Исай 18:7 - Коми Библия 2023

⁷ Сэки Господь Саваофлы ваясны козинъяс ён вына да збой войтырсянь, ыджыд тушаа йӧзсянь, кодъясысь быдлаын полӧны, кодъяс ставнысӧ нартитӧны, кодъяслысь мусӧ вожӧдӧны юяс. Козинъяссӧ ваясны Сион керӧс вылӧ, Господь Саваофлӧн оланінӧ.

Исай 18:7 Kruisverwysings

2 Каднебӧг 32:23

Унаӧн вайисны Ерусалимӧ Господьлы вайӧмторъяс да иудаса Езекей ӧксылы дона козинъяс. Тайӧ кадсяньыс Езекей пондіс нимавны став войтыръяс пӧвстын.

Псалтыр 68:32

Тайӧ лоӧ Господьлы шогманаджык ӧш дорысь, сюра да гыжъя ӧшпи дорысь.

Исай 16:1

Мӧдӧдӧй иудаса ӧксылы козин пыдди баляясӧс, Селаысь мӧдӧдӧй найӧс овтӧмин пыр Сион нывлӧн керӧс вылӧ!

Исай 18:2

Сійӧ мӧдӧдӧ йӧзсӧ саридз вывті, юсьпӧлянысь вӧчӧм пыжъясӧн ваяс вывті. Тэрыб кокаяс, нуӧй юӧр, мунӧй ён вына войтыр дінӧ, ыджыд тушаа йӧз дінӧ, кодъяслысь юрсисӧ да тошсӧ шырӧма. Тайӧ войтырсьыс быдлаын полӧны, найӧ ставнысӧ нартитӧны. Налысь мусӧ вожӧдӧны юяс.

Исай 18:4

Господь меным тадзи висьталіс: Аслам оланінсянь Ме лӧня видзӧда луншӧркадся гож моз, вундан кадӧ шонді пӧжигӧн кыптысь ру моз.

Исай 45:14

Господь тадзи висьталӧ: – Ставыс тайӧ, мый чукӧртісны египетсаяс, мыйӧн вузасьӧм помысь озырмисны эфиопияса олысьяс да саваса гырысь йӧз, вуджас тэныд, Менам войтырӧй, ставыс лоӧ тэнад. Найӧ, чептӧн дорӧмаяс, мунасны тэ бӧрся, уськӧдчасны тэ водзӧ да кутасны кевмысьӧмӧн шуавны: «Сӧмын тэкӧд Енмыс, и мӧд Енмыс абу!»

Микей 4:13

Чеччы вартнытӧ, Сион нылӧй! Тэнсьыд сюртӧ Ме вӧча кӧртысь, кок гыжтӧ – ыргӧнысь. Войтыръясӧс тэ пасьвартан, налысь эмбурсӧ Господьлы сиан, налысь озырлунсӧ став муӧн Ыджыдалысьлы торйӧдан.

Аввакум 1:7

Тайӧ войтырыс лёксьыс-лёк, сыысь ставныс полӧны, сійӧ – бӧръя кывсӧ шуысь, сійӧ вӧчӧ, мый кӧсйӧ.

Софоний 3:10

Эфиопиялӧн юсайса муясысь ваясны Меным козинъяс Менам разӧдӧмаяс, Меным юрбитысьяс.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Матвей 2:11

Керкаӧ пырӧм бӧрын найӧ аддзисны кагаӧс Мария мамыскӧд. Пидзӧс выланыс уськӧдчӧмӧн найӧ копыртчылісны кагалы да сетісны Сылы дона козинъяс: зарни, ладан да смирна.