Исай 3:11 - Коми Библия 2023

¹¹ Но курыд шог лёк вӧчысьлы! Сылы лоӧ мынтысьӧма уджъясыс серти.

Исай 3:11 Kruisverwysings

Олӧм 18:25

Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»

Ӧксыяслӧн 2 небӧг 3:39

Менӧ мавтыштӧмӧн пуктӧма ӧксыӧ, но ӧні ме абу на сэтшӧм вына. А тайӧ йӧзыс, Саруялӧн пияныс, меысь ёна вынаджыкӧсь. Сідзкӧ, Господь мед Ачыс мынтысяс лёк вӧчысьлы сылӧн лёк вӧчӧмысь!»

Ӧксыяслӧн 3 небӧг 21:21

Господь тадзи висьталӧ: ”Ме ыста тэ вылӧ ыджыд шог. Ме вужнас нетшышта тэнӧ да бырӧда Израильысь тэсянь чужысь став айуловсӧ ичӧтсянь ыджыдӧдз.

2 Каднебӧг 6:23

сэки Тэ кыв енэжсяньыд да веськыда мыжды Ассьыд кесйӧгъястӧ: мыжаӧс мыжды, мед сылы юр вылас усьӧ аслас мыжыс, а мыжтӧмӧс дорйы да мынтысь сылы веськыдлуныс серти.

Иов 10:15

Ме кӧ мыжа – курыд шог меным! А мыжтӧм кӧ, весиг сэки ог лысьт юрӧс лэптыны, ме пӧтӧма яналӧмнас, кок йылысь усьмӧн менӧ юкталӧма шогнас.

Псалтыр 28:4

Господьлӧн гӧлӧс шыыс вына, Господьлӧн гӧлӧс шыыс ён.

Псалтыр 62:12

Но ӧксы кутас нимкодясьны Енмӧн. Ен водзын кыв сетысь кутас ошкыны Енмӧс, а пӧръясьысьяслысь вомсӧ лоӧ тупкӧма.

Шусьӧгъяс 1:31

Та вӧсна понданныд сёйны, мый быдтінныд, кутанныд пӧткӧдчыны асланыд лёк мӧвпъясӧн.

Шусьӧгъяс 11:31

Веськыда олысьлы кӧ му вылас олігӧн на мынтысьӧны, дерт нин, лёк вӧчысьлы да мыжа мортлы мынтысясны.

Шусьӧгъяс 12:14

Аслас бур кывъясысь мортыд бурнас пӧтӧ, мортыдлы тырдоныс уджъясыс серти вичмӧ.

Шусьӧгъяс 26:27

Коді гу кодйӧ мӧдлы, ачыс сэтчӧ усьӧ, коді из быгыльтӧ, ачыс из улас веськалӧ.

Еклесиаст 8:13

А лёк вӧчысьлы бурыс оз ло, ӧд сійӧ оз пов Енсьыс. Сылӧн олан лунъясыс мыччысьлӧм вуджӧр кодьӧсь.

Исай 13:11

Ме, Господь, мыжда муюгыдсӧ лёк вӧчӧмсьыс, мыжаясӧс – налӧн мыжсьыныс. Вылӧ кыпӧдчысьяслӧн вывтіасьӧмлы Ме пукта пом, дзескӧдысьяслысь ышнясьӧмсӧ Ме путкыльта.

Исай 48:22

Ентӧг олысьяслӧн лӧньлуныс абу, – висьталӧ Господь.

Исай 65:20

Сэні оз кув пузчужӧм кага, пӧрысь морт кутас тырвыйӧ овны ассьыс олан лунъяссӧ. Коді кулас сё арӧсаӧн, сійӧс лыддясны том кулысьӧн, а коді оз ов сё арӧсӧдз, сійӧс шуасны ёрӧмаӧн.

Исай 65:6

Ме тӧда налысь уджъяссӧ, та йылысь гижӧма: Ме ог кут чӧв овны, Ме мынтыся тіянлы, мынтыся тіянлы тырвыйӧ

Исай 65:7

тіян мыжъясысь да батьясныдлӧн мыжъясысь, – висьталӧ Господь. – Керӧсъяс вылын найӧ сотісны висьяс, мылькъяс вылын омӧльтісны Менӧ. Ме мурталӧмӧн мынтыся налы важ уджъяссьыныс.

Еремей 21:14

Ме мыжда тіянӧс уджъясныдлӧн вотӧсыс серти, – висьталӧ Господь. – Тіян вӧрын Ме песта би, и сійӧ ставсӧ гӧгӧр ньылыштас.

Еремей 31:30

Быдӧн кулас аслас мыж вӧсна. Коді сёяс кисьмытӧм виноград, сылӧн и пиньясыс кутасны ёнтыны.

Езекиль 16:59

Господь Ыджыдыс тадзи висьталӧ: Ме мынтыся тэныд уджъясыд серти. Тэ нинӧмӧ пуктін кыв сетӧмтӧ да торкин йитӧдӧс, мый Ме кӧрталі тэкӧд.

Езекиль 18:20

Кулас сӧмын мыж вӧчысьыс. Пиыс оз кывкут батьыслӧн мыж вӧсна, и батьыс пиыслӧн мыж вӧсна оз кывкут. Енмыс мынтысяс веськыда олысьлы сылӧн веськыдлуныс серти, а лёк вӧчысьлы – сылӧн лёклуныс серти.

Езекиль 2:10

Ме водзын Сійӧ разис гижӧдсӧ, кӧні кыкнанладорас вӧлі гижӧма горзӧмъяс да шогсьӧм-бӧрдӧмъяс.

Езекиль 24:14

Тайӧс висьтала Ме, Господь. Мый шуи, вӧча, ог веж Ассьым шуӧмӧс, ог жалит, ог бурсьӧлӧмтчы. Тэнӧ лоӧ мыждӧма лёк оласногыд да уджъясыд серти, – висьталӧ Господь Ыджыдыс».

Езекиль 33:8

Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Микей 3:4

Сэсся ті шыасянныд Господь дінӧ, но Сійӧ оз кыв тіянӧс, Сійӧ тупкас чужӧмсӧ тіян лёк вӧчӧмныд понда.

Микей 7:13

А сэтчӧс муыс лоӧ овтӧминӧн сэні олысьяслӧн лёк уджъясныс вӧсна.

Лыд 32:23

Но онӧ кӧ тадзи вӧчӧй, Господьлы паныд мыж вӧчанныд и мыж вӧснаныд асьныд кывкутанныд.

2 Коринфӧ 5:10

Миянлы ӧд быдӧнлы ковмас сувтны Кристослӧн ёрд водзӧ. Сэки быдӧнӧс лоӧ мыждӧма уджъясыс серти: бурсӧ али лёксӧ мортыс вӧчис вир-яйын олігас.

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.

Ёрдысьяс 9:57

Енмыс водзӧс перйис тшӧтш Сикем карса олысьяслысь став налӧн лёк вӧчӧмысь. Найӧс суис Ероваал Иотам пилӧн ёрӧмыс.