Исай 24:2 - Коми Библия 2023

² Ставнысӧ виччысьӧ ӧтитор: войтырӧс и попъясӧс, кесйӧгӧс и ыджыдӧс, кесйӧг аньӧс и сылысь ыджыдсӧ, вузасьысьӧс и ньӧбасьысьӧс, водзӧсӧн сетысьӧс и уджйӧзаӧс.

Исай 24:2 Kruisverwysings

Олӧм 41:50

Тшыгъялӧм пуксьытӧдз Ӧсиплӧн чужисны кык пи, кодъясӧс сылы чужтіс Асената, Он карысь Поти-Пер поплӧн нылыс.

2 Каднебӧг 36:20

А найӧс, кодъяс ловйӧн колисны, нуӧдісны пленӧ Вавилонӧ. Калдеяса ӧксылы да сысянь чужысьяслы найӧ вӧліны кесйӧг туйынӧсь сэтчӧдз, кытчӧдз сэні эз кут юравны персияса ӧксы.

Исай 2:9

Йӧзыс нюкыртчисны, лэдзисны юрнысӧ. Тэ он прӧстит найӧс.

Исай 24:3

Муыс дзикӧдз кушмас, сэтысь ставсӧ лоӧ куштӧма, ӧд Господь тадзи шуӧма.

Исай 28:7

Поп да пророк тшӧтш шатлалӧны вина юӧмысь, довъялӧны туй вывті сур юӧмысь, найӧ коддзӧмаӧсь да крукасьлӧны. Винаыс вермӧма найӧс, сурыс пемдӧдӧма вежӧрнысӧ. Пророкъяслӧн аддзылӧмъясыс вайӧдӧны йӧзсӧ ылӧгӧ, попъяс крукасьӧны асланыс кывъясӧ.

Исай 5:15

Йӧзыс нюкыртчасны, ӧшӧдасны юрнысӧ, вылӧ кыпӧдчысьяс увлань лэдзасны синнысӧ.

Еремей 41:2

Нетанийлӧн Измаил пиыс да сыкӧд локтӧм дас мортыс чеччисны да шыпуртӧн виисны Гедалийӧс, Шафан Ахикамлысь писӧ, кодӧс вавилонса ӧксы пуктіс веськӧдлыны Иуда муӧн.

Еремей 42:18

Господь Саваоф, Израильлӧн Ен, тадзи висьталӧ: ”Кыдзи Менам скӧрлунӧй да ярлунӧй киссис ерусалимса олысьяс вылӧ, тадзи жӧ Менам скӧрлунӧй киссяс тіян вылӧ, кор ті воанныд Египетӧ. Тіянӧс пондасны ёрны да лёкӧдны-омӧльтны, ті лоанныд повзьӧдчанторйӧн, и водзӧ ті онӧ нин аддзылӧй тайӧ мусӧ”.

Бӧрданкыв 4:13

Тайӧ лои пророкъяслӧн мыж вӧсна, попъяслӧн лёк вӧчӧм вӧсна, ӧд Ерусалим карын найӧ кисьтісны веськыда олысьяслысь вирсӧ.

Бӧрданкыв 4:16

Господь Ачыс разӧдіс-вӧтліс найӧс, Сійӧ на вылӧ оз нин видзӧдлы. Попъясӧс мустӧмтӧны, пӧрысьясӧс бурӧ оз пуктыны.

Бӧрданкыв 4:6

Менсьым войтырӧс мыждӧма Содомысь чорыдджыка на. Содомӧс вӧлі бырӧдӧма здукӧн, весиг мортлӧн киыс эз инмӧдчыв.

Осий 4:9

Мый суас войтырсӧ, суас тшӧтш попӧс. Ме мыжда найӧс ставнысӧ олан туйсьыныс, мынтыся налы уджъясныс серти.