Исай 13:9 - Коми Библия 2023

⁹ Господьлӧн мыждан луныс локтӧ ыджыд лӧглунӧн да ыпъялан скӧрлунӧн, медым вӧчны мусӧ овтӧминӧн да бырӧдны му вылысь мыжаясӧс.

Исай 13:9 Kruisverwysings

Псалтыр 104:35

сёйис видз вылысь став турунсӧ, куштіс видз-му вылысь став быдмӧг-вотӧссӧ.

Шусьӧгъяс 2:22

А лёк вӧчысьясӧс лоӧ бырӧдӧма му вывсьыс, ылӧдчысьясӧс лоӧ нетшыштӧма вужнас.

Исай 13:6

Ырзӧмӧн бӧрдӧй, ӧд Господьлӧн луныс матын нин, сійӧ локтӧ Ставсӧвермысьсянь да бырӧдӧ ставсӧ.

Исай 2:12

Господь Саваофлӧн дасьтӧма лун, кор Сійӧ кутас мыждыны вылӧ кыпӧдчысьясӧс, ышнясьысьясӧс да вывтіасьысьясӧс, и найӧс лоӧ улӧ лэдзӧма.

Исай 34:8

Ӧд воис Господьлӧн мыждан луныс, Сион вӧсна водзӧс перъян воыс.

Исай 63:4

Ме инді водзӧс перъян лун, матыстчис Менсьым войтырӧс мездан воыс.

Исай 66:17

Кодъяс вежӧдӧны-сӧстӧммӧдӧны асьнысӧ, медым сьӧрсьӧн-бӧрсьӧн юрбитны расъясын, кодъяс сёйӧны быдпӧлӧс пежсӧ – порсь яй да шыръясӧс, найӧ ставныс куласны, – висьталӧ Господь.

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

Езекиль 13:5

Найӧ эз кыпӧдчывны дзоньтавны стенлысь киссьӧминсӧ, медым Господьлӧн лунӧ тыш дырйи Израиль войтыр гӧгӧр стенмыс зумыда сулаліс.

Езекиль 30:3

ӧд матын Господьлӧн луныс. Матыстчӧ сьӧд кымӧра лун, войтыръясӧс мыждан кад.

Йоиль 1:15

Повзьӧдана лун миянӧс виччысьӧ, Господьлӧн луныс матын, Ставсӧвермысьсянь сійӧ локтас, медым бырӧдны.

Йоиль 2:1

– Буксӧй буксанӧн Сионын, гораа горзӧй Менам вежа керӧс вылын! Тіралӧй-дзӧрӧй, тайӧ муас олысьяс, ӧд Господьлӧн луныс локтӧ, сійӧ матын нин.

Йоиль 2:31

Шондіыс пемдас, тӧлысьыс вирӧн ойдас Господьлӧн ыджыд да повзьӧдана луныс вотӧдз.

Наум 1:2

Господь – вежӧгтысь Ен, Сійӧ – водзӧс перйысь Ен. Господь водзӧс перйӧ, Сійӧ тырӧма скӧрлунӧн. Господь мынтысьӧ Сійӧс мустӧмтысьяслы, Сійӧ дугдывтӧг скӧралӧ паныд сувтысьяс вылӧ.

Наум 1:6

Коді вермас паныд сувтны Сылӧн лӧглунлы, коді вермас ловйӧн кольны Сылӧн ыпъялан скӧрлунысь? Сылӧн скӧрлуныс би моз разалӧ, Сы водзын потласьӧны-жугалӧны изкыртаяс.

Наум 1:8

Ыджыд ытваӧн Сійӧ подулӧдзыс жугӧдас Ниневия кар, Ассьыс вӧрӧгсӧ Сійӧ вӧтлас пемыдінӧ.

Софоний 1:15

Сійӧ луныс лоӧ скӧралан лунӧн, сьӧкыдалан да шогалан лунӧн, бырӧдан да куштан лунӧн, пемыд да сап пемыд лунӧн, сьӧд кымӧра да сук руа лунӧн.

Закар 14:1

Господьлӧн луныс кор воас, тэнсьыд мырддьӧм эмбуртӧ, Ерусалим, юкласны тэ дырйи.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Восьтӧм 18:8

Та вӧсна ӧти лунӧ суас сійӧс став бырӧданторйыс: кулӧмыс, шогыс да тшыгъялӧмыс. Сійӧс сотасны биын, ӧд Господь Ен, сійӧс Мыждысьыс, – вына!