Исай 30:18 - Коми Библия 2023

¹⁸ Но Господь виччысьӧ, медым буравны тіян дінӧ, Сійӧ кыпӧдчӧ, медым бурсьӧлӧмтчыны тіян дінӧ. Ӧд Господь – веськыда мыждысь Ен. Шудаӧсь Сы вылӧ лача кутысьяс!

Исай 30:18 Kruisverwysings

Иов 35:14

Тэ шуан, мый тэ Енсӧ он аддзы, но виччысь Сійӧс, ӧд тэнсьыд могтӧ Сійӧ кутас видлавны.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Псалтыр 34:8

Найӧс мед тӧдлытӧг суас бырӧдӧмыс, найӧ мед асьныс шедасны меным пуктӧм налькйӧ, усясны асланыс гуӧ.

Псалтыр 84:12

Збыльыс кыпӧдчӧ мусянь, веськыдлуныс видзӧдӧ енэжсянь.

Псалтыр 99:4

Локтӧй Сылӧн дзиръяяс дорӧ Сійӧс аттьӧалӧмӧн, пырӧй Сылӧн йӧрӧ Сійӧс ошкӧмӧн. Аттьӧалӧй Господьӧс, ошкӧй Сылысь нимсӧ,

Петӧм 34:6

Господь муніс Мӧисей водзті да шуис: «Ме, Господь – мелі да бур сьӧлӧма, дыр терпитысь, буралысь да эскана Ен.

Шусьӧгъяс 16:20

Мӧвпалӧмӧн уджсӧ вӧчысь бурсӧ аддзас, Господь вылӧ лача кутысь – майбыр.

Исай 18:4

Господь меным тадзи висьталіс: Аслам оланінсянь Ме лӧня видзӧда луншӧркадся гож моз, вундан кадӧ шонді пӧжигӧн кыптысь ру моз.

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Исай 2:17

Вылӧ кыпӧдчысьясӧс лоӧ улӧ лэдзӧма, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын,

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Исай 28:17

Веськыда мыждӧмсӧ Ме вӧча мурталан кӧвйӧн, веськыда вӧчӧмсӧ – вескиӧн. Ылӧгыслысь сайӧдчанінсӧ лоӧ бырӧдӧма шерӧн, тіянлысь вевттьӧднытӧ кылӧдас ва.

Исай 33:2

Господьӧй, ло бур сьӧлӧма миян дінӧ! Тэ вылӧ ми лача кутам. Водз асывсянь ло миянлы Дорйысьӧн, сьӧкыд кадӧ ло миянлы Мездысьӧн!

Исай 33:5

Господь медвылын, Сійӧ олӧ выліинын. Сион вылын Сійӧ зумыдмӧдас веськыда мыждӧм да веськыдлун.

Исай 40:31

а Господь вылӧ лача кутысьяс бара на вынсялӧны: кутш моз найӧ шевкнитасны борднаныс, котӧртасны, но оз мудзны, мунасны, но оз жебмыны.

Исай 42:14

– Ме дыр чӧв олі, кутчыси, весиг кыв эг шу, но ӧні понда горзыны кага вайысь ань моз, понда апавны сынӧдсӧ.

Исай 42:16

Ме нуӧда синтӧмъясӧс сійӧ туйӧдыс, кыті найӧ эз на ветлыны, нуӧда найӧс тӧдтӧм туйӧд. Пемыдсӧ на водзвылын Ме вӧча югыдӧн, чукля туйяссӧ – веськыдӧн. Тадзи Ме вӧча налы, ог эновт найӧс.

Исай 48:9

Аслам нимӧй вӧсна Ме ог кисьт Ассьым скӧрлунӧс, Аслам нималӧмӧй вӧсна Ме кута Ачымӧс тэнӧ бырӧдӧмысь.

Исай 5:16

Но Господь Саваоф веськыда мыждӧ, та вӧсна Сійӧс лоӧ ыдждӧдлӧма. Аслас веськыда вӧчӧмнас вежа Ен петкӧдлас Ассьыс вежалунсӧ.

Исай 55:8

– Тіян мӧвпъясныд абу Менам мӧвпъясӧй, тіян туйясныд абу Менам туйясӧй, – висьталӧ Господь.

Исай 57:16

Ме ог кут помтӧг мыждыны, ог кут пыр скӧравны, ӧд тадзи кӧ кута вӧчны, сэки Ме водзын дзикӧдз нюкыртчас мортлӧн лолыс, нюкыртчас Меӧн вӧчӧм ловъя олысь.

Исай 61:8

– Ме, Господь, Ме радейта веськыда мыждӧм, мустӧмта мырддялӧм да лёк вӧчӧм. Ме мынтыся Аслам войтырлы збыльыс серти, Ме кӧртала накӧд бырлытӧм йитӧд.

Исай 64:4

Му пуксьӧмсяньыс на некод эз тӧдлы, эз кывлы пель, эз аддзывлы син, мый Тэ кындзи эм кутшӧмкӧ мӧд ен, коді эськӧ та мында вӧчис сы вылӧ лача кутысьлы.

Исай 8:17

Ме виччыся Господьӧс, кӧть Сійӧ тупкис Ассьыс чужӧмбансӧ Яковлӧн рӧдысь. Господь вылӧ ме лача кута!

Еремей 17:7

Бурсиӧма сійӧ мортсӧ, коді лача кутӧ Господь вылӧ, кодлӧн мыджӧдыс – Господь.

Еремей 42:7

Дас лун мысти Еремейлы вӧлі Господьсянь кыв.

Даниил 12:12

Шуда сійӧ, коді помӧдзыс виччысяс сюрс да куимсё комын вит лунсӧ.

Осий 1:7

А Иуда войтыр дінӧ Ме лоа бур сьӧлӧма. Ме мезда найӧс, ӧд Ме Господь, налӧн Ен. Мезда найӧс, но ог ньӧввуж-шыпурт помысь, ог тыш пыр да ог вӧв-верзьӧма отсӧгӧн».

Осий 2:14

– Ме ышӧда сійӧс Ме бӧрся мунны, нуӧда сійӧс овтӧминӧ, понда сёрнитны сыкӧд меліа.

Осий 5:15

Ме бӧр локта Аслам оланінӧ да кута виччысьны, кытчӧдз найӧ оз гӧгӧрвоны мыжнысӧ да оз пондыны корсьны Менӧ.

Малакий 2:17

Ті дӧзмӧданныд Господьӧс асланыд сёрниӧн и та дырйи юасянныд, мыйӧн пӧ ми Сійӧс дӧзмӧдам. Дӧзмӧданныд сійӧн, мый шуаланныд, лёк вӧчысь пӧ шогмана Господьлы, татшӧм мортыс пӧ муса Сылы. Нӧшта дӧзмӧданныд сійӧн, мый шуаланныд, кӧні пӧ веськыда мыждысь Енмыс.

Лука 15:20

Сійӧ чеччас да мӧдӧдчас батьыс ордӧ. Ылісянь на батьыс аддзас писӧ, да сылӧн сьӧлӧмыс нормас. Сійӧ котӧрӧн уськӧдчас пиыслы паныд, сывйыштас да окалас писӧ.

Лука 2:25

Сэки Ерусалимын вӧлі Симеон нима вежавидзысь морт. Сійӧ оліс веськыда да виччысис Израильӧс мездӧм. Вежа Лов вӧлі сы вылын.

Ап. уджъяс 5:31

Енмыс пуксьӧдіс Сійӧс веськыдладорас, индіс Сійӧс Юралысьӧн да Мездысьӧн, медым Израиль вермис бергӧдчыны мыжъяссьыс да босьтны прӧститӧмсӧ.

Римӧ 5:20

Индӧдсӧ сетӧма, медым петкӧдлыны, кутшӧм уна мыж вӧчӧмыс. Кӧні мыж вӧчӧмыс уна, сэні ёнджыка на петкӧдчӧ буралӧмыс.

Римӧ 9:22

Тадзи Енмыс кӧсйӧ петкӧдлыны Ассьыс скӧрлунсӧ да вынсӧ. Ыджыд терпитӧмыс вӧсна Сійӧ видзӧ на бырӧдны шуӧм ”скӧрлуныслысь дозъяссӧ”,

Ефесӧ 1:6

Сідзкӧ, ошкамӧй Енсӧ дзирдлуна буралӧмсьыс. Тайӧ буралӧмсӧ Сійӧ козьналіс миянлы Аслас муса Пиыс пыр.

Ефесӧ 1:8

Енмыс лышкыда козьналіс миянлы мывкыдлунсӧ да гӧгӧрвоӧмлунсӧ.

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Яков 5:11

Ми лыддям шудаӧн найӧс, кодъяс зумыда сулалісны помӧдз. Ті, дерт, кывлінныд Иовлӧн зумыдлун йылысь да тӧданныд, мый дасьтіс сылы мелі да бур сьӧлӧма Господь.

2 Петыр 3:15

Господьлысь терпитӧмсӧ лыддьӧй аслыныд мездмӧмӧн. Та йылысь гижліс тіянлы Ен вежӧра дона Павел вокным.

2 Петыр 3:9

Кодсюрӧ чайтӧны, мый Господь нюжмасьӧ олӧмӧ пӧртны кӧсйысьӧмсӧ, но Сійӧ оз нюжмась, а терпитӧ миянӧс. Сійӧ оз кӧсйы, мед кодкӧ вошис, но кӧсйӧ, мед быдӧн бергӧдчис мыжъяссьыс.

Ӧксыяслӧн 1 небӧг 2:3

Энӧ ышнясьӧй асланыд сёрниясӧн, тіян вомысь мед оз петны тшап кывъяс. Ӧд Господь эм Ен, Сійӧ ставсӧ тӧдӧ, Сійӧ веситӧ уджъяснымӧс.