Исай 24:3 - Коми Библия 2023

³ Муыс дзикӧдз кушмас, сэтысь ставсӧ лоӧ куштӧма, ӧд Господь тадзи шуӧма.

Исай 24:3 Kruisverwysings

2 Каднебӧг 36:21

Тадзи иніс Господьлӧн шуӧмыс, мый Еремей висьтавліс, муыс пӧ лоӧ овтӧминӧн сизимдас во чӧж, сійӧ кутас шойччыны сійӧ кад чӧжыс, мыйта кад сылы шойччӧгсӧ эз сетлыны.

Исай 21:17

Кедарса тышкасьысьяслӧн, ньӧввужйысь лыйсьысьяслӧн лыдыс кольӧ зэв этша». Тадзи висьталӧ Господь, Израильлӧн Ен.

Исай 22:25

Но воас лун, – висьталӧ Господь Саваоф, – кор зумыдінӧ тувъялӧм кӧрттулыс усяс. Сійӧ чегас да усяс, и ставыс, мый кутчысис сы вылын, усяс да жугалас». Тадзи висьталӧ Господь.

Исай 24:1

Со, Господь куштӧ мусӧ, бырӧдӧ сэні олысьясӧс, тшыкӧдӧ муыслысь чужӧмбансӧ, разӧдӧ му вылын олысьясӧс.

Исай 24:2

Ставнысӧ виччысьӧ ӧтитор: войтырӧс и попъясӧс, кесйӧгӧс и ыджыдӧс, кесйӧг аньӧс и сылысь ыджыдсӧ, вузасьысьӧс и ньӧбасьысьӧс, водзӧсӧн сетысьӧс и уджйӧзаӧс.

Исай 24:4

Муыс шогсьӧ, нюкыртчӧма, муюгыдыс шогӧ усьӧма, дзикӧдз нюкыртчӧма, шогӧ усьӧмаӧсь вына веськӧдлысьяс.

Исай 42:22

Но тайӧ войтырсӧ куштӧма, налысь ставсӧ мырддьӧма. Найӧс ставнысӧ кӧрталӧма да шыбитӧма пемыд гуӧ, йӧртӧма дзескыдінӧ. Найӧ лоины тышын шедӧдӧмторйӧн, некод оз мезды найӧс, некод оз тшӧкты бӧр вайӧдны найӧс.

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Исай 6:11

Сэсся ме юалі: «Господьӧй, дыр-ӧ тадзи лоӧ?» Сійӧ вочавидзис: «Кытчӧдз каръяс оз кушмыны, керкаясын оз коль олысьыс, и муыс дзикӧдз оз энды.

Еремей 13:15

– Кывзӧй, энӧ ышнясьӧй, сюся кывзӧй, ӧд Господь сёрнитӧ.

Езекиль 36:4

Та вӧсна, Израиль керӧсъяс, кывзӧй Господь Ыджыдлысь кывсӧ, мый Сійӧ висьталӧ керӧс-ыбъяслы, ковтыс-сёнъяслы, овтӧминъяслы да эновтӧм каръяслы – тіянлы, кодъясӧс тіян гӧгӧр олысь войтыръяс куштӧны да сералӧны-лёкӧдӧны.

Микей 2:4

Сійӧ лунӧ тіянӧс кутасны лёкӧдны, тіян йылысь кутасны сьывны бӧрдӧдчанкыв: – Миянӧс дзикӧдз куштісны, войтырнымлысь мусӧ босьтісны, миянлысь ставсӧ мырддисны, муяснымӧс мукӧд войтырлы сетісны.

Микей 4:4

Но быдӧн кутас пукавны аслас виноград йӧрын, аслас инжир пу улын, некод оз кут найӧс повзьӧдлыны. Тадзи висьталіс Господь Саваоф.

Индӧд 29:23

Муыс ставнас сотчас, сэні лоӧ сӧмын тэг да сов, весиг турун оз кут быдмыны. Сэні нинӧм он вермы кӧдзны-быдтыны. Сійӧ лоӧ Содом да Гомора, Адма да Севоим каръяс кодь. Тайӧ каръяссӧ Господь бырӧдіс ыджыд скӧрлунӧн.

Индӧд 29:28

Дӧзмӧмӧн, скӧралӧмӧн да ыджыд лӧглунӧн Господь нетшыштіс найӧс асланыс муысь да шыбитіс мӧд муӧ, кӧні найӧ ӧні на олӧны”.