Исай 13:16 - Коми Библия 2023

¹⁶ Налысь кагаяссӧ пасьвартасны налӧн син водзын, керкаяссӧ куштасны, гӧтыръяссӧ мырдӧналасны.

Исай 13:16 Kruisverwysings

Исай 13:18

Том зонъясӧс найӧ лыйласны ньӧввужйысь, кагаясӧс найӧ оз жалитны, челядь дінӧ оз бурсьӧлӧмтчыны.

Исай 14:21

Батьныслӧн мыж вӧсна дасьтӧй вианін сылӧн пиянлы, медым найӧ эз босьтны асланыс кипод улӧ мусӧ, эз тыртны муюгыдсӧ лёксьысьясӧн.

Исай 47:9

Но ӧти лунӧ, тӧдлытӧг, суас тэнӧ ӧтиыс и мӧдыс: тэ воштан челядьтӧ и колян дӧваӧн. Ставыс тайӧ воас тэ вылӧ ыджыд шыӧн, кӧть тэ ёна туналан-кимӧститчан.

Еремей 51:22

Тэӧн Ме пасьвартлі айловӧс и аньӧс, пӧрысьӧс и томӧс, зонмӧс и нылӧс.

Бӧрданкыв 5:11

Дзескӧдысьяс мырдӧналӧны аньясӧс Сионын, янӧдӧны нывъясӧс Иуда каръясын.

Осий 10:14

Тэнад войтыр пӧвстын кыптас шызьӧм, став тэнсьыд изкаръястӧ лоӧ бырӧдӧма, кыдзи тыш дырйи Шалман бырӧдіс Бет-Арбел. Сэні вӧлі виӧма мамъясӧс челядьныскӧд.

Наум 3:10

Но сійӧс тшӧтш нуӧдісны пленӧ, сылысь кагаяссӧ виисны туйвежъясын, сылӧн нималана йӧзыс вӧсна пудъясисны, став сылысь тӧдчана йӧзсӧ дорисны чепъясӧн.

Закар 14:2

– Ме чукӧрта войтыръясӧс, мед тышкасьны Ерусалимкӧд. Найӧ босьтасны карсӧ, керкаяссӧ куштасны, аньяссӧ мырдӧналасны-янӧдасны. Карсьыс джын олысьсӧ нуӧдасны пленӧ, мукӧдсӧ колясны карас.