Исай 10:6 - Коми Библия 2023

⁶ Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Исай 10:6 Kruisverwysings

Ӧксыяслӧн 2 небӧг 22:43

Ме шердъя найӧс тӧвйыв бусӧс моз, таляла найӧс туйвыв няйтӧс моз.

Ӧксыяслӧн 4 небӧг 18:25

Ме ӧд Господьлӧн кӧсйӧм серти локті татчӧ, медым бырӧдны тайӧ мусӧ. Господь Ачыс шуис меным: ”Мун да бырӧд сійӧ мусӧ”».

Исай 19:17

Египетсаяслы Иуда му лоӧ повзьӧдчанторйӧн. Коді Египетын кылас Иуда йылысь, повзяс, ӧд сылы тӧд вылас усяс, мый Господь Саваоф водзвыв шуліс Египет йылысь.

Исай 22:5

Ковтысын шӧйӧвошӧм да шызьӧм, йӧзыс талялӧны ӧта-мӧднысӧ. Тайӧ лунсӧ лӧсьӧдіс Ыджыдыс, Господь Саваоф. Жуглӧны карса стенъяс, йӧзыслӧн горзӧмыс кылӧ керӧс йылӧдз.

Исай 24:5

Му вылын олысьяс пежалісны мусӧ, ӧд найӧ ӧтдортісны Енлысь Индӧдсӧ, нинӧмӧ пуктісны Сылысь тшӧктӧмъяссӧ, пыр кежлӧ кӧрталӧм йитӧдсӧ торкисны.

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Исай 32:6

Ӧд мывкыдтӧм мортлӧн сёрниыс мывкыдтӧм, сійӧ мӧвпалӧ лёк вӧчӧм йылысь, сылӧн оласногыс шогмытӧм, сійӧ омӧльтӧ Господьӧс, няньтӧг кольӧ тшыг мортӧс, горш косьмысьлы оз сет ва.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Исай 33:14

Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

Исай 41:25

Войвывсянь Ме вайӧді мортӧс, и сійӧ локтіс. Асыввывсянь сійӧ чукӧстіс Менсьым нимӧс. Сійӧ талялӧ юралысьясӧс нюйтӧс моз, кыдзи гырнич вӧчысь талялӧ сёй.

Исай 49:17

Тэнад пияныд тэрмасьӧны локны тэ дінӧ, а тэнӧ пазӧдысьяс-куштысьяс пышйӧны.

Исай 49:25

Но Господь тадзи висьталӧ: – Ӧні вына тышкамортлысь лоӧ мырддьӧма пленӧ босьтӧмаясӧс, дзескӧдысьлысь лоӧ босьтӧма мырддьӧмасӧ. Ме Ачым кута вермасьны тэныд паныд сувтысьяскӧд, Ме мезда тэнсьыд челядьтӧ.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Исай 5:29

Найӧ равзӧны лев моз, эргӧны том левъяс моз, кыйдӧссӧ кватитӧны равӧстӧмӧн, пышйӧдӧны, и некод оз вермы налысь мырддьыны.

Исай 5:5

Ӧні Ме висьтала тіянлы, мый вӧча Аслам виноград йӧркӧд. Ме кисьта сылысь потшӧссӧ, и сійӧс куштасны. Ме жугӧда сылысь стенъяссӧ, и сійӧс таляласны.

Исай 63:3

– Ме ӧтнамӧн таляси пычкан гуын, войтыръяс пӧвстысь некод эз отсась Меным. Скӧралігӧн Ме талялі войтыръясӧс, ёна лӧгалігӧн талялі найӧс. Налӧн вирыс резіс Менсьым паськӧмӧс, и Менам паськӧмӧй ставнас няйтчис.

Исай 63:6

Ме талялі войтыръясӧс Аслам скӧралігӧн, пазӧді найӧс Аслам лӧгалігӧн, кисьті му вылӧ налысь вирсӧ.

Исай 7:17

Тэныд, тэнад войтырлы да тэнад рӧдлы Господь мӧдӧдас сэтшӧм лунъяс, кутшӧмӧсь эз на вӧвны сійӧ кадсяньыс, кор Ефрем торйӧдчис Иудаысь. Тіянлы паныд Господь мӧдӧдас ассурса ӧксыӧс.

Исай 8:4

Ӧд сійӧ кадӧдзыс на, кор тайӧ кагаыс велалас ”бать” да ”мам” кывъяс шуны, Дамаскысь озырлунсӧ да Самарияысь эмбурсӧ ваясны ассурса ӧксы водзӧ».

Исай 8:8

визувтас став Иуда му пасьтала да ойдӧдас сійӧс ставнас, и ваыс лоӧ голявыйӧдз. Сійӧ паськӧдас ассьыс бордъяссӧ став Тэнад му пасьтала, Эммануил.

Исай 9:17

Господь оз нимкодясь налӧн том йӧз вӧсна, налӧн батьтӧм-мамтӧм челядь дінӧ да дӧваяс дінӧ Сійӧ оз бурав, ӧд найӧ ставныс ылӧдчысьяс да лёк вӧчысьяс, налӧн вомысь петӧ сӧмын пеж сёрни. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 3:10

Но весиг та бӧрын Иуда, Израильлӧн ылӧдчысь чойыс, эз сьӧлӧмсяньыс бергӧдчы Ме дінӧ, а сӧмын ылӧдчис», – висьталӧ Господь.

Еремей 34:22

Ме бӧр вайӧда найӧс тайӧ карыс дорӧ, – висьталӧ Господь. – Менам тшӧктӧм серти найӧ уськӧдчасны тайӧ карыс вылӧ, босьтасны сійӧс да сотасны биӧн. Иудаса каръясӧс Ме вӧча овтӧминӧн, сэні оз коль олысьыс».

Еремей 4:14

– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

Езекиль 29:20

Удждон пыдди Ме сета Навукодоносорлы Египет му, ӧд сылӧн тышкайӧзыс уджалісны Меным, – висьталӧ Господь Ыджыдыс.

Езекиль 38:12

Кушта пӧ найӧс, мырддяла эмбурнысӧ. Тэ лэптан китӧ выльысь кыпӧдӧм да овмӧдӧм каръяс вылӧ, мукӧд войтыръяс пӧвстысь чукӧртӧм войтыр вылӧ. Найӧ олӧны му шӧрас, налӧн эм уна ыж-мӧс да эмбур-озырлун.

Езекиль 38:13

Саваын да Деданын олысьяс, тшӧтш фарсисса вузасьысьяс да лев кодь ён йӧз юаласны тэнсьыд, локтін-ӧ куштыны мусӧ, чукӧртін-ӧ тышкайӧзтӧ, медым мырддявны эзысь-зарни, ыж-мӧс да эмбур-озырлун.

Микей 7:10

Тайӧс аддзас менӧ мустӧмтысь, коді шуавліс меным, кӧні пӧ Господь, тэнад Енмыд. Сійӧ яналас, а ме аддза, кыдзи туйвыв няйтӧс моз сійӧс таляласны.

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Закар 10:5

Найӧ лоӧны вына тышкайӧз кодьӧсь, таляласны вӧрӧгӧс кокувса няйтӧс моз. Найӧ вермасны тышын, ӧд накӧд лоӧ Господь, найӧ янӧдасны вӧрӧглысь верзьӧмаяссӧ.

Матвей 15:7

Кык бана шаньгаяс! Бура шуӧма тіян йылысь Исай пророк: