Исай 20:2 - Коми Библия 2023

² Господь шуис Амослӧн Исай пилы: «Мун да пӧрччы ас вывсьыд шогалан паськӧмтӧ, пӧрччы коксьыд кӧмтӧ». Сійӧ тадзи и вӧчис: ветлӧдліс пасьтӧг да кӧмтӧг.

Исай 20:2 Kruisverwysings

Ӧксыяслӧн 2 небӧг 15:30

А Давид кайис Олив керӧсӧ. Кӧмтӧгыс да юрсӧ вевттьӧмӧн сійӧ муніс и бӧрдіс. Сыкӧд мунысь йӧзыс тшӧтш вевттисны юрнысӧ да бӧрдісны.

Ӧксыяслӧн 2 небӧг 6:20

Давид муніс гортас, мед бурсины гортсаяссӧ. Сылы воча петіс Сауллӧн Мелкола нылыс [чолӧмасис сыкӧд] да шуис: «Израильлӧн ӧксы талун янӧдіс асьсӧ. Тэ пасьтӧгыд чеччалін аслад йӧзлӧн кесйӧг аньяс водзын, асьтӧ йӧй туйӧ пуктін».

Ӧксыяслӧн 4 небӧг 1:8

Ӧксылы вочавидзисны: «Сы вылын вӧлі гӧна паськӧм, коскас – кучик тасма». Ӧксы шуис: «Тайӧ Тишби карысь Илля».

Псалтыр 30:11

Шогын помасьӧ менам олӧмӧй, бӧрдӧмӧн тырӧма олан лунъясӧй. Аслам мыж вӧсна ме дзикӧдз вынтӧмми, менам лыясӧй косьмисны.

Петӧм 3:5

Ен шуис: «Водзӧ эн воськовт! Пӧрччы кӧмтӧ, ӧд муыс, кӧні тэ сулалан, вежа».

Исай 1:1

Тайӧ небӧгас гижӧма сы йылысь, мый Енмыс петкӧдліс Иуда му да Ерусалим кар йылысь Амослӧн Исай пилы. Тайӧ петкӧдчылӧмъяссӧ сійӧ аддзыліс иудаса Озей, Иотам, Ахаз да Езекей ӧксыяслӧн веськӧдлан кадӧ.

Исай 13:1

Вавилон йылысь водзвыв висьталӧм. Енмыс петкӧдліс тайӧс Амослӧн Исай пилы.

Исай 37:2

Езекей мӧдӧдіс Исай пророк дінӧ, Амослӧн пи дінӧ, ӧксы керкаӧн веськӧдлысь Элякимӧс, гижалысь Шевнайӧс да юрнуӧдысь попъясӧс. Ставныс найӧ вӧліны шогалан паськӧмаӧсь.

Еремей 48:37

Найӧ шырӧмаӧсь юрнысӧ, бритӧмаӧсь тошнысӧ, налӧн ки выланыс пуртӧн вундӧм туйяс, найӧ пасьтасьӧмаӧсь шогалан паськӧмӧ.

Езекиль 24:17

Ас кежсьыд сьӧлӧмад шогсьы, кулӧма вӧсна бӧрдӧдчӧм эн вӧч. Шогалысьяслы вайӧм нянь эн сёй, чужӧмтӧ эн тупкы, быд лунӧ моз ов юркӧртӧдӧн да кӧмӧн».

Езекиль 24:23

Юрвевттьӧдныд лоас юр выланыд, кӧмныд – коканыд, ті онӧ кутӧй шогсьыны-бӧрдны, но асланыд мыжъяс вӧсна косьманныд-сісьманныд, матысса водзаныд кутанныд ышлолавны.

Езекиль 4:1

«Морт пиӧй, босьт кирпич, пукты ас водзад да серпасав сэтчӧ Ерусалим кар.

Езекиль 4:5

Ме урчита тэныд нуны Израиль войтырлысь мыжсӧ сы мында лун, кымын во чӧж найӧ мыж вӧчисны – куимсё ӧкмысдас лун.

Микей 1:11

Петӧй карсьыныд, Шафирын олысьяс, пасьтӧгныд петӧй, янӧдӧмаӧн мунӧй. Цаананын олысьяслы некытчӧ пышйыны. Бет-Эцелын бӧрдӧм кылӧ, та вӧсна ті, Шафирысь петысьяс, сэтчӧ онӧ овмӧдчӧй.

Микей 1:8

– Та вӧсна ме кута ырзӧмӧн бӧрдны, кута ветлыны кӧмтӧг-пасьтӧг, шакал моз понда омлявны, страус моз – ымзыны.

Закар 13:4

Сэки мукӧд ылӧгпророкъяслы яндзим лоӧ асланыс восьтӧмъясысь. Найӧ оз нин кутны пророкавны да пророк моз оз кутны пасьтасьны гӧнысь кыӧм паськӧмӧ, мед ылӧдлыны йӧзсӧ.

Матвей 16:24

Исус шуис велӧдчысьясыслы: «Коді кӧсйӧ мунны Ме бӧрся, мед вунӧдас асьсӧ, мед босьтас ассьыс крестсӧ да локтас Ме бӧрся.

Матвей 3:4

Иоан новліс верблюд гӧнысь кыӧм паськӧм, коскас вӧнявліс кучик тасма, сёйліс чирк да видзвыв ма.

Иоан 21:7

Сэки велӧдчысьыс, коді вӧлі муса Исуслы, шуис Петырлы: «Тайӧ Господь». Симон-Петыр сэки вӧлі пӧрччысьӧма. Но кор кыліс, мый тайӧ Господь, сійӧ ӧдйӧ пасьтасис да чеччыштіс ваас.

Ап. уджъяс 19:16

Сэсся пеж лолӧн кутӧм морт уськӧдчис на вылӧ ыджыд вынӧн да вирӧдз чашйис найӧс. Дзик пасьтӧгныс налы ковмис пышйыны сійӧ керкасьыс.

Ап. уджъяс 21:11

Кор сійӧ пырис миян дінӧ, босьтіс Павеллысь тасмасӧ да кӧрталіс ассьыс ки-коксӧ, сэсся шуис: «Тадзи висьталӧ Вежа Лов: тайӧ тасма новлысьсӧ иудейяс тадзи жӧ кӧрталасны Ерусалимын да сетасны ентӧдтӧмъяс киӧ».

Нав Исус 5:15

Господьлӧн тышкакотырӧн веськӧдлысь шуис Исуслы: «Пӧрччы кӧмтӧ, ӧд тайӧ местаыс, кӧні тэ сулалан, вежа». Исус кывзысис.

Восьтӧм 11:3

Ме мӧдӧда Ассьым кык висьталысьӧс. Шогалан паськӧмӧ пасьтасьӧмӧн найӧ кутасны пророкавны сюрс кыксё квайтымын лун чӧж».

Ӧксыяслӧн 1 небӧг 19:24

тшӧтш пӧрччис паськӧмсӧ да пророкаліс Самуил водзын. Лунтыр и войбыд сійӧ куйліс пасьтӧгыс. Тайӧ лоӧмтор бӧрас паськаліс Саул йылысь шуӧм: «Саул ӧмӧй тшӧтш пророк?»