Исай 16:11 - Коми Библия 2023

¹¹ Та вӧсна менам пытшкӧсӧй гусли моз бӧрдӧ Моав вӧсна, сьӧлӧмӧй бӧрдӧ Кир-Харешет вӧсна.

Исай 16:11 Kruisverwysings

Исай 15:5

Менам сьӧлӧмӧй бӧрдӧ Моав вӧсна. Моавсаяс пышйӧны Цоарӧ, мунӧны Эглат-Шелишияӧдз, найӧ бӧрдӧмӧн кайӧны Лухит керӧсӧ, Хоронаимӧ мунан туй вылын ойзӧны бырӧдӧм вӧсна.

Исай 21:3

Тайӧс аддзылӧмысь менам пытшкӧсӧй кутіс дзӧрны, сьӧкыд дойяс топӧдісны менӧ кага чужтысьӧс моз. Ме шӧйӧвоши сыысь, мый кывлі, менӧ полӧм босьтіс сыысь, мый аддзывлі.

Исай 63:15

Видзӧдлы енэжсяньыс, видзӧдлы Аслад вежа да дзирдлуна оланінсянь! Кӧні Тэнад вежӧгтӧмыд да вынйӧрыд? Тэнад сьӧлӧмыд тупкыса меным, Тэ он бурав ме дінӧ.

Еремей 31:20

Но Ефрем – Менам муса пиӧй, сійӧ вайӧ Меным нимкодьлун. Ме унаысь мыждылі сійӧс, но некор ог вунӧд сійӧс! Менам сьӧлӧмӧй висьӧ Ефрем понда, Ме бурсьӧлӧмтча сы дінӧ, – висьталӧ Господь.

Еремей 4:19

– Меным зэв сьӧкыд, менам сьӧлӧмӧй висьӧ дойысь, сійӧ ставнас тіралӧ, ме ог вермы чӧв овны. Ме кыла буксан шы – тыш вылӧ чуксалӧм.

Еремей 48:31

Та вӧсна Ме бӧрда Моав вӧсна, сыркъялӧмӧн бӧрда моавса войтыр вӧсна, шогсьӧмӧн горза Кир-Харешетын олысьяс вӧсна.

Еремей 48:36

– Та вӧсна менам сьӧлӧмӧй пӧлян моз бӧрдӧ Моав вӧсна, бӧрдӧ Кир-Харешетын олысьяс вӧсна, ӧд налӧн чукӧртӧм озырлунныс бырис.

Бӧрданкыв 1:20

Господьӧй, видзӧдлы, кутшӧм меным сьӧкыд! Тэныд пыксьӧмӧй вӧсна менам пытшкӧсӧй шызьӧма, сьӧлӧмӧй тіралӧ. Ывлаын шыпурт бырӧдіс челядьӧс, керкаӧ кулӧм овмӧдчис.

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Филипӧ 2:1

Кристоскӧд олӧмыс кӧ ышӧдӧ тіянӧс, Сылӧн муслуныс кӧ бурӧдӧ тіянӧс, Енлӧн Лолыс кӧ ӧтвывтӧ тіянӧс, ті кӧ меліӧсь да бур сьӧлӧмаӧсь ӧта-мӧдныд дінӧ,