Исай 30:9 - Коми Библия 2023

⁹ Ӧд тайӧ войтырыс кывзысьтӧм, найӧ пӧръясьысьяс, оз кӧсйыны кывзыны Господьлысь Индӧдсӧ.

Исай 30:9 Kruisverwysings

2 Каднебӧг 33:10

Господь ӧлӧдліс Манассейӧс да Ассьыс войтырсӧ, но найӧ эз кывзыны Сійӧс.

Псалтыр 78:8

Эн пукты миян вылӧ батьяснымлысь мыжъяссӧ, тэрмась петкӧдлыны миянлы Ассьыд бурлунтӧ, ӧд ми дзикӧдз жебмим.

Шусьӧгъяс 28:9

Коді оз кӧсйы кывзыны Индӧдсӧ, сылӧн кевмысьӧмыс – зывӧк.

Исай 1:10

Содомса юралысьяс, кывзӧй Господьлысь кывсӧ! Гомораын олысьяс, кывзӧй миян Енлысь Индӧдсӧ!

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Исай 10:5

Курыд шог Ассурлы, Менам скӧралан бедьлы. Сы киын орсыс – Менам лӧглунӧй.

Исай 10:6

Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Исай 24:5

Му вылын олысьяс пежалісны мусӧ, ӧд найӧ ӧтдортісны Енлысь Индӧдсӧ, нинӧмӧ пуктісны Сылысь тшӧктӧмъяссӧ, пыр кежлӧ кӧрталӧм йитӧдсӧ торкисны.

Исай 28:15

Ті шуанныд: «Ми кӧрталім йитӧд кулӧмыскӧд, ми сёрнитчим пыдӧстӧминыскӧд. Кор вӧрӧг ыльӧбтас бырӧдны, сійӧ оз суӧд миянӧс, ӧд ылӧгыс лои миянлы сайӧдчанінӧн, пӧръясьӧмыс – вевттьӧдӧн».

Исай 30:1

Курыд шог кывзысьтӧмъяслы, – висьталӧ Господь. – Найӧ сёрнитчӧны, но Метӧг, кӧрталӧны йитӧд, но оз Менам кӧсйӧм серти. Тадзи найӧ мыж дінӧ мыж содтӧны.

Исай 48:4

Ме тӧді, мый тэ асныра, мый тэнад сьыліыд кӧртысь, плешкыд ыргӧнысь.

Исай 5:24

Но кыдзи би сотӧ идзас да ыпъялӧмӧн сотчӧ турун, тадзи налӧн вужйыс сісьмас, налӧн дзоридзыс бус моз разалас, ӧд найӧ ӧтдортісны Господь Саваофлысь Индӧдсӧ, нинӧмӧ пуктісны Израильлӧн вежа Енлысь кывъяссӧ.

Исай 63:8

Господь шуис: «Тайӧ збыльысь Менам войтырӧй, Менам челядьӧй, кодъяс оз пӧръясьны». Сійӧ лоис налы Мездысьӧн,

Исай 65:2

Быд лун Ме нюжӧдлі киӧс кывзысьтӧм войтыр дінӧ, коді мунӧ шогмытӧм туйӧд, олӧ аслас колӧм-кӧсйӧм серти.

Еремей 35:14

Рекавлӧн Ионадав пиыс аслас пиянлы эз лэдз юны вина, и найӧ ӧнӧдз оз юны вина. Найӧ кывзысьӧны асланыс батьныслысь, олӧны сылӧн кывъясыс серти. А Ме выльысь и выльысь ӧлӧдлі тіянӧс, но ті энӧ кывзысьӧй Менсьым.

Еремей 7:13

Ті на моз жӧ вӧчанныд пежсӧ, – висьталӧ Господь. – Ме дугдывтӧг висьталі тіянлы, но ті энӧ кывзӧй, Ме чуксалі тіянӧс, но ті энӧ вочавидзӧй.

Еремей 7:28

Сэки тэ шу налы: тайӧ войтырыс оз кывзы аслас Господь Енлысь гӧлӧс шысӧ, оз сибӧд Сылысь туйдӧдӧмсӧ. Збыльыс вошӧма, ӧд тайӧ войтырыс ӧтдортӧма збыльсӧ.

Еремей 9:3

Ньӧввужйӧс моз найӧ зэвтӧны кывнысӧ, медым пӧръясьны. Найӧ оз кутчысьны збыляс, дугдывтӧг вӧчӧны лёксӧ. Менӧ найӧ оз тӧдны, – висьталӧ Господь. –

Езекиль 24:3

Тайӧ асныра войтырыслы висьтав велӧданвисьт. Шу налы, мый Господь Ыджыдыс тадзи висьталӧ: – Босьт пӧрт, кисьт сэтчӧ ва да пукты сійӧс би вылӧ.

Осий 4:2

Сетӧм кывнысӧ торкӧны, пӧръясьӧны, виӧны да гусясьӧны, гозъякост олӧм пежалӧны, вир кисьтӧмлы помыс абу.

Софоний 3:2

Сэні олысьяс оз кывзысьны, оз сибӧдны туйдӧдӧмсӧ, Господь вылӧ лача оз кутны, оз локны асланыс Ен дінӧ.

Ап. уджъяс 7:51

Асныралысьяс, тіян сьӧлӧмныд оз тӧд Енсӧ да тіян пельныд оз кыв Сійӧс! Асланыд батьяс моз ті век паныд сувтанныд Вежа Ловлы.

Индӧд 32:20

– Тупка Ассьым чужӧмбанӧс наысь, – шуис Сійӧ. – Тӧда, кутшӧм лоӧ налӧн помыс. Найӧ – ылӧгас вӧйӧм йӧз, ныв-пи, кодъяслы он вермы эскыны.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.