Исай 26:11 - Коми Библия 2023

¹¹ Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Исай 26:11 Kruisverwysings

Иов 34:27

мыждӧ сыысь, мый найӧ кежисны Енсьыс, эз кӧсйыны тӧдны Сылысь туйяссӧ.

Псалтыр 21:8

Мекӧд аддзысигӧн ставныс лёкӧдӧны менӧ, юрнас довкйӧдлӧмӧн шуалӧны:

Псалтыр 28:5

Господьлӧн гӧлӧс шыысь пӧрӧны сус пуяс, Господь чегъялӧ ливанса сус пуяс.

Петӧм 9:14

Ӧні Ме мӧдӧда став бырӧданторсӧ тэ вылӧ, тэныд кесъялысь йӧз да став войтырыд вылӧ, медым тэ гӧгӧрвоин, мый став му пасьтала Ме кодь мӧдыс абу.

Исай 1:31

Вына морт лоӧ идзас кодь, сылӧн уджъясыс – бикинь кодь. Найӧ ӧтвылысь ыпнитасны, и некод оз вермы кусӧдны.

Исай 10:16

Та вӧсна Ыджыдыс, Господь Саваоф, жебмӧдас ӧксылысь вынйӧра йӧзсӧ да бипурын моз сотас сылысь нималӧмсӧ.

Исай 10:17

Сійӧ Ачыс, Израильлӧн Югыдыс, лоӧ биӧн, Израильлӧн вежа Енмыс лоӧ ыпъялысь биӧн, Сійӧ сотас йӧнсӧ да ёг турунсӧ, ӧти лунӧн бырӧдас Ассурӧс.

Исай 11:13

Ефремлӧн вежалӧмыс кусас, Иудаӧс мустӧмтысьясӧс лоӧ бырӧдӧма. Ефрем оз кут вежавны Иудалы, Иуда оз кут мустӧмтны Ефремӧс.

Исай 18:3

Ті, муюгыдын олысьяс, ті, му вылас олысьяс, ставныд видзӧдӧй, кор керӧсъяс вылӧ кыптас дӧрапас, сюся кывзӧй, кор кылас буксанлӧн гора шыыс.

Исай 37:32

Ерусалим карын ловйӧн кольӧмаяс паськӧдчасны кар гӧгӧрыс, мездмӧмаяс паськӧдчасны Сион керӧс гӧгӧр. Тадзи вӧчас Господь Саваоф, ӧд Сійӧ – вежӧгтысь Ен.

Исай 42:13

Господь петас тышкаморт моз, шыпурта моз Сійӧ тырас скӧрлунӧн, Сійӧ гораа горӧдас, чукӧстас тыш вылӧ, Сійӧ петкӧдлас Ассьыс вынсӧ паныд сувтысьяслы.

Исай 44:18

Идолъясӧс вӧчысьяс нинӧм оз тӧдны да оз гӧгӧрвоны, налысь синнысӧ да вежӧрнысӧ тупкӧма, найӧ оз аддзыны да оз гӧгӧрвоны.

Исай 44:9

Идолъясӧс вӧчысьяс – нинӧм кодьӧсь, налӧн муса бӧлбанъясыс нинӧм вылӧ оз шогмыны. Налы юрбитысьяс оз аддзыны и оз гӧгӧрвоны, та вӧсна найӧс лоӧ янӧдӧма.

Исай 5:24

Но кыдзи би сотӧ идзас да ыпъялӧмӧн сотчӧ турун, тадзи налӧн вужйыс сісьмас, налӧн дзоридзыс бус моз разалас, ӧд найӧ ӧтдортісны Господь Саваофлысь Индӧдсӧ, нинӧмӧ пуктісны Израильлӧн вежа Енлысь кывъяссӧ.

Исай 59:17

Кӧрт кышӧдӧн моз Сійӧ вевттьысис веськыдлуннас, пуктіс юр вылас мездмӧмыслысь юртупкӧдсӧ, пасьталіс Ас вылас водзӧс перъян паськӧмсӧ, вевттьысис скӧрлуннас кышанӧн моз.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

Исай 63:15

Видзӧдлы енэжсяньыс, видзӧдлы Аслад вежа да дзирдлуна оланінсянь! Кӧні Тэнад вежӧгтӧмыд да вынйӧрыд? Тэнад сьӧлӧмыд тупкыса меным, Тэ он бурав ме дінӧ.

Исай 66:15

Со, Господь локтӧ би моз, Сылӧн тарантасъясыс ыджыд тӧвныр кодьӧсь. Сійӧ кисьтас Ассьыс скӧрлунсӧ ыджыд ярлунӧн, петкӧдлас Ассьыс мыждӧмсӧ ыпъялысь биӧн.

Исай 66:24

Найӧ петасны да аддзасны шойяссӧ налысь, кодъяс кыпӧдчисны Меным паныд. Найӧс сёйысь номырыс оз кувлы, найӧс сотысь биыс оз куслы. Найӧ лоӧны зывӧкторйӧн став йӧзыслы.

Исай 66:5

Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Исай 9:18

Налӧн лёк вӧчӧмыс ыпъялӧ би моз, ньылалӧ йӧн да ёг турун, сотӧ ставнас вӧрсӧ, и сэтысь сюръя моз кыптӧ сьӧд тшын.

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Еремей 44:28

Сӧмын этшаӧн пышъясны шыпуртысь да бергӧдчасны Египетысь Иуда муӧ. Сэки Египетӧ овмӧдчӧм Иуда войтырлӧн колясыс тӧдмалас, кодлӧн кывйыс инӧ: Менам али налӧн.

Еремей 5:3

Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.

Микей 5:9

Дзескӧдысьлы паныд сувтӧй, и вӧрӧгнытӧ лоӧ бырӧдӧма.

Микей 7:10

Тайӧс аддзас менӧ мустӧмтысь, коді шуавліс меным, кӧні пӧ Господь, тэнад Енмыд. Сійӧ яналас, а ме аддза, кыдзи туйвыв няйтӧс моз сійӧс таляласны.

Микей 7:16

Тайӧс аддзасны войтыръяс, и яналасны асланыс вынысь, тупкасны вомнысӧ, лоӧны пельтӧмӧсь.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Лука 16:23

Адын мучитчигӧн озыр морт лэптіс синсӧ да аддзис ылынкодь Ӧвраамӧс да сы дорысь Лазарӧс.

Ап. уджъяс 28:27

Чорзьӧма тайӧ войтырыслӧн сьӧлӧмныс, найӧ сьӧкыд пеляӧсь, куньса синмаӧсь. Аддзынысӧ оз зільны, кывзынысӧ оз кӧсйыны, сьӧлӧмнаныс оз гӧгӧрвоны. Мелань бергӧдчынысӧ оз кӧсйыны, медым Ме бурдӧді найӧс.

2 Фессалоникаӧ 1:8

ыпъялан би пытшкын да мыждас найӧс, кодъяс оз тӧдны Енсӧ да оз кывзыны миян Господь Исус Кристослысь Бур Юӧрсӧ.

Еврейяслы 10:27

Сӧмын ыджыд полӧмӧн ковмас виччысьны мыждӧмсӧ да яр бисӧ, мый бырӧдас Енлы паныд кыпӧдчысьясӧс.

1 Петыр 3:16

Олӧй сідзи, мед сьӧлӧмныд эз мыжды тіянӧс. Сэки найӧ, кодъяс лёкӧдӧны тіянӧс лёк вӧчысьӧс моз Кристоскӧд бур нога олӧмысь, яналасны асланыс кывъясысь.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

Ӧксыяслӧн 1 небӧг 6:9

Но видзӧдӧй сы бӧрся. Мунас кӧ кудйыс аслас муӧ, Бет-Шемеш карлань, сідзкӧ, тайӧ ыджыд шогсӧ миянлы Господь ыстіс. Оз кӧ сэтчань мун, ми кутам тӧдны, мый эз Господь мыжды миянӧс, но тадзи ачыс лои».