Исай 18:6 - Коми Библия 2023

⁶ Найӧс шыбитасны керӧсвывса кырныш-варышлы да мувывса пемӧсъяслы. Гожӧмнас наӧн кутасны пӧткӧдчыны кырныш-варыш, а тӧвнас – мувывса пемӧсъяс.

Исай 18:6 Kruisverwysings

Исай 14:19

Сӧмын тэ колин гуавтӧг, тэнӧ шыбитісны ковтӧм увйӧс моз. Тэ куйлан виӧмаяс пӧвстын, шыпуртӧн бытшкӧмаяс пӧвстын, тэнӧ шыбитӧма косьмӧм вайӧртӧдӧ, тэнсьыд шойтӧ талялӧны.

Исай 23:13

Со, Калдея му, но сэтчӧс войтырыс абу нин, налысь мусӧ Ассур сетіс овтӧминса зверъяслы. Ассур лэптіс Калдея муӧ аслыс башняяс, жугліс калдеяса изкаръяс, ставсӧ дзикӧдз пазӧдіс.

Исай 46:11

Асыввывсянь Ме чукӧсті варышӧс, ылі муысь Ме чукӧсті сійӧс, коді збыльмӧдас Менсьым мӧвпыштӧмӧс. Ме шуи, и вӧча тайӧс, Ме мӧвпышті, и вайӧда помӧдз.

Исай 56:9

Мувывса став зверыс, вӧрса став пемӧсыс, локтӧй, сёйӧй!

Еремей 15:3

Ме мӧдӧда тайӧ войтырыс вылӧ нёль мыждӧм, – висьталӧ Господь. – Шыпурт виас найӧс, понъяс кыскаласны шойяссӧ, кырныш-варыш кокаласны, зверъяс бырӧдасны коляссӧ.

Еремей 16:4

Тайӧ муас олысьяс куласны сьӧкыд висьӧмъясысь, на вӧсна некод оз кут бӧрдны, найӧс некод оз гуав, куйӧд моз найӧ кутасны куйлыны му вылас. Найӧ куласны тшӧтш шыпурт да тшыгъялӧм помысь, налӧн шойясӧн пондасны пӧткӧдчыны кырныш-варыш да зверъяс.

Еремей 7:33

Тайӧ войтырыслӧн шойясӧн кутасны пӧткӧдчыны кырныш-варыш да зверъяс, и некод оз повзьӧд найӧс.

Езекиль 31:13

Пӧрӧдӧм сус пу вылӧ поздысисны енэжвывса лэбачьяс, увъясас овмӧдчисны вӧрса пемӧсъяс.