Исай 3:1 - Коми Библия 2023

¹ Со, Ыджыдыс, Господь Саваоф мырддяс Ерусалимлысь да Иудалысь ставсӧ, мый вылӧ найӧ лача кутӧны: став чукӧртӧм няньсӧ да заптӧм васӧ,

Исай 3:1 Kruisverwysings

Ӧксыяслӧн 4 небӧг 25:3

Нёльӧд тӧлысьлӧн ӧкмысӧд лунӧ, кор карас войтырыс ёна тшыгъяліс, и налы нинӧм вӧлі сёйнысӧ,

Псалтыр 105:16

Асланыс чомъясын найӧ пондісны вежавны Мӧисейлы да Ааронлы, Господьлӧн вежа мортлы.

Исай 1:24

Вӧрӧгъясӧс Ме верма, паныд сувтысьяслысь Ме водзӧс перъя, – висьталӧ Ыджыдыс, Господь Саваоф, Израильлӧн вына Ен.

Исай 2:22

Дугдӧй лача кутны морт вылӧ, кодлӧн олӧмыс лолыштӧм кодь. Мый вермас вӧчны сійӧ?

Исай 3:16

Господь шуис: сионса нывъяс тшапӧсь, ветлӧдлӧны юрнысӧ чатӧртӧмӧн, ыштӧдӧны видзӧдласнаныс, восьлалӧны дзирнясьӧмӧн, зёльгӧны кокнысӧ мичмӧдан чепъясӧн.

Исай 36:12

Но сійӧ вочавидзис: «Менам ыджыдӧй ӧмӧй мӧдӧдіс менӧ висьтавны тайӧ кывъяссӧ сӧмын тэныд да тэнад ӧксыыдлы? Эз! Менӧ мӧдӧдӧма висьтавны тшӧтш карса стен вылын пукалысь йӧзлы, кодъяс регыд тіян моз пондасны сёйны ассьыныс сітсӧ да юны ассьыныс кудзсӧ».

Исай 5:13

Та вӧсна менсьым войтырӧс тӧдлытӧг нуӧдасны пленӧ. Налӧн нималана йӧзыс кутасны тшыгъявны, озыръяс нюкыртчасны горш косьмӧмнысла.

Исай 51:22

Тэнад Ыджыдыд, Господь Енмыд, коді дорйӧ Ассьыс войтырсӧ, тадзи висьталӧ: – Со, Ме босьта тэнад киысь чашасӧ, Ассьым скӧрлуна дозйӧс. Сэтысь юӧмысь тэ довъялін, но водзӧ сэтысь он нин кут юны.

Исай 9:20

Найӧ куралӧны веськыдвылысь, но кольӧны тшыгйӧн, сёйӧны шуйгавылысь, но оз пӧтны. Быдӧн йирӧ ассьыс матыссасӧ:

Еремей 37:21

Седекей ӧксылӧн тшӧктӧм серти Еремейӧс йӧртісны ӧксы керка видзысьяслӧн йӧрӧ. Нянь пӧжалысьяслӧн улич вылысь ӧтчыдысь луннас вайлісны сылы ӧти кӧрыш нянь, кытчӧдз карас эз помась няньыс. Тадзи Еремей колис ӧксы керка видзысьяслӧн йӧрӧ.

Еремей 38:9

«Ӧксыӧй-ыджыдӧй, тайӧ йӧзыс лёктор вӧчисны Еремей пророклы, шыбитісны сійӧс юкмӧсӧ. Сійӧ кулас сэні тшыгйысла, ӧд карас няньыс абу нин».

Еремей 52:3

Иуда муын да Ерусалим карын олысьяс вылӧ Господьлӧн скӧрлуныс вӧлі сэтшӧм ыджыд, мый вӧтліс найӧс Аслас чужӧмбан водзысь. Седекей кыпӧдчис вавилонса ӧксылы паныд.

Еремей 52:6

Нёльӧд тӧлысьлӧн ӧкмысӧд лунӧ, кор карас войтырыс ёна тшыгъяліс, и налы нинӧм вӧлі сёйнысӧ,

Бӧрданкыв 5:4

Асланым юан ваысь ми мынтысям эзысьӧн, песнымӧс судзӧдам сьӧм вылӧ.

Езекиль 14:13

«Морт пиӧй, кутшӧмкӧ муын олысьяс кӧ Меным паныд мыж вӧчасны да эновтасны Менӧ, сэки Ме на вылӧ киӧс лэпта. Ме мырддя налысь няньсӧ, мӧдӧда налы тшыгъялӧм, бырӧда сэтысь став йӧзсӧ да ыж-мӧссӧ.

Левит 26:26

Ме мырддя тіянлысь няньнытӧ. Ӧти пач дорын дас ань кутасны пӧжасьны, няньсӧ веситӧмӧн кутасны юклыны. Ті кутанныд сёйны, но онӧ пӧтӧй.

Амос 4:6

– Таысь Ме мынтыси тіянлы, и сиктсаяслӧн эз вӧв нянь, карсаяслӧн пиньныс нянь курччалӧмысь шойччис. Но ті энӧ бергӧдчӧй Ме дінӧ, – висьталӧ Господь. –

Микей 4:9

Мыйла тэ ӧні гораа горзан? Тэнад ӧмӧй абу ӧксыыд? Воштін ӧмӧй ассьыд туйдӧдысьтӧ? Кага чужтысьӧс моз тэнӧ топӧдӧ дойыд.