Исай 16:9 - Коми Библия 2023

⁹ Та вӧсна Язеркӧд ӧтвыв ме бӧрда сивмаса виноград вӧсна. Кисьта синваӧс тіян вӧсна, Хешбон да Эляле, ӧд вотӧс чукӧртан кадӧ да вундан кадӧ оз пет тіянсянь нимкодясьӧм шы.

Исай 16:9 Kruisverwysings

Исай 9:3

Господьӧй, Тэ содтан-рӧдмӧдан тайӧ войтырсӧ, сетан налы ыджыд нимкодьлун. Найӧ пондасны ёна гажӧдчыны Тэ водзын, кыдзи гажӧдчӧны вундан кадӧ, кыдзи гажӧдчӧны тышын шедӧдӧм эмбур юклігӧн.

Еремей 40:10

Ачым ме кольчча Миспаӧ да кута висьтавлыны тіян йылысь бурсӧ Калдея муысь миян дінӧ волысьяслы. А ті чукӧртӧй виноград, яблӧг-груша да олив, заптӧй найӧс асланыд дозъясӧ. Олӧй сійӧ каръясас, кодъясӧс ті босьтінныд аслыныд».

Еремей 40:12

Та йылысь кылӧм бӧрын иудаса йӧз бергӧдчисны Иуда муӧ быдлаысь, кытчӧ найӧ пышйылісны. Найӧ локтісны Миспаӧ Гедалий дінӧ. Сійӧ вонас найӧ чукӧртісны зэв уна виноград да яблӧг-груша.

Езекиль 27:31

Юрнысӧ тэ вӧсна кушӧдз шырӧны, пасьталӧны шогалан паськӧм, курыда бӧрдӧны.

Езекиль 32:18

«Морт пиӧй, ырзӧмӧн бӧрд египетса уна лыда войтыр вӧсна. Колльӧд найӧс да мукӧд вына войтыръясӧс, кодъяс мунасны му пыдӧсас, кулӧмаяс дінӧ.

Ёрдысьяс 9:27

Ӧтчыд сикемсаяс петісны чукӧртны виноград вотӧс. Пычкан гуын вотӧссӧ талялӧм бӧрын чукӧртчисны гажӧдчыны. Найӧ мунісны асланыс енлы юрбитанінӧ, сёйисны-юисны да ёрисны Авимелекӧс.