Исай 18:3 - Коми Библия 2023

³ Ті, муюгыдын олысьяс, ті, му вылас олысьяс, ставныд видзӧдӧй, кор керӧсъяс вылӧ кыптас дӧрапас, сюся кывзӧй, кор кылас буксанлӧн гора шыыс.

Исай 18:3 Kruisverwysings

Псалтыр 50:1

Сьылысьясӧн веськӧдлысьлы. Давидлӧн псалом.

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Исай 11:12

Сійӧ лэптас дӧрапас войтыръяслы, чукӧртас нёльнан му пельӧссьыс Израильысь вӧтлӧмаясӧс, Иудаысь разалӧм войтырӧс.

Исай 13:2

Керӧс йылӧ кыпӧдӧй дӧрапас, кинаныд шенасьӧй, гораа чуксалӧй тышкайӧзӧс, медым найӧ пырасны юралысьяслӧн дзиръяӧд.

Исай 13:4

Керӧсъяс вылын кылӧ гора шы, сійӧ уна йӧзлӧн ызгысь шы кодь, кылӧ ӧтвыв чукӧртчӧм войтыръяслӧн шы. Господь Саваоф чукӧртӧ Ассьыс тышкайӧзсӧ.

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Исай 31:9

Ёна повзьӧмнысла вошас налӧн зумыд лачаныс, налӧн юралысьясыс повзясны дӧрапасысь да пышъясны, – висьталӧ Господь, кодлӧн биыс ӧзйӧ Сионын, донӧдӧм пачыс – Ерусалимын.

Исай 49:22

Господь Ыджыдыс тадзи висьталӧ: – Ме нюжӧда киӧс войтыръяслань, лэпта Ассьым дӧрапасӧс чужанкотыръяслы, и найӧ ваясны тэнсьыд пиянтӧ ки выланыс, тэнсьыд нывъястӧ – пельпом выланыс.

Исай 5:26

Господь кыпӧдас дӧрапас да чукӧстас войтыръясӧс ылі муясысь, Сійӧ чукӧстас му помын олысьясӧс, и найӧ кокньыда да тэрыба локтасны.

Исай 7:18

Сійӧ лунӧ Господь чукӧстас Нил ю дорысь гутъясӧс, Ассур муысь мазіясӧс.

Еремей 22:29

– Иуда му да сэні олысьяс, кывзӧй Господьлысь кывсӧ!

Еремей 51:27

Лэптӧй дӧрапасъяс му пасьталаыс, буксӧй буксанӧн войтыръяс пӧвстын, дасьтӧй войтыръясӧс уськӧдчыны Вавилон вылӧ, чуксалӧй сылы паныд Арарат муын олысьясӧс, чуксалӧй Минни да Аскеназ муясын олысьясӧс, индӧй сылы паныд тышкайӧзӧн веськӧдлысьӧс, чукӧртӧй вӧвъясӧс повзьӧдчана саранча мында.

Микей 1:2

– Кывзӧй, войтыръяс! Кывзы, му! Кывзӧй, сэні олысьяс! Господь Ыджыдыс ставсӧ аддзӧ – Сійӧ локтас Аслас вежа крамысь да мыжалас тіянӧс.

Микей 6:2

Кывзӧй, керӧсъяс, Господьлысь мыжалӧмсӧ! Кывзӧй, муыслӧн вешйывтӧм подувъяс! Ӧд Господь мыжалӧ Ассьыс войтырсӧ, корӧ Израильӧс ёрд водзӧ.

Микей 6:9

Мывкыд морт вежавидзӧ Господьысь. Господь шыасьӧ кар дінӧ, кывзӧй Сійӧс, карса олысьяс да веськӧдлысьяс!

Закар 9:14

Господь петкӧдчас, медым отсавны Аслас войтырлы, Сійӧ чардби моз лыйыштас Ассьыс ньӧвсӧ. Господь Ыджыдыс букӧстас буксанӧн, Сійӧ кыпӧдчас лунвыв ыджыд тӧвнырӧн.

Матвей 13:16

Ті шудаӧсь, ӧд тіян синныд аддзӧ да пельныд кылӧ.

Матвей 13:9

Кодлӧн эм пель, мед кылӧ!»