Исай 27:13 - Коми Библия 2023

¹³ Сійӧ лунӧ ыджыд буксан букӧстас, сэки бӧр локтасны Ассур муӧ вошлӧмаяс да Египет муӧ вӧтлӧмаяс. Ерусалимын, вежа керӧс вылын, найӧ ставныс копыртчасны Господь водзӧ.

Исай 27:13 Kruisverwysings

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

1 Каднебӧг 15:24

Овед-Эдом да Ехий тшӧтш видзисны кудсӧ. Шеваний, Иосафат, Нафанаил, Амасай, Закар, Бенай да Элизер попъяс ворсісны трубаӧн Енлӧн куд водзын.

Псалтыр 47:5

Ӧксыяс чукӧртчисны, медым сувтны Сионлы паныд.

Псалтыр 81:3

Дорйӧй гӧльясӧс да батьтӧм-мамтӧмъясӧс, веськыда мыждӧй увтыртӧмаясӧс да коньӧръясӧс.

Псалтыр 89:15

Гажӧд миянӧс сійӧ лунъясыс пыдди, кор Тэ дойдалін миянӧс, сійӧ воясыс пыдди, кор ми нуим сьӧкыдсӧ.

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Исай 11:12

Сійӧ лэптас дӧрапас войтыръяслы, чукӧртас нёльнан му пельӧссьыс Израильысь вӧтлӧмаясӧс, Иудаысь разалӧм войтырӧс.

Исай 11:16

Сэні лоӧ Ассурысь петан паськыд туй Господьлӧн коляс войтырлы, кыдзи вӧлі Израиль войтырлы Египетысь петігӧн.

Исай 18:3

Ті, муюгыдын олысьяс, ті, му вылас олысьяс, ставныд видзӧдӧй, кор керӧсъяс вылӧ кыптас дӧрапас, сюся кывзӧй, кор кылас буксанлӧн гора шыыс.

Исай 19:21

Господь восьтас Асьсӧ египетсалы. Сійӧ лунӧ найӧ тӧдмаласны Господьӧс, ваясны Сылы начкан висьяс да нянь висьяс и вӧчасны, мый кыв сетӧмӧн кӧсйысясны Сылы.

Исай 19:22

Господь дойдас Египетӧс. Сійӧ дойдас и бурдӧдас найӧс. Кор найӧ шыасясны Господь дінӧ, Сійӧ кылас налысь кевмӧмсӧ да бурдӧдас найӧс.

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Исай 2:2

Тадзи лоӧ бӧръя кадӧ: сійӧ керӧсыс, кӧні сулалӧ Господьлӧн крамыс, лоӧ став керӧссьыс на джуджыдджык, став мыльксьыс на вылынджык. Сэтчӧ дугдывтӧг кутасны локны войтыръяс.

Исай 2:3

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Исай 25:6

Тайӧ керӧс вылас Господь Саваоф дасьтас став войтыръяслы пызан, кӧні лоӧ чӧскыд сёян да медбур вина, пӧтӧса яя вӧлӧга да чӧскыд вина.

Исай 43:6

Войвывлы Ме тшӧкта: «Сет найӧс!» Лунвывлы Ме шуа: «Эн кут найӧс!» Ылі муясысь вайӧдӧй Менсьым пиянӧс, му помысь – Менсьым нывъясӧс,

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Исай 56:8

На кындзи, кодъясӧс чукӧртӧма нин татчӧ, Ме нӧшта на чукӧрта мукӧдӧс, – висьталӧ Господь Ыджыдыс, разалӧм Израиль войтырӧс чукӧртысь.

Исай 66:18

Ӧд Ме тӧда налысь уджъяссӧ, тӧда налысь мӧвпъяссӧ. Ме локта да чукӧрта войтыръясӧс да быд кыла йӧзӧс. Найӧ локтасны да аддзасны Менсьым дзирдлунӧс.

Исай 66:23

Сэки быд выль тӧлысь чужигӧн, быд шойччан лунӧ, став йӧзыс локтасны юрбитны Меным, – висьталӧ Господь. –

Еремей 31:6

Воас лун, кор Ефрем керӧсвыв муын кар видзысьяс горӧдасны: ”Чеччӧй, каямӧй Сион керӧс вылӧ Господь Енным дінӧ!”

Еремей 43:7

Войтырыс эз кывзы Господьӧс, а мӧдӧдчис Египетӧ да локтіс Тафнис карӧ.

Еремей 44:28

Сӧмын этшаӧн пышъясны шыпуртысь да бергӧдчасны Египетысь Иуда муӧ. Сэки Египетӧ овмӧдчӧм Иуда войтырлӧн колясыс тӧдмалас, кодлӧн кывйыс инӧ: Менам али налӧн.

Езекиль 20:34

Ме петкӧда тіянӧс йӧз муысь, чукӧрта мукӧд войтыръяс пӧвстысь, кытчӧ тіянӧс вӧлі разӧдӧма. Вӧча тайӧс скӧрлунӧн, Ассьым вына киӧс да ён сойӧс лэптӧмӧн.

Езекиль 20:41

Чӧскыд ӧвтанторйӧс моз Ме сибӧда тіянӧс, кор чукӧрта тіянӧс мукӧд войтыръяс пӧвстысь, вайӧда сійӧ муяссьыс, кытчӧ тіянӧс вӧлі разӧдӧма. Ме петкӧдла тіян пыр Ассьым вежалунӧс мукӧд войтыръяслӧн син водзаныс.

Езекиль 39:25

Та вӧсна Господь Ыджыдыс тадзи висьталӧ: ӧні Ме бӧр вайӧда пленысь Яковлысь рӧдсӧ, бурсьӧлӧмтча став Израиль войтыр дінӧ. Ме вежӧгтысь Ен, Ассьым вежа нимӧс дорйысь.

Даниил 11:45

Сійӧ сувтӧдас ассьыс дӧрачомъяссӧ саридз да мича вежа керӧс костӧ. Но сылы воас пом, и некод сылы оз отсав.

Осий 11:11

повзьӧдӧм лэбачьяс моз найӧ жбыркнитасны Египетысь, гулюяс моз – Ассур муысь. Ме овмӧда найӧс асланыс керкаясӧ, – висьталӧ Господь.

Осий 8:13

Сійӧ висьяс вайӧ, сэсся яйсӧ сёйӧ, но Господьлы тайӧ висьясыс абу шогманаӧсь. Господь казьтыштас Ефремлысь лёк вӧчӧмсӧ да мыждас сійӧс мыжъяссьыс, сэки сылы бӧр ковмас мунны Египетӧ.

Осий 9:3

Водзӧ тэ он понды овны Господьлӧн муын – Ефремлы бӧр ковмас мунны Египетӧ, Ассурын сійӧ пондас сёйны пеж сёян.

Левит 25:9

сизимӧд тӧлысьлӧн дасӧд лунӧ – Мыж вештан лунӧ – буксӧй буксанӧн став му пасьтала.

Микей 7:14

Аслад бедьнад видз Ассьыд войтыртӧ, Ассьыд ыжъястӧ, кодъяс ас кежысь олӧны Кармил вӧрын. Лэдз налы важ мозыс йирсьыны Васан ыб вылын да Галаад муын.

Закар 14:16

Ерусалим вылӧ уськӧдчӧм войтыръясысь ловйӧн кольӧмаяс быд во кутасны волыны Ерусалимӧ, медым юрбитны Ӧксылы, Господь Саваофлы, да пасйыны Чом вӧчан лунъяс.

Закар 8:7

Господь Саваоф тадзи висьталӧ: Ме мезда Ассьым войтырӧс, вайӧда найӧс асыввыв да рытыввыв муясысь,

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Матвей 24:31

Кор кылас трубалӧн гора шыыс, Сійӧ мӧдӧдас анделъяссӧ нёльнан му вежтасас, медым чукӧртны Ассьыс бӧрйӧмаяссӧ став му пельӧссьыс.

Лука 4:18

– Господьлӧн Лолыс Ме вылын, ӧд Сійӧ мавтыштіс Менӧ висьтавны Бур Юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, восьтны синтӧмъяслысь синсӧ, мездыны нартитӧмаясӧс,

Римӧ 10:18

Юала: «Найӧ ӧмӧй эз кывлыны?» Кывлісны, дерт. – Став му пасьталаыс юргӧ налӧн гӧлӧс шыныс, муюгыдыслӧн медылі пельӧсӧдз воӧны налӧн кывъясыс.

1 Фессалоникаӧ 4:16

Кор кылас чукӧстӧм шы, кор шыасяс архангел да кылас Енлӧн труба шыыс, Ачыс Господь лэччас енэжсяньыс. Сэки медводз ловзясны кулӧмаяс, кодъяс эскисны Кристослы.

Еврейяслы 12:22

Мӧдарӧ, ті матыстчинныд Сион керӧс дінӧ да ловъя Енлӧн кар дінӧ, енэжвыв Ерусалим дінӧ. Ті локтінныд лыдтӧм-тшӧттӧм анделъяс дінӧ

Восьтӧм 10:7

Но сійӧ лунӧ, кор кылас сизимӧд анделлӧн трубаӧ тутсӧмыс, збыльмас Енлӧн гуся мӧвпыштӧмыс, мый йылысь Енмыс водзвыв висьтавліс пророкъяслы – Аслас кесйӧгъяслы».

Восьтӧм 8:2

Ме аддзи Ен водзын сулалысь сизим анделӧс, налы вӧлі сетӧма сизим труба.

Восьтӧм 8:6

Сэки сизимнан анделыс, кодъяслӧн вӧлі сизим труба, дасьтысисны тутсыны.

Восьтӧм 9:14

Гӧлӧс шыыс шуис квайтӧд анделлы, кодлӧн вӧлі трубаыс: «Мезды нёльнан анделсӧ, кодъясӧс кӧрталӧма ыджыд Ефрат ю дорӧ».