Исай 27:12 - Коми Библия 2023

¹² Но сійӧ лунӧ ыджыд юсянь Египет мудорса шорӧдз Господь пыркӧдас шепъяссӧ. Сэки тіянӧс, Израиль войтырӧс, лоӧ чукӧртӧма.

Исай 27:12 Kruisverwysings

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Ӧксыяслӧн 3 небӧг 8:65

Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]

Неемий 1:9

Но ті кӧ бӧр бергӧдчанныд Ме дінӧ, видзанныд кӧ Менсьым тшӧктӧмъясӧс да оланныд на серти, Ме чукӧрта тіянӧс, весиг вӧтлӧма кӧ лоӧ тіянӧс му помӧдзыс. Ме бӧр вайӧда тіянӧс Аслам нимӧйлы бӧрйӧм оланінӧ”.

Псалтыр 68:22

Сёян пыдди меным сетісны курыд сӧп, горш косьмигӧн менӧ юктӧдісны уксусӧн.

Псалтыр 72:8

Найӧ сералӧны да лёкӧдӧны, суклясьӧны да ышнясьӧмӧн сёрнитӧны.

Исай 17:6

и шептыс этша кольӧ. Израилькӧд лоӧ сійӧ жӧ, – висьталӧ Господь, Израильлӧн Ен, – кыдзи овлӧ олив чукӧртӧм бӧрын: пу йылас кольӧ сӧмын кык-куим, вож вылас – нёль-ӧ-вит олив.

Исай 49:5

Господь вӧчис менӧ Аслас кесъялысьӧн мам кынӧмын на, медым ме Сылань бергӧді Яковӧс, медым Израиль чукӧртчис Сы дінӧ. Господь нимӧдӧ менӧ Аслас син водзын, менам Енмӧй – менам выныс. Ӧні Господь тадзи висьталӧ:

Исай 56:8

На кындзи, кодъясӧс чукӧртӧма нин татчӧ, Ме нӧшта на чукӧрта мукӧдӧс, – висьталӧ Господь Ыджыдыс, разалӧм Израиль войтырӧс чукӧртысь.

Еремей 3:14

«Бергӧдчӧй Ме дінӧ, кывзысьтӧм войтырӧй, – висьталӧ Господь, – ӧд Ме – тіян Верӧсныд. Весиг кӧ карын коляс ӧти морт, чужанкотырын – кык морт, Ме босьта найӧс да вайӧда Сионӧ.

Еремей 44:28

Сӧмын этшаӧн пышъясны шыпуртысь да бергӧдчасны Египетысь Иуда муӧ. Сэки Египетӧ овмӧдчӧм Иуда войтырлӧн колясыс тӧдмалас, кодлӧн кывйыс инӧ: Менам али налӧн.

Езекиль 20:34

Ме петкӧда тіянӧс йӧз муысь, чукӧрта мукӧд войтыръяс пӧвстысь, кытчӧ тіянӧс вӧлі разӧдӧма. Вӧча тайӧс скӧрлунӧн, Ассьым вына киӧс да ён сойӧс лэптӧмӧн.

Езекиль 20:41

Чӧскыд ӧвтанторйӧс моз Ме сибӧда тіянӧс, кор чукӧрта тіянӧс мукӧд войтыръяс пӧвстысь, вайӧда сійӧ муяссьыс, кытчӧ тіянӧс вӧлі разӧдӧма. Ме петкӧдла тіян пыр Ассьым вежалунӧс мукӧд войтыръяслӧн син водзаныс.

Езекиль 39:25

Та вӧсна Господь Ыджыдыс тадзи висьталӧ: ӧні Ме бӧр вайӧда пленысь Яковлысь рӧдсӧ, бурсьӧлӧмтча став Израиль войтыр дінӧ. Ме вежӧгтысь Ен, Ассьым вежа нимӧс дорйысь.

Езекиль 47:19

Лунвылын мудорыс мунас Тамар карсянь Мериват-Кадеш ваяс дорӧдз, сэтысянь шорті Ыджыд саридз дорӧдз. Тайӧ лунвыв мудор.

Амос 9:9

Ме тшӧкта мукӧд войтыръяслы шердйыны Израиль войтырӧс, пызьӧс моз Ме пожнала найӧс сэтшӧм пож пыр, мый весиг ӧти лыа чир оз усь.

Закар 8:7

Господь Саваоф тадзи висьталӧ: Ме мезда Ассьым войтырӧс, вайӧда найӧс асыввыв да рытыввыв муясысь,

Лука 15:4

«Мый вӧчас морт, вошас кӧ сылӧн сё ыжсьыс ӧти? Оз-ӧ сійӧ коль ӧкмысдас ӧкмыссӧ овтӧминӧ да мун корсьны вошӧмасӧ?

Иоан 10:16

Тайӧ йӧрас кындзи Менам эмӧсь мукӧд ыжъяс, найӧс Меным тшӧтш колӧ вайӧдны. Найӧ кыласны Менсьым гӧлӧс шыӧс, сэки лоас ӧти чукӧр да ӧти видзысь.

Иоан 6:37

Быдӧн, кодӧс сетӧ Меным Бать, локтас Ме дінӧ. Ме дінӧ локтысьӧс ог вӧтлы.

Нав Исус 15:4

Сэсся мудорныс мунӧ Ацмонӧ, сэсянь Египет мудорса шорӧдз и помасьӧ Ыджыд саридз дорын. Тайӧ налӧн лунвыв мудорныс.