Исай 23:1 - Коми Библия 2023

¹ Тир йылысь водзвыв висьталӧм. Ырзӧмӧн бӧрдӧй, фарсисса корабльяс! Карыс киссьӧма, эз кольны керкаяс. Та йылысь ті кылінныд Киттим муысь бергӧдчигӧн.

Исай 23:1 Kruisverwysings

Олӧм 10:4

Яванлӧн вӧліны Элиш да Фарсис пиян, сысянь петісны тшӧтш киттимсаяс да доданейяс.

Ӧксыяслӧн 3 небӧг 10:22

Хирамлӧн корабльясысь ӧтдор саридз вылын Соломон ӧксылӧн вӧліны тшӧтш фарсисса корабльяс. Куим во пытшкас ӧтчыдысь фарсисса корабльяс вайлісны зарни-эзысь, слӧн лы, ӧблезянаясӧс да павлинъясӧс.

Ӧксыяслӧн 3 небӧг 22:48

Иосафат ӧксы вӧчис фарсисса корабльяс, медым найӧ кывтісны Офирӧ зарнила. Но корабльясыс эз воны Офирӧдз, а жугалісны Эцион-Геверын.

Ӧксыяслӧн 3 небӧг 5:1

Кор тирса Хирам ӧксы тӧдмаліс, мый Соломонӧс мавтыштӧмӧн пуктӧмаӧсь ӧксыӧ батьыс пыдди, мӧдӧдіс сы дінӧ ассьыс кесйӧгъяссӧ. Хирам Давидкӧд пыр вӧліны ёртъясӧн.

2 Каднебӧг 9:21

Соломон ӧксылӧн корабльяс вылын сылӧн йӧзыс Хирамлӧн йӧзкӧд кывтлісны Фарсисӧ. Куим во пытшкас ӧтчыдысь найӧ вайлісны сэтысь зарни-эзысь, слӧн лы, ӧблезянаясӧс да павлинъясӧс.

Псалтыр 48:7

Найӧ лача кутӧны асланыс эмлуныс вылӧ, ошйысьӧны асланыс ыджыд озырлунӧн.

Исай 15:8

Налӧн бӧрдӧмыс кылӧ став Моав му пасьтала, Эглаимсянь Бер-Элимӧдз.

Исай 2:16

фарсисса корабльяс да став налысь дона эмбурсӧ.

Исай 23:12

Сійӧ шуис: – Сидонын олысьяс, ті, яналӧм войтыр, водзӧ онӧ нин кутӧй нимкодясьны. Чеччӧй да мунӧй Киттимӧ, но весиг сэні тіянлы шойччӧгыс оз ло!

Исай 23:6

Саридз дорын олысьяс, ырзӧмӧн бӧрдӧй, мунӧй да овмӧдчӧй Фарсисӧ!

Исай 24:10

Карсӧ пазӧдӧма, сійӧ дзикӧдз кушмис. Керка ӧдзӧсъяс йиганаӧсь, он вермы пырнысӧ.

Исай 60:9

Саридз дорын олысьяс лача кутӧны Ме вылӧ, фарсисса корабльяс медводзын кывтӧны, ылі муясысь найӧ вайӧны тэнсьыд пиянтӧ да налысь зарни-эзысьсӧ Господьлӧн, тэнад Енлӧн, нимыс вӧсна, Израильлӧн вежа Ен вӧсна, ӧд Сійӧ нимӧдіс тэнӧ.

Еремей 2:10

Мунӧй киттимса діяс вылӧ, мӧдӧдӧй Кедарӧ йӧзӧс, сюся видзӧдӧй-тӧдмалӧй, вӧчӧны-ӧ сэтчӧс войтыръяс Менам войтыр моз.

Еремей 25:15

Господь, Израильлӧн Ен, меным тадзи висьталіс: «Босьт Менам киысь вина чашасӧ, коді тырӧма Менам скӧрлунӧн, да юктӧд сэтысь став войтыръяссӧ, кодъяс дінӧ Ме мӧдӧда тэнӧ.

Еремей 25:22

Тир да Сидон каръясысь ӧксыясӧс, тшӧтш саридз сайын саридздор муясын олысь ӧксыясӧс.

Еремей 47:4

Воас лун, кор Филистимын олысьясӧс лоӧ бырӧдӧма, Тирлысь да Сидонлысь кольӧм отсасьысьяссӧ лоӧ босьтӧма. Господь бырӧдас филистимсаясӧс, Кафтор ді вылысь локтӧм войтырлысь коляссӧ.

Езекиль 26:1

Дас ӧтиӧд вонас медводдза тӧлысьлӧн медводдза лунӧ меным вӧлі Господьсянь кыв:

Езекиль 26:2

«Морт пиӧй, Ерусалим йылысь Тирын олысьяс нимкодясьӧмӧн шуалӧны, киссьӧма пӧ войтыръяслы пыраніныс, а воссьӧма миянлы. Ми пӧ кутам озырмӧдчыны, а Иерусалимӧс лоӧ куштӧма.

Езекиль 27:30

Найӧ ёна горзӧны, курыда бӧрдӧны тэ вӧсна, юрнысӧ коялӧны муӧн, туплясьӧны пӧим пытшкын.

Езекиль 27:6

пелысъястӧ – васанса тупуысь, джоджъястӧ – киттимса діяс вылысь вайӧм бук пуысь, тэнӧ мичмӧдісны слӧн лыӧн.

Даниил 11:30

Сы вылӧ уськӧдчасны киттимса корабльяс вылын локтысьяс, сійӧ повзяс наысь да бӧр бергӧдчас. Ассьыс скӧрлунсӧ сійӧ кисьтас вежа йитӧд вылӧ. Гортас бергӧдчӧм бӧрын сійӧ сёрнитчас вежа йитӧд эновтысьяскӧд.

Иона 1:3

Иона шуис пышйыны Господьысь Фарсисӧ. Локтіс Иоппия карӧ. Сэні корсис Фарсисӧ мунысь корабль, мынтысис туйысь да пуксис сы вылӧ, мед кывтны Господьысь ылӧджык.

Лыд 24:24

Киттимсянь локтасны корабльяс, вермасны Ассурӧс, вермасны Эверӧс, но и найӧс асьнысӧ лоӧ дзикӧдз бырӧдӧма.

Лука 10:13

«Курыд шог тэныд, Коразин кар! Курыд шог тэныд, Випсаида кар! Тир да Сидон каръясын кӧ аддзылісны тіянын кодь вӧчӧм шензьӧданаторъяссӧ, сэки эськӧ сэтчӧс олысьясыс важӧн нин бергӧдчисны мыжъяссьыныс, шогалан паськӧм пасьталісны да юрнысӧ пӧимӧн коялісны.

Нав Исус 19:29

сэсянь бергӧдчӧ да воӧ Рама карӧ, водзӧ мунӧ да воӧ Тир изкарӧ, бара бергӧдчӧ да мунӧ Хоса карӧ. Мудорыс помасьӧ Ыджыд саридз дорын. Нӧшта налы вичмисны Акзив,