Исай 3:5 - Коми Библия 2023

⁵ Йӧзыс кутасны дзескӧдны ӧта-мӧднысӧ, быдӧн – ассьыс матыссасӧ. Том зон кутас омӧльтны пӧрысь мортӧс, некытчӧ туйтӧм кутас лёкӧдны пыдди пуктанаӧс.

Исай 3:5 Kruisverwysings

Ӧксыяслӧн 4 небӧг 2:23

Ериконсянь Елисей муніс Вефильӧ. Туй кузя мунігас карсьыс петісны зонпосни да пондісны серавны сы вылын: «Куш юра, мун татысь! Куш юра, мун татысь!»

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Исай 11:13

Ефремлӧн вежалӧмыс кусас, Иудаӧс мустӧмтысьясӧс лоӧ бырӧдӧма. Ефрем оз кут вежавны Иудалы, Иуда оз кут мустӧмтны Ефремӧс.

Исай 19:2

Ме кыпӧда египетсаясӧс ӧта-мӧдныслы паныд: вокыс уськӧдчас вокыс вылӧ, орччӧн олысьыс – орччаыс вылӧ, ӧти карын олысьяс – мӧд карын олысьяс вылӧ, тайӧ муас олысьяс – мӧд муын олысьяс вылӧ.

Исай 9:18

Налӧн лёк вӧчӧмыс ыпъялӧ би моз, ньылалӧ йӧн да ёг турун, сотӧ ставнас вӧрсӧ, и сэтысь сюръя моз кыптӧ сьӧд тшын.

Еремей 22:17

Но тэнад синмыд да сьӧлӧмыд видзӧдӧны горшасьны, кӧсйӧны мыжтӧм мортлысь вир кисьтны, дзескӧдны да нартитны.

Езекиль 22:12

Босьтӧны козинъяс, медым вир кисьтны. Сетӧны уджйӧзӧн, медым бӧрсӧ содтӧдӧн босьтны. Матыссаӧс дзескӧдӧмӧн озырмӧдчӧны. Ерусалим, тэ вунӧдін Менӧ, – висьталӧ Господь Ыджыдыс. –

Левит 19:32

Пыдди пукты пӧрысь мортӧс, чеччы сы водзын. Пов аслад [Господь] Енмысь. Ме – Господь [тіян Енныд].

Амос 4:1

Кывзӧй, ті, васанса мӧсъяс, Самария керӧс вылын олысь аньяс! Ті дзескӧданныд гӧльясӧс, топӧданныд коньӧръясӧс, верӧсныдлы тшӧктанныд: «Вай юны!»

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Микей 7:2

Му вылын бур сьӧлӧмаыс абу, абу веськыда олысьыс. Ставныс кыйӧдчӧны ӧта-мӧдныслысь вир кисьтны, быдӧн кӧсйӧ тывйыштны ассьыс воксӧ.

Закар 11:6

И Ме ог нин бурсьӧлӧмтчы тайӧ муас олысьяс дінӧ, – висьталӧ Господь. – Ме сета найӧс ӧта-мӧдныслӧн киӧ да ӧксыныслӧн кабыр улӧ. Найӧ пасьясны-куштасны ассьыныс мусӧ, и Ме некодӧс ог мезды налӧн киысь».

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Матвей 26:67

Сэсся сьӧлалісны Исуслы чужӧмас, нӧйтісны Сійӧс да чужӧмас кучкалӧмӧн

Марк 14:65

Кодсюрӧ пондісны сьӧлавны Исуслы. Сылысь чужӧмсӧ вевттьӧмӧн найӧ нӧйтісны Сійӧс да шуалісны: «Висьтав, Пророк, коді кучкис?» Видзысьяс тшӧтш кучкалісны Сылы чужӧмас.

Лука 22:64

Сылысь чужӧмсӧ вевттьӧмӧн найӧ кучкалісны Сылы чужӧмас да шуалісны: «Висьтав, Пророк, коді кучкис Тэнӧ?»

Яков 2:6

Но ті увтыртанныд гӧльясӧс. Оз ӧмӧй озыръяс дзескӧдны тіянӧс да кыскыны тіянӧс ёрдӧ?

Яков 5:4

Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.