Исай 15:5 - Коми Библия 2023

⁵ Менам сьӧлӧмӧй бӧрдӧ Моав вӧсна. Моавсаяс пышйӧны Цоарӧ, мунӧны Эглат-Шелишияӧдз, найӧ бӧрдӧмӧн кайӧны Лухит керӧсӧ, Хоронаимӧ мунан туй вылын ойзӧны бырӧдӧм вӧсна.

Исай 15:5 Kruisverwysings

Олӧм 13:10

Лот аддзис, мый Йӧрдан ковтыс Цоар карӧдз вӧлі Господьлӧн сад йӧр кодь да уна ваа Египет му кодь. Тайӧ вӧлі Господьӧн Содом да Гомора каръяс бырӧдтӧдз на.

Олӧм 14:2

петісны тышӧ содомса Бер ӧксылы, гомораса Бирша ӧксылы, адмаса Шинав ӧксылы, севоимса Шемевер ӧксылы да беласа, мӧд ногӧн цоарса, ӧксылы паныд.

Олӧм 19:22

Ӧдйӧджык котӧрт сэтчӧ, ӧд ме нинӧм ог вермы вӧчны, кытчӧдз тэ он во сэтчӧ». Тайӧ карыслӧн нимыс Цоар, ӧд Лот тадзи шуис.

Ӧксыяслӧн 2 небӧг 15:23

Ерусалимын кольӧм йӧзыс видзӧдісны мунысьяс вылӧ да ырзӧмӧн бӧрдісны. Давид аслас йӧзкӧд вуджисны Кедрон ковтыс, сэсся мӧдӧдчисны овтӧминлань.

Ӧксыяслӧн 2 небӧг 15:30

А Давид кайис Олив керӧсӧ. Кӧмтӧгыс да юрсӧ вевттьӧмӧн сійӧ муніс и бӧрдіс. Сыкӧд мунысь йӧзыс тшӧтш вевттисны юрнысӧ да бӧрдісны.

Исай 16:14

А ӧні Господь тадзи висьталӧ: «Куим во мысти – лыддьыны кӧ сідзи, кыдзи медалӧм морт лыддьӧ ассьыс уджалан вояссӧ – Моавлӧн нималӧмыс бергӧдчас яналӧмӧ. Тайӧ войтырыслӧн лыдыс вӧлі вывті уна, но найӧ колясны зэв этшаӧн».

Исай 22:5

Ковтысын шӧйӧвошӧм да шызьӧм, йӧзыс талялӧны ӧта-мӧднысӧ. Тайӧ лунсӧ лӧсьӧдіс Ыджыдыс, Господь Саваоф. Жуглӧны карса стенъяс, йӧзыслӧн горзӧмыс кылӧ керӧс йылӧдз.

Исай 59:7

Налӧн кокныс котӧртӧ лёксӧ вӧчны, найӧ тэрмасьӧны мыжтӧмлысь вир кисьтны. Налӧн мӧвпъясыс шогмытӧмӧсь, найӧ мырддялӧны да виалӧны.

Еремей 13:17

Ті кӧ онӧ кывзӧй тайӧ кывъяссӧ, менам сьӧлӧмӧй пондас гусьӧн бӧрдны, кутас курыда бӧрдны тіян ышнясьӧм вӧсна. Менам синваӧй пондас лэччыны шорӧн, ӧд Господьлысь войтырсӧ лоӧ нуӧдӧма пленӧ.

Еремей 17:16

Господьӧй, Тэ тӧдан, мый ме эг ӧтдортчы Тэнсьыд войтыртӧ видзӧмысь, ме эг кӧсйы, медым воис бырӧдан луныс. Тэ водзын восьса ставыс, мый петіс менам вомысь.

Еремей 4:19

– Меным зэв сьӧкыд, менам сьӧлӧмӧй висьӧ дойысь, сійӧ ставнас тіралӧ, ме ог вермы чӧв овны. Ме кыла буксан шы – тыш вылӧ чуксалӧм.

Еремей 4:20

Выльысь и выльысь локтӧ бырӧдӧм, мусӧ ставнас куштӧма. Виччысьтӧг пазӧдісны менсьым чомъясӧс, ӧти здукӧн косялісны чом дӧраясӧс.

Еремей 48:3

Хоронаимсянь кылӧ бӧрдӧм шы, сійӧс куштӧны-бырӧдӧны.

Еремей 48:5

Моавсаяс бӧрдӧмӧн кайӧны Лухит керӧсӧ, Хоронаимсянь лэччӧны ойзӧмӧн, бырӧдӧм вӧсна ойзӧм кылӧ.

Еремей 50:46

Вавилон кар босьтӧм шыысь муыс сыркмунлас, войтыръяс кыласны вавилонсаяслысь горзӧмсӧ.

Еремей 9:10

– Ме сыркъялӧмӧн бӧрда керӧсъяс вӧсна, ырзӧмӧн бӧрда видзьяс вӧсна, ӧд туруныс сотчӧма, видзьяс вылын некод оз ветлӧдлы, оз кыв ыж-мӧслӧн баксӧмыс, енэжвывса лэбачьяс лэбзьӧмаӧсь, пемӧсъяс пышйӧмаӧсь.

Лыд 21:29

Курыд шог тэныд, Моав! Тэнӧ, Кемош идоллӧн войтыр, лоӧ бырӧдӧма. Тэнад пияныд пышйисны, тэнсьыд нывъястӧ аморейяслӧн Сигон ӧксы нуӧдіс пленӧ.