Исай 30:1 - Коми Библия 2023

¹ Курыд шог кывзысьтӧмъяслы, – висьталӧ Господь. – Найӧ сёрнитчӧны, но Метӧг, кӧрталӧны йитӧд, но оз Менам кӧсйӧм серти. Тадзи найӧ мыж дінӧ мыж содтӧны.

Исай 30:1 Kruisverwysings

Ӧксыяслӧн 4 небӧг 18:21

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.

Ӧксыяслӧн 4 небӧг 18:24

Тэ он вермы вӧтлыны аслад муысь весиг ӧти веськӧдлысьӧс, менам ыджыдлы медічӧт кесъялысьӧс. Но тэ лача кутан Египет вылӧ, сылӧн тарантасъяс да вӧвъяс вылӧ!

Псалтыр 61:4

Дыр-ӧ ті понданныд дзескӧдны менӧ? Ті ставныд усянныд пӧлыньтчӧм стен моз, нёровтчӧм потшӧс моз.

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Исай 1:5

Гашкӧ, бара нӧйтны тіянӧс, ӧд ті пыр на асныраланныд. Тіян юрныд ставнас доймалӧма, пытшкӧсныд ставнас висьӧ.

Исай 28:15

Ті шуанныд: «Ми кӧрталім йитӧд кулӧмыскӧд, ми сёрнитчим пыдӧстӧминыскӧд. Кор вӧрӧг ыльӧбтас бырӧдны, сійӧ оз суӧд миянӧс, ӧд ылӧгыс лои миянлы сайӧдчанінӧн, пӧръясьӧмыс – вевттьӧдӧн».

Исай 28:20

Ӧд вывті дженьыд вольпасьыд, медым нюжӧдчыны, вывті векньыд шебрасыд, медым гартыштчыны сэтчӧ.

Исай 29:15

Курыд шог налы, кодъяс ассьыныс мӧвпъяссӧ кӧсйӧны пыдӧ дзебны Господьысь. Пемыдас найӧ вӧчӧны ассьыныс уджъяссӧ, шуалӧны: «Коді аддзас миянӧс? Коді тӧдмалас миянӧс?»

Исай 30:9

Ӧд тайӧ войтырыс кывзысьтӧм, найӧ пӧръясьысьяс, оз кӧсйыны кывзыны Господьлысь Индӧдсӧ.

Исай 31:1

Курыд шог налы, кодъяс мунӧны Египетӧ отсӧгла! Найӧ лача кутӧны вӧвъяс вылӧ, тарантасъяслӧн уна лыдыс вылӧ да верзьӧмаяслӧн выныс вылӧ, а Израильлӧн вежа Ен вылӧ оз видзӧдны, Господь дінӧ отсӧгла оз шыасьны.

Исай 32:2

Быдӧн на пиысь лоӧ тӧвнырысь вевттьӧдӧн, бушколысь сайӧдӧн, кос муын ва петанінӧн, пӧжан муын джуджыд керӧслӧн вуджӧрӧн.

Исай 4:5

Сэки Господь ставнас Сион керӧссӧ да сэні гажӧдчыны чукӧртчысьясӧс луннас вевттяс кымӧрӧн, а войнас вевттьӧд пыдди лоӧ тшын да ыпъялысь би. Тадзи ставсӧ лоӧ вевттьӧма дзирдлунӧн.

Исай 5:18

Курыд шог налы, кодъяс ылӧг кӧвъясӧн кыскӧны асланьныс лёксӧ, кыз гезйӧн кыскӧны ас бӧрсяньыс мыжсӧ.

Исай 63:10

Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

Исай 65:2

Быд лун Ме нюжӧдлі киӧс кывзысьтӧм войтыр дінӧ, коді мунӧ шогмытӧм туйӧд, олӧ аслас колӧм-кӧсйӧм серти.

Исай 8:11

Тадзи висьталіс меным Господь, коді Аслас вына киӧн кутіс менӧ да эз лэдз ветлӧдлыны тайӧ войтырыслӧн туйӧд. Сійӧ шуис:

Исай 8:12

– Тайӧ войтырыс мый лыддьӧ гуся сёрнитчӧмӧн, ті тадзи энӧ лыддьӧй. Мыйысь полӧ тайӧ войтырыс, ті энӧ полӧй да энӧ тіралӧй.

Исай 8:19

Тіянлы тшӧктасны шыасьны кулӧмаӧс корысьяс да туналысьяс дінӧ, кодъяс вашкӧдчӧны-шӧпкӧдчӧны. Но оз ӧмӧй ков войтырыслы шыасьны асланыс Ен дінӧ! Кулӧмаяслысь ӧмӧй колӧ юасьны ловъяяс йылысь?

Еремей 17:5

Господь тадзи висьталӧ: – Ёрӧма сійӧ мортсӧ, коді лача кутӧ морт вылӧ, коді мыджсьӧ мувывса олысь вылӧ, кодлӧн сьӧлӧмыс ылыстчӧ Господьысь.

Еремей 2:18

Мый бурыс тэныд сыысь, мый тэ мунан Египетӧ, медым юны Нил юысь васӧ? Мый бурыс тэныд сыысь, мый тэ мунан Ассурӧ, медым юны Ефрат юысь васӧ?

Еремей 37:7

«Господь, Израильлӧн Ен, тадзи висьталӧ: иудаса ӧксылы, коді мӧдӧдіс юавны Менсьым, висьталӧй, мый фараонлӧн тышкайӧзыс, кодъяс вӧлі локтӧны тіянлы отсӧг вылӧ, бӧр бергӧдчасны асланыс муӧ, Египетӧ.

Еремей 4:17

Воӧм нянь видзысьяс моз найӧ кытшалісны Ерусалим кар, ӧд сэні олысьяс кыпӧдчисны Меным паныд, – висьталӧ Господь. –

Еремей 42:19

Иудалӧн коляс войтырыс, кывзӧй! Господь висьталӧ тіянлы: ”Энӧ мунӧй Египетӧ!” Тӧдӧй, талун ме ӧлӧді тіянӧс.

Еремей 5:23

Тайӧ войтырыс асныра, найӧ кыпӧдчисны Меным паныд, бергӧдчисны да мунісны Ме дінысь.

Езекиль 11:2

Господь шуис меным: «Морт пиӧй, тайӧ йӧзыс мӧвпалӧны лёксӧ вӧчны да карса олысьясӧс веськӧдӧны лёкас.

Езекиль 2:3

Сійӧ шуис меным: «Морт пиӧй, Ме мӧдӧда тэнӧ Израиль пиян дінӧ, кывзысьтӧм йӧз дінӧ, кодъяс эновтісны Менӧ. Асланыс батьяс моз найӧ пыр на Меным паныд кыпӧдчӧны.

Езекиль 24:3

Тайӧ асныра войтырыслы висьтав велӧданвисьт. Шу налы, мый Господь Ыджыдыс тадзи висьталӧ: – Босьт пӧрт, кисьт сэтчӧ ва да пукты сійӧс би вылӧ.

Езекиль 29:16

Израиль войтыр лачасӧ оз нин кут Египет вылӧ. Египеткӧд лоӧмторйыс кутас казьтывны израильсаяслы мыжныс йылысь, мый отсӧгсӧ корисны Египетлысь. Сэки найӧ тӧдмаласны, мый Ме – Господь Ыджыдыс».

Езекиль 3:9

Вӧча тэнӧ алмаз кодьӧн, изйысь на чорыдӧн. Эн шӧйӧвош, эн пов наысь, тайӧ асныра войтырсьыс».

Осий 11:6

Шыпурт кутас ӧвтчыны налӧн каръясын, сійӧ жуглас налысь иганъяссӧ, бырӧдас найӧс сыысь, мый найӧ кӧсйисны вӧчны лёксӧ.

Осий 13:2

Водзӧ мыж вӧчӧ Ефрем, сывдӧ аслыс эзысь бӧлбанъясӧс, аслас мывкыд серти вӧчӧ идолъясӧс – ставыс тайӧ дорччысьлӧн удж. Вись вайысьяс йылысь шуалӧны, найӧ пӧ ӧшсӧ окалӧны.

Осий 7:13

Курыд шог Израиль войтырлы, ӧд найӧ ылыстчисны Меысь! Найӧ бырасны, ӧд кыпӧдчисны Меным паныд! Ме кӧсйи мездыны найӧс, но найӧ ылӧгсӧ висьтавлісны Ме йылысь.

Закар 4:6

Андел шуис меным: – Тайӧ Господьлӧн кывйыс Зоровавельлы: он тышкайӧзӧн, он аслад вынӧн тэ вермы, а Менам Лолӧн, – висьталӧ Господь Саваоф. –

Лыд 32:14

И ӧні ті, мыж вӧчысьяслӧн йылӧм, батьясныд моз кыпӧдчинныд паныд, медым Господьлӧн скӧрлуныс ёнджыка на ыпнитіс Израиль вылӧ!

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Индӧд 29:19

Йитӧд йылысь кыв сетӧмсӧ кылӧм бӧрын татшӧм мортыс мӧвпалӧ: ”Менам ставыс лоӧ бур. Ола, кыдзи кӧсъя”. Татшӧм мортыс вӧсна бырӧдӧмыс локтас став войтырыс вылӧ.

Индӧд 9:24

Мыйта тӧда тіянӧс, ті пыр кыпӧдчинныд Господьлы паныд.

Индӧд 9:7

«Энӧ вунӧдӧй, кыдзи овтӧминын ті скӧрмӧдлінныд Господьӧс, ассьыныд Ентӧ. Египет муысь петан лунсянь да татчӧ вотӧдз ті пыр пыксинныд Господьлы.

2 Тимофейлы 3:13

А лёк да пӧръясьысь йӧзлӧн лёк вӧчӧмыс кутас содны. Найӧ унаӧс ылӧдасны, асьныс тшӧтш ылаласны.

Нав Исус 9:14

Господьлысь юасьтӧг израильсаяс видлісны локтысьяслысь няньсӧ.