Исай 24:11 - Коми Библия 2023

¹¹ Вина абутӧм вӧсна карса туйяс вылын кылӧ бӧрдӧм, гажӧдчӧмыс кусіс, нимкодьлуныс эновтіс муюгыдсӧ.

Исай 24:11 Kruisverwysings

Псалтыр 144:14

Господь кутыштӧ нюкыртчӧмаӧс, Сійӧ лэптӧ усьӧмаӧс.

Шусьӧгъяс 31:6

Сетӧй сурсӧ куланвыйӧдз воӧмалы, сетӧй винасӧ курыд шогас вӧйӧмалы.

Исай 16:10

Бур вотӧса му вылын оз нин гажӧдчыны-нимкодясьны, виноград йӧръясын оз сьывны, оз нимкодясьны, пычкан гуын оз талявны виноград вотӧс, дугдіс кывны гажӧдчӧм шы.

Исай 32:10

Коляс во да некымын лун, и ті дзӧрмӧн повзянныд, шог тӧдтӧмъяс! Ӧд оз нин во виноград чукӧртан кадыс, вотӧс чукӧртан кадыс оз нин ло.

Исай 32:13

Менам войтырлӧн му вӧсна, ӧд сэні кутас быдмыны йӧн да ёг турун. Шогсьӧй гажӧдчысь керкаяс вӧсна, став гажӧдчысь карыс вӧсна,

Исай 8:22

Найӧ видзӧдласны вывлань, синнысӧ чӧвтласны му вылӧ да аддзасны: гӧгӧр шог да сап пемыд, гӧгӧр сьӧд пемыд. Найӧс лоӧ йӧршитӧма пемыдас. Но оз век ло пемыд сэні, кӧні ӧні сійӧ сукмӧма.

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

Еремей 14:2

– Иуда му бӧрдӧ, каръяслӧн дзиръяясыс вежыньтчисны, шогсьӧны муыс вӧсна, Ерусалимысь кыптӧ бӧрдӧм шы.

Еремей 46:12

Тэнӧ янӧдӧм йылысь кылісны войтыръяс, тэнад горзӧмыд тыртіс ставнас мусӧ. Тэнад вына тышкайӧзыд крукасисны ӧта-мӧдас, ставныс ӧтлаын усисны.

Еремей 48:33

– Моавын, бур вотӧса му вылын, оз нин гажӧдчыны-нимкодясьны. Ме пукті пом пычкан гуын виноград вотӧс талялӧмлы, сэні оз нин сьывны, кылӧ горзӧм, а оз нимкодясьӧм.

Осий 7:14

Ме дінӧ став сьӧлӧмнас шыасьӧм пыдди найӧ бӧрдісны асланыс вольпась вылын, нянь да вина понда найӧ вундалісны асьнысӧ, но Меысь ылыстчисны.

Йоиль 1:12

виноград косьмӧма, инжир нярмунӧма, гранат, финик да яблӧг пуяс нюкыртчӧмаӧсь – став пуыс косьмӧма. Йӧзыс воштісны гажлунсӧ.

Йоиль 1:15

Повзьӧдана лун миянӧс виччысьӧ, Господьлӧн луныс матын, Ставсӧвермысьсянь сійӧ локтас, медым бырӧдны.

Лука 16:25

Ӧвраам шуис: ”Пиукӧй, эн вунӧд, мый тэ босьтін нин бурсӧ, а Лазарлы лёкыс вичмис. Ӧні сійӧ сьӧлӧмсӧ бурмӧдӧ тані, а тэ мучитчан.