Исай 19:2 - Коми Библия 2023

² Ме кыпӧда египетсаясӧс ӧта-мӧдныслы паныд: вокыс уськӧдчас вокыс вылӧ, орччӧн олысьыс – орччаыс вылӧ, ӧти карын олысьяс – мӧд карын олысьяс вылӧ, тайӧ муас олысьяс – мӧд муын олысьяс вылӧ.

Исай 19:2 Kruisverwysings

Ӧксыяслӧн 3 небӧг 16:21

Тайӧ лоӧмторъясыс бӧрын Израиль войтыр юксис кык пельӧ: ӧтияс кӧсйисны пуктыны ӧксыӧ Гинатлысь Тивни писӧ, а мӧдъяс – Омриӧс.

2 Каднебӧг 15:6

Войтыръяс тышкасисны ӧта-мӧдныскӧд, ӧти карын олысьяс тышкасисны мӧд карын олысьяскӧд. Енмыс мӧдӧдліс налы уна сьӧкыдлун, та вӧсна найӧ шызьывлісны.

Исай 3:5

Йӧзыс кутасны дзескӧдны ӧта-мӧднысӧ, быдӧн – ассьыс матыссасӧ. Том зон кутас омӧльтны пӧрысь мортӧс, некытчӧ туйтӧм кутас лёкӧдны пыдди пуктанаӧс.

Исай 9:21

Манассей – Ефремӧс, Ефрем – Манассейӧс, а ӧтвылысь найӧ – Иудаӧс. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Еремей 46:12

Тэнӧ янӧдӧм йылысь кылісны войтыръяс, тэнад горзӧмыд тыртіс ставнас мусӧ. Тэнад вына тышкайӧзыд крукасисны ӧта-мӧдас, ставныс ӧтлаын усисны.

Еремей 51:46

Тіян сьӧлӧмныд мед оз тірав, энӧ полӧй юӧрысь, мый разалӧ му пасьталаыс. Ӧти воӧ локтӧ ӧтипӧлӧс юӧр, мӧд вонас – мӧдпӧлӧс юӧр, му вылын виалӧны-дзескӧдӧны, юралысь кыпӧдчӧ юралысьлы паныд.

Езекиль 38:21

Аслам керӧсъяс вылын Ме лэпта шыпурт Гоглы паныд, – висьталӧ Господь Ыджыдыс, – и Гоглӧн тышкайӧзыс ӧта-мӧднысӧ виаласны.

Закар 8:10

Сыӧдз эз вермыны мынтысьны уджалысьлы, нинӧмӧн вӧлі вердны ыж-мӧскӧс. Ме кыпӧді йӧзӧс ӧта-мӧдныслы паныд, дзескӧдӧм вӧсна найӧ полісны петны ывлаӧ.

Матвей 10:21

Вокыс воксӧ сетас вины, батьыс – писӧ. Ныв-пиыс сувтасны бать-мамыслы паныд да виасны найӧс.

Матвей 10:36

Мортӧс мустӧмтӧны сылӧн гортсаясыс.

Матвей 12:25

Налысь мӧвпъяссӧ тӧдӧмӧн Исус шуис: «Ас муын олысьяс кӧ ас костаныс тышкасьӧны, тайӧ муыс кушмас. Зыксьӧмӧн олысь карыд да керкаыд дыр оз сулав.

Матвей 24:7

Войтыр войтырлы паныд сувтас, муяс ӧта-мӧдныслы паныд кыпӧдчасны. Уналаын лоас му вӧрӧм да тшыгъялӧм, йӧзсӧ суас кулана висьӧм.

Марк 3:24

Ас муын олысьяс кӧ ас костаныс тышкасьӧны, сэні олӧмыс киссяс.

Ёрдысьяс 7:22

Куимсё израильса тышкамортлӧн буксігкості Господь вӧчис сідзи, мый мадиансаяс виалісны ӧта-мӧднысӧ. А коляс тышкайӧзыс пышйисны Церера карлань Бет-Шитта карӧдз да Авел-Мехола кар дорӧдз, Табат карсянь матӧ.

Ёрдысьяс 9:23

Ен мӧдӧдіс пеж лолӧс, и Сикем карса олысьяс кыпӧдчисны Авимелеклы паныд.

Ӧксыяслӧн 1 небӧг 14:16

Венямин муын Гива карын Сауллӧн тышкайӧзыс аддзисны, мый филистимсаяс пышйӧны коді кытчӧ.

Ӧксыяслӧн 1 небӧг 14:20

Саул чукӧртіс ассьыс тышкайӧзсӧ, и найӧ котӧртісны тышкасянінӧ. Филистимсаяс сэтшӧма вӧлі шӧйӧвошӧмаӧсь, мый виалісны ӧта-мӧднысӧ.