Исай 17:10 - Коми Библия 2023

¹⁰ Ӧд тэ вунӧдін Ентӧ, ассьыд Мездысьтӧ, он казьтыв тэнӧ сайӧдысь Изкырта йылысь. Тэ пуктін мича быдмӧгъяс аслад идолъяслы, вужйӧдін йӧз виноград вожъяс.

Исай 17:10 Kruisverwysings

1 Каднебӧг 16:35

Шуӧй: Енмӧй, миян Мездысьӧй, мезды миянӧс, чукӧрт миянӧс войтыръяс пӧвстысь. Сэки ми ошкам Тэнсьыд вежа нимтӧ, кутам ошйысьны Тэнад дзирдлунӧн.

Псалтыр 106:13

Но сьӧкыдаліганыс найӧ шыасисны Господь дінӧ, и Сійӧ мездіс найӧс шогысь.

Псалтыр 106:21

Ошкӧй Господьӧс Сылӧн буралӧмысь да шензьӧдана уджъясысь, мый Сійӧ вӧчӧ йӧзыслы!

Псалтыр 18:2

Енэжыс висьталӧ Енлӧн дзирдлуныс йылысь, енэжвевтыс юӧртӧ Сылӧн киӧн вӧчӧмторъяс йылысь.

Псалтыр 31:2

Шуда сійӧ мортыс, кодлысь мыжсӧ Господь оз казьтыв, кодлӧн сьӧлӧмас абу наянлуныс.

Псалтыр 65:5

Локтӧй да видзӧдлӧй Енлӧн уджъяс вылӧ, наысь йӧзӧс полӧм босьтас.

Псалтыр 79:9

Египетысь Тэ вайин виноград вожтӧ, вӧтлін войтыръясӧс, а вожтӧ вужйӧдін.

Псалтыр 85:4

Господьӧй, гажӧд Ассьыд кесйӧгтӧ, Тэныд ме восьта ассьым сьӧлӧмӧс.

Псалтыр 9:17

Господьӧс тӧдмалӧны Сылӧн веськыда мыждӧмыс серти – лёк вӧчысь шедӧ аслас киӧн вӧчӧм налькйӧ.

Исай 12:2

Енмыс – менӧ Мездысьыс. Сы вылӧ ме лача кута да ог пов. Господь – менам вынӧй, Сійӧ – менам сьыланкывйӧй. Господь мездіс менӧ».

Исай 17:9

Сійӧ лунӧ Израильлӧн зумыд каръяскӧд лоӧ сідзи жӧ, кыдзи вӧлі сэки, кор мукӧд войтыръяс эновтісны ассьыныс каръяссӧ Израиль войтырлӧн локтігӧн. Израильлӧн зумыд каръясыс лоӧны вӧр кодьӧсь, кӧні некод оз ов. Гӧгӧр лоӧ куш.

Исай 18:5

Но виноград вотӧдз на, сылӧн дзоридзалӧм бӧрти, кор розйыс заводитас кисьмыны, Господь пуртӧн вундалас вожъяссӧ, Сійӧ кералас да шыбитас выль вожъяссӧ.

Исай 25:4

Тэ дорйин гӧльясӧс, видзин коньӧръясӧс налӧн сьӧкыд кадӧ. Тэ вӧлін сайӧдчанінӧн ыджыд тӧвнырысь, вуджӧрӧн – шонді пӧжӧмысь. Ӧд дзескӧдысьяслӧн ловшыныс стенлы паныд пӧльтысь тӧвныр кодь.

Исай 26:4

Лачанытӧ пыр кутӧй Господь вылӧ, ӧд Господь Ен – нэмъяс чӧж сулалысь изкырта.

Исай 30:29

А ті понданныд сьывны, кыдзи сьыланныд рытнас, вежа гажӧдчан лун пасйигӧн. Тіян сьӧлӧмныд пондас нимкодясьны, кыдзи нимкодясьӧны пӧлян шы улӧ Господьлӧн керӧс вылӧ мунысьяс, Израильлӧн зумыд Из дінӧ ветлысьяс.

Исай 33:2

Господьӧй, ло бур сьӧлӧма миян дінӧ! Тэ вылӧ ми лача кутам. Водз асывсянь ло миянлы Дорйысьӧн, сьӧкыд кадӧ ло миянлы Мездысьӧн!

Исай 44:8

Энӧ полӧй да энӧ майшасьӧй! Ме ӧд важысянь нин тіянлы висьталі, водзысянь юӧрті, мый лоӧ. Ті ӧд тӧданныд, мый Ме – Енмыс. Эм-ӧ Ме кындзи мӧд Енмыс? Мӧд зумыд изйыс абу, мӧдӧс Ме ог тӧд.

Исай 51:13

А Господьӧс тэ вунӧдан. Сійӧ вӧчис тэнӧ, шевкнитіс енэжсӧ, зумыда сувтӧдіс мусӧ. Мыйла тэ пыр полан дзескӧдысьлӧн скӧралӧмысь, полан сыысь, коді дась тэнӧ бырӧдны? Но кӧні нӧ тэнӧ дзескӧдысьлӧн скӧралӧмыс?

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Исай 62:11

Со, Господь юӧртӧ му помӧдзыс: – Висьталӧй Сион нывлы: видзӧд, локтӧ тэнад Мездысьыд, Сыкӧд ставныс, кодъясӧс Сійӧ шедӧдіс, Сылӧн син водзын ставныс, кодъясӧс Сійӧ Аслыс босьтіс.

Еремей 12:13

Менам войтырӧй кӧдзис шобді, а вундіс йӧн. Найӧ ёна мырсисны, но ставыс весьшӧрӧ. Мед тіянлы яндзим лоӧ нянь чукӧртіганыд, ӧд Господьлӧн яр скӧрлуныс вӧсна суис тіянӧс тайӧ.

Еремей 17:13

Господьӧй, Тэ – Израильлӧн лачаыс! Тэнӧ эновтысьяс ставныс яналасны, Тэысь кежысьяс бырасны бус вылӧ гижӧм нимъяс моз, ӧд найӧ эновтісны Господьӧс, ловъя ва петанінсӧ.

Еремей 2:32

Том ныв ӧмӧй вунӧдас пасьтавны мичмӧдчанторъяссӧ, гӧтырпу – кӧлысь паськӧмлысь вӧньсӧ? Но Менам войтырӧй важӧн нин вунӧдіс Менӧ.

Еремей 3:21

Изъя керӧсъяс вылын кылӧ гӧлӧс шы, Израиль войтырлӧн бӧрдӧм да кевмӧм шы, ӧд найӧ кежисны асланыс туй вылысь, вунӧдісны Господьӧс, ассьыныс Енсӧ.

Езекиль 22:12

Босьтӧны козинъяс, медым вир кисьтны. Сетӧны уджйӧзӧн, медым бӧрсӧ содтӧдӧн босьтны. Матыссаӧс дзескӧдӧмӧн озырмӧдчӧны. Ерусалим, тэ вунӧдін Менӧ, – висьталӧ Господь Ыджыдыс. –

Езекиль 23:35

Господь Ыджыдыс тадзи висьталӧ: тэ бергӧдчин Меысь да вунӧдін Менӧ, сідзкӧ, лэдзчысьӧм оласногыд да кырсалӧмыд вӧсна ну сьӧкыдтӧ».

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Осий 8:14

Израиль вунӧдіс ассьыс Вӧчысьсӧ, кыпӧдаліс юрбитанінъяс. Иуда лэптіс уна зумыд кар, но Ме ыста сылӧн каръяс вылӧ би, и биыс ньылыштас сылысь изкаръяссӧ.

Йоиль 1:17

Кӧдзӧм кӧйдыс сісьмис муас, жытникъяс кушмисны, нянь йӧртӧдъяс киссисны, ӧд няньыс эз ло.

Левит 26:16

тӧдӧй, мый Ме сэки тіянкӧд вӧча. Ме мӧдӧда тіян вылӧ полӧм, вир-яй косьмӧм да биа висьӧм, мый вӧсна тіян синныд пемдас и ловныд нюкыртчас. Ті весьшӧрӧ кутанныд кӧдзны, ӧд вӧрӧг сёяс няньнытӧ.

Левит 26:20

Весьшӧрӧ вынтӧ пуктанныд, ӧд муныд оз сет быдтассӧ, пуясныд оз сетны тіянлы вотӧссӧ.

Амос 5:11

Ті дзескӧданныд гӧльясӧс, босьтанныд налысь няньсӧ. Та вӧсна лоас тадзи: ті лэптанныд керкаяс кералӧм ыджыд изъясысь, но сэтчӧ онӧ овмӧдчӧй, ті пуктанныд бур виноград йӧръяс, но сэтчӧс вотӧсысь пычкӧм винасӧ онӧ юӧй.

Аввакум 3:18

и сэки ме кута нимкодясьны Господьӧн, Енмӧн, коді мездӧ менӧ.

Софоний 1:13

Но налысь озырлунсӧ мырддясны, налысь керкаяссӧ куштасны. Найӧ лэптасны керкаяс, но овны сэні оз кутны, пуктасны виноград, но винасӧ юны оз кутны.

Индӧд 28:30

Тэ кикутан, но гӧтырпуыдкӧд мӧд узяс. Лэптан керка, но сэтчӧ он овмӧдчы. Виноград пуктан, но вотӧссӧ сэтысь он босьт.

Индӧд 32:15

[Яков сёйис,] Ешурун тшӧгис да лои асныра, тшӧгис, кызіс да госсяліс. Сійӧ эновтіс Енсӧ, ассьыс Вӧчысьсӧ, мустӧмтіс ассьыс вына Мездысьсӧ.

Индӧд 32:18

Найӧ вунӧдісны Дорйысьӧс, коді чужтіс найӧс, вунӧдісны Енмӧс, коді вӧчис найӧс.

Индӧд 32:31

Вӧрӧглӧн дорйысьыс абу миян Дорйысь кодь, тайӧс гӧгӧрвоӧ весиг вӧрӧгным.

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Индӧд 6:12

видзчысьӧй, медым [сьӧлӧмныд эз ылав да] ті энӧ вунӧдӧй Господьӧс, коді петкӧдіс тіянӧс Египет муысь нартитӧм улысь.

Индӧд 8:11

Видзчысьӧй, медым энӧ вунӧдӧй Господьӧс, ассьыныд Ентӧ. Олӧй Сылӧн индӧд-тшӧктӧмъяс серти, мый талун висьтала тіянлы.

Индӧд 8:14

видзчысьӧй, медым асьнытӧ вылӧ энӧ пуктӧй да энӧ вунӧдӧй Господьӧс, ассьыныд Ентӧ, ӧд Сійӧ петкӧдіс тіянӧс Египет муысь нартитӧм улысь.

Индӧд 8:19

Ті кӧ вунӧданныд Господьӧс, ассьыныд Ентӧ да понданныд кесъявны-юрбитны мукӧд енъяслы, сэки ті быранныд. Талун [енэжыс и муыс водзын] кыв сета, мый ті быранныд.