Исай 21:2 - Коми Библия 2023

² сувтіс менам син водзӧ Енсянь повзьӧдана петкӧдчылӧм: ылӧдчысь ылӧдлӧ, бырӧдысь бырӧдӧ. Элам, уськӧдчы на вылӧ! Мидия, кытшав найӧс! Ӧні став ойзӧмыслы Ме пукта пом.

Исай 21:2 Kruisverwysings

Олӧм 10:22

Симлӧн вӧліны Элам, Ассур, Арфаксад, Луд, Арам [да Кенан] пиян.

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Псалтыр 12:5

медым менӧ мустӧмтысь эз вермы менӧ, медым менӧ дзескӧдысь эз нимкодясь, кор ме уся.

Псалтыр 25:3

Тэнсьыд буралӧмтӧ ме пыр кута тӧд вылын, ме ветлӧдла Тэнад збыль туйӧд.

Псалтыр 60:3

Му пельӧссянь ме шыася Тэ дінӧ шогсян сьӧлӧмӧн. Нуӧд менӧ изкырта вылӧ, кытчӧ ачым ме ог вермы кайнысӧ.

Псалтыр 79:11

Сылӧн вуджӧрыс вевттис керӧсъяс, сылӧн вожъясыс вевттисны Енлысь сус пуяссӧ.

Шусьӧгъяс 13:15

Мывкыд мортлӧн туйдӧдӧмыс вайӧ олӧм, ылыстӧ кулӧмыслӧн тывйысь.

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Исай 14:4

тэ кутан сьывны вавилонса ӧксы йылысь сералана сьыланкыв: – Со, оз нин ло нартитысьыс, воис пом сылӧн лёкалӧмлы!

Исай 14:7

Ӧні муыс ставнас лӧньӧма да шойччӧ, му вылын олысьяс гораа нимкодясьӧны.

Исай 22:6

Эламса тышкайӧз босьтісны ассьыныс ньӧвъяссӧ, быдлаын тарантасъяс да верзьӧмаяс. Кирса шыпуртаяс лэптӧмаӧсь ассьыныс сайӧднысӧ.

Исай 24:16

Му помсяньыс ми кылам сьыланкыв, веськыда вӧчысь Енлы ошкӧм. А ме шуа: «Шог меным, шог меным, курыд шог меным! Ылӧдчысьяс ылӧдлӧны, ылӧдчысьяс наяна ылӧдлӧны».

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Исай 35:10

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Исай 47:6

Аслам войтыр вылӧ Ме скӧрми, Ассьым бӧрйӧм йӧзӧс Ме янӧді да сеті тэнад кипод улӧ. Тэ эн вӧв бур сьӧлӧма на дінӧ, весиг пӧрысь йӧзӧс тэ ёна нартитін.

Еремей 25:25

юктӧді Зимриысь, Эламысь да Мидияысь ӧксыясӧс,

Еремей 31:20

Но Ефрем – Менам муса пиӧй, сійӧ вайӧ Меным нимкодьлун. Ме унаысь мыждылі сійӧс, но некор ог вунӧд сійӧс! Менам сьӧлӧмӧй висьӧ Ефрем понда, Ме бурсьӧлӧмтча сы дінӧ, – висьталӧ Господь.

Еремей 31:25

Мудзӧмаясӧс Ме юктӧда, вынтӧмъясӧс Ме пӧткӧда».

Еремей 45:3

”Тэ шуан, меным пӧ курыд шог, ӧд Господь содтіс менам висьӧм дінӧ шог, и аслам ойзӧмысь пӧ мудзи нин, ог аддзы шойччӧгсӧ”.

Еремей 49:34

Кор Иуда муын ӧксыӧ пуксис Седекей, Еремей пророклы вӧлі Элам му йылысь Господьсянь кыв:

Еремей 49:35

– Господь Саваоф тадзи висьталӧ: Ме чегъяла Эламлысь ньӧввужсӧ – сылысь медыджыд вынсӧ.

Еремей 50:14

Кытшалӧй Вавилон кар, ньӧввужйысь лыйсьысьяс, лыйлӧй сэтчӧ, энӧ жалитӧй ньӧвъяснытӧ, ӧд Вавилон мыж вӧчис Господьлы паныд.

Еремей 50:34

Но найӧс Мездысьыс вына, Сылӧн нимыс – Господь Саваоф. Сійӧ доръяс найӧс да налӧн мулы сетас лӧньлун, а Вавилонын олысьяслы ыстас полӧм-тіралӧм.

Еремей 51:11

– Ёсьтӧй ньӧвъяснытӧ, тыртӧй наӧн ньӧвпуртӧснытӧ. Господь ышӧдіс мидияса ӧксыясӧс тыш вылӧ, ӧд Сійӧ шуис бырӧдны Вавилон. Господь водзӧс перйӧ Вавилонлысь, водзӧс перйӧ Аслас крамыс вӧсна.

Еремей 51:44

Ме мыжда вавилонсаяслысь Вил идолӧс, Ме перъя сылӧн вомысь ньылыштӧмасӧ, войтыръяс оз нин локны сы дінӧ. Вавилонса стенъяс киссясны.

Еремей 51:53

Вавилон кӧ кыпӧдчас енэжӧдзыс, лэптас кӧ ассьыс изкарсӧ выліинӧ, весиг сэки Ме мӧдӧда сы дінӧ куштысь-бырӧдысьясӧс, – висьталӧ Господь.

Бӧрданкыв 1:22

Став налӧн лёк вӧчӧмыс мед сувтас Тэнад чужӧмбан водзӧ. Вӧч накӧд сійӧ, мый Тэ вӧчин мекӧд став менам мыжъясысь. Ме дугдывтӧг ойза, менам сьӧлӧмӧй дойысла потӧ.

Даниил 5:28

”У-парсин” – тэнсьыд мутӧ лоӧ юкӧма кык пельӧ да сетӧма Мидия да Персия войтыръяслы».

Даниил 5:9

Валтасар ӧксы ёна повзис, весиг чужӧмыс вежсис. Сылӧн чина йӧзыс тшӧтш шӧйӧвошисны.

Даниил 8:2

Ме аддзи ачымӧс Суза изкарын, Элам нима ӧксыув муын, Улай ю дорын.

Даниил 8:20

Тэныд петкӧдлӧм кык сюра межыс – тайӧ мидияса да персияса ӧксыяс.

Восьтӧм 13:10

Коді мӧдӧс дзескыдінӧ пуксьӧдас, ачыс сэтчӧ веськалас. Коді шыпуртӧн виас, сійӧс асьсӧ шыпуртӧн виасны. Татшӧм кадас вежа войтырлы колӧ зумыдлун да эскӧм.

Ӧксыяслӧн 1 небӧг 24:13

Мед Ачыс Господь лоас ёрдысьӧн тэа-меа костын. Мед Сійӧ водзӧс перъяс тэнсьыд ме вӧсна. Но менам киӧй оз кыпты тэ вылӧ.