Исай 30:21 - Коми Библия 2023

²¹ Ті кӧ кежанныд веськыдвылӧ либӧ шуйгавылӧ, бӧрвывсяньныд ті кыланныд татшӧм кывъяс: «Со туйыс, мунӧй сэті!»

Исай 30:21 Kruisverwysings

Ӧксыяслӧн 4 небӧг 22:2

Иосей вӧчис Господь водзын шогманасӧ. Сійӧ ветліс Давид пӧльыслӧн туйӧд, эз кежлыв сэтысь веськыдвылӧ ни шуйгавылӧ.

Псалтыр 32:8

Став муыс мед полӧ Господьысь, муюгыдын став олысьыс мед дзӧрӧ Сы водзын.

Шусьӧгъяс 4:27

Веськыдвылӧ ни шуйгавылӧ эн кеж, кокыд мед лоӧ ылын лёксьыс.

Исай 29:24

Сэки ловнас ылалӧмаяс вежӧрсяласны, ропкысьяс велӧдчасны кывзысьны.

Исай 42:16

Ме нуӧда синтӧмъясӧс сійӧ туйӧдыс, кыті найӧ эз на ветлыны, нуӧда найӧс тӧдтӧм туйӧд. Пемыдсӧ на водзвылын Ме вӧча югыдӧн, чукля туйяссӧ – веськыдӧн. Тадзи Ме вӧча налы, ог эновт найӧс.

Исай 48:17

Господь, тэнӧ Мездысь, Израильлӧн вежа Ен, тадзи висьталӧ: – Ме – Господь, тэнад Енмыд, Ме велӧда тэнӧ бурас, нуӧда тэнӧ сійӧ туйӧдыс, кыті тэныд колӧ муннысӧ.

Исай 58:11

Господь пыр кутас нуӧдны тэнӧ. Кос кадӧ Сійӧ пӧткӧдас тэнӧ, ёнмӧдас тэнсьыд вир-яйтӧ. Тэ лоан киськалӧм сад йӧр кодь, пыр визувтысь ва петанін кодь.

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Индӧд 5:32

Видзчысьӧй, ставсӧ вӧчӧй сідзи, кыдзи тшӧктӧ Господь, тіян Енныд. Энӧ кежӧй веськыдвылӧ ни шуйгавылӧ.

Нав Исус 1:7

Ло зумыд да повтӧм! Ов став Индӧдыс серти, кыдзи тшӧктіс тэныд Мӧисей, Менам кесйӧгӧй. Эн кеж Индӧдысь веськыдвылӧ ни шуйгавылӧ. Сэки тэнад ставыс артмас.

Нав Исус 23:6

Лоӧй зумыдӧсь да кутчысьӧй став тшӧктӧмас, мый гижӧма Мӧисейлӧн Индӧд небӧгын, энӧ кежӧй сэтысь веськыдвылӧ ни шуйгавылӧ.

1 Иоан 2:20

А тіянӧс мавтыштӧма Вежаыс, да ті тӧданныд ставсӧ.

1 Иоан 2:27

Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.

Ӧксыяслӧн 1 небӧг 12:23

Ме ог лэдз ачымӧс мыж вӧчны Господьлы паныд – ог дугды кевмысьны тіян вӧсна. Ме веськӧда тіянӧс бур да веськыд туй вылӧ.