧ мувывса олысь вылӧ, кодлӧн сьӧлӧмыс ылыстчӧ Господьысь.

Еремей 2:13

Менам войтырӧй вӧчис кык лёктор: эновтіс Менӧ, ловъя ва петанінсӧ, да кодйис аслыс буждысь юкмӧсъяс, кодъяс оз вермыны ва кутны.

Еремей 37:7

«Господь, Израильлӧн Ен, тадзи висьталӧ: иудаса ӧксылы, коді мӧдӧдіс юавны Менсьым, висьталӧй, мый фараонлӧн тышкайӧзыс, кодъяс вӧлі локтӧны тіянлы отсӧг вылӧ, бӧр бергӧдчасны асланыс муӧ, Египетӧ.

Еремей 42:14

мунам пӧ да овмӧдчам Египет муӧ, кӧні оз ло тыш, кӧні огӧ кутӧй кывны буксан шылысь чуксалӧмсӧ да огӧ кутӧй тшыгъявны,

Езекиль 17:15

Но иудаса ӧксы кыпӧдчис вавилонса ӧксылы паныд. Сійӧ мӧдӧдіс ассьыс йӧзсӧ Египетӧ, медым найӧ ваясны сэтысь вӧвъясӧс да уна лыда тышкайӧзӧс. Но лоӧ-ӧ сылы бур? Сёрнитчӧмсӧ торкысь морт оз пышйы мыждӧмысь.

Езекиль 29:16

Израиль войтыр лачасӧ оз нин кут Египет вылӧ. Египеткӧд лоӧмторйыс кутас казьтывны израильсаяслы мыжныс йылысь, мый отсӧгсӧ корисны Египетлысь. Сэки найӧ тӧдмаласны, мый Ме – Господь Ыджыдыс».

Даниил 9:13

Миянӧс суисны сійӧ сьӧкыдлунъясыс, мый йылысь висьталӧма Мӧисейлӧн Индӧдын, но ми эгӧ шыасьӧй Тэ дінӧ, Господьӧй, миян Енмӧй, эгӧ дугдӧй вӧчны мыжсӧ, эгӧ кутчысьӧй Тэнад збыляд.

Осий 11:5

Найӧ эз кӧсйыны бергӧдчыны Ме дінӧ, та вӧсна налы бӧр ковмас мунны Египетӧ, Ассур кутас ыджыдавны на вылын.

Осий 11:9

Ме ог лэдз ыпъявны Аслам скӧрлунӧйлы, Ме ог нин бырӧд Ефремӧс, ӧд Ме – Ен, абу морт. Ме, Вежаыс, тэ пӧвстын, скӧрлунӧн тэ дінӧ ог лок.

Осий 14:3

Кевмысьӧмӧн бергӧдчӧй Господь дінӧ, шуӧй Сылы: прӧстит миянлысь мыжъяснымӧс да сибӧд миянлысь козиннымӧс, ӧш пыдди ми ваям Тэныд кевмысьӧмнымӧс.

Осий 7:7

Ставныс найӧ донӧдӧм пач кодьӧсь, би моз найӧ ньылыштӧны юралысьяснысӧ. Налӧн ӧксыясыс усьӧны, но некод оз шыась Ме дінӧ.

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Аввакум 3:3

Енмыс локтӧ Темансянь, Вежа Ен локтӧ Паран керӧссянь. Сылӧн дзирдлуныс вевттьӧ енэжсӧ, Сійӧс ошкӧмыс тыртӧ мусӧ.

Закар 10:5

Найӧ лоӧны вына тышкайӧз кодьӧсь, таляласны вӧрӧгӧс кокувса няйтӧс моз. Найӧ вермасны тышын, ӧд накӧд лоӧ Господь, найӧ янӧдасны вӧрӧглысь верзьӧмаяссӧ.

Индӧд 17:16

Ӧксыныд мед оз лӧсьӧд уна вӧв да оз мӧдӧд ассьыс йӧзсӧ Египетӧ, медым ньӧбны сэтысь вӧвъясӧс. Ӧд Господь шуис тіянлы, сэтчӧ пӧ бӧрсӧ энӧ бергӧдчӧй.

Индӧд 20:1

«Кор ті петанныд тышӧ да аддзанныд, мый вӧрӧглӧн вӧв-тарантасыс да тышкайӧзыс унджык тіян дорысь, энӧ полӧй, ӧд тіянкӧд Господь, тіян Енныд, коді петкӧдіс тіянӧс Египет муысь.